Pangurupion Ni Harajaon​—Pajongjongkon Inganan Parpunguan dohot Mangalehon Pangurupion tu na Hona Mara

DISI masuk tu Bale Harajaon, songgot ma rohamuna. Sian mulana, las situtu do rohamuna mamangke inganan i. Ndang tarlupahon hamu tingki dohot pajongjongkon inganan i martaontaon naung salpu. Alai dao do umlas rohamuna mangida Bale Harajaon on ala dipangke gabe posko laho mangurupi. Tingki ro halisungsung dohot banjir, diatur Panitia Cabang do asa diparade sipanganon, pangkean, aek siinumon, dohot na asing. Sude pangurupion on disusun di Bale Harajaon. Manetek do ilu ni angka dongan ala ni las ni rohana mandapot pangurupion sian organisasi.

Didok Jesus, holong do tanda ni rayat ni Harajaon i. (Joh. 13:34, 35) Di bagian on, taulas ma holong ni Sitindangi Ni Jahowa na tarida tingki pajongjongkon dohot paradehon pangurupion tu dongan na hona mara. Holong sisongon on patuduhon molo hita ditogutogu Pamarentaon ni Harajaon ni Jesus Kristus.