Serangan Rusia tu Ukraina

Tanggal 24 Februari 2022 manogot, mulai ma dibahen tentara ni Rusia serangan tu Ukraina. Berupaya do akka pamimpin ni portibi on mangalului cara asa unang terjadi porang. Alai tetap do diserang Rusia negara i. Aha do pengaruh ni serangan on tu akka halak di liat portibi on? Sekretaris Jenderal Perserikatan Bangsa-Bangsa, si António Guterres mandok, “Parporangan on mambahen godang na sega jala mambahen halak massai susa. Dang merasa aman be akka jolma di Eropa dohot di sude liat portibi on.”

Aha do naung dipaboa hian di Bibel taringot porang?

• Nungnga dipaboa Jesus Kristus hian na lao “marporang ma bangso tu bangso jala harajaon tu harajaon” di ujung ni ari parpudi. (Mateus 24:7) Molo naeng diboto hamu unggodang informasi taringot pandangan ni Bibel taringot porang, jaha ma artikel “Aha do Tanda ni ‘Ari Parpudi’ manang ‘Ujung ni Ari’ i?”

• Di bukku Pangungkapon, digombarhon do porang on songon halak na nakkok tu hoda na marwarna “merah songon api” jala dibuat do “hadameon sian tano on”. (Pangungkapon 6:4) Molo naeng diboto hamu unggodang informasi taringot topik on, jaha ma artikel “Angka Ise do Na Mangkunduli Hoda I?”

• Nungnga disurat hian di bukku Daniel na lao marmusu “Raja Utara” dohot “Raja Selatan”. (Daniel 11:25-45) Molo naeng diboto hamu boasa Rusia dohot akka negara na bergabung tusi didok Raja Utara, tonton ma video Surirang Naung Digohi—Daniel Bindu 11.a

• Nungnga disurat hian muse di bukku Pangungkapon na lao masa “porang di ari na balga, i ma ari ni Debata Pargogo na So Hatudosan i”. Satokkin nai lao terjadi ma porang on. (Pangungkapon 16:14, 16) Alai porang ni Debata on dang songon akka porang na masa saonari, sada bangso mangalo bangso na asing. Molo naeng diboto hamu taringot porang na dipaboa di bukku Pangungkapon on, jaha ma artikel “Aha do Porang Armagedon i?”

Denggan nama situasi ni portibi on!

• Didok di Bibel na lao “Dipaujung [Debata] do akka porang di saluhut tano on.” (Psalmen 46:9) Molo naeng diboto hamu akka janji na lao pasauton ni Debata di ari na naeng ro, jaha ma artikel “Harapan na Massai Denggan na Lao Saut di Ari na Naeng Ro”.

• Diajarhon Jesus do tu akka muridna asa torus ditangiakkon nasida ro Harajaon ni Debata. (Mateus 6:9, 10) Harajaon ni Debata, i ma pamarettaon na sian surgo na lao pasautton lomo ni roha ni Debata tu sude portibi on, termasuk ma mambahen dame portibi on. Molo naeng diboto hamu akka aha naung diulahon Harajaon ni Debata, tonton ma video Aha do Harajaon ni Debata i?

Adong lobi sian 129.000 Saksi Jahowa di Ukraina. Songon Saksi Jahowa na adong di negara na asing, ditiru nasida do Jesus asa tetap netral tu politik jala dang dohot marporang. (Johannes 18:36) Alai torus do marbarita na uli Saksi Jahowa di liat portibi on. Dipaboa nasida do na lao pasoon ni Harajaon ni Debata sude masalah ni jolma, termasuk ma i porang. (Mateus 24:14) Molo naeng diboto hamu aha do harapan na dilehon Debata tu akka jolma di ari na naeng ro, hubungi hamu ma hami.