PERPUSTAKAAN ONLINE Joujou Paboahon
PERPUSTAKAAN ONLINE
Joujou Paboahon
Batak (Toba)
  • BIBEL
  • PUBLIKASI
  • PARPUNGUAN
  • wp17 No. 1 hlm. 5-6
  • Songon dia Asa Tahalomohon?

Dang adong video na diparade di pilihan on.

Maaf, adong gangguan tikki lao mambukka video on.

  • Songon dia Asa Tahalomohon?
  • Joujou Paboahon Barita Harajaon Ni Jahowa (Edisi Umum)—2017
  • Bahan na Sarupa
  • Bindu dohot Ayat di Bibel—Ise do na Mambahen?
    Joujou Paboahon Barita Harajaon Ni Yahowa (Edisi Umum)—2016
  • Coba ma jo on
    Joujou Paboahon Barita Harajaon Ni Jahowa (Edisi Siparsiajaran)—2023
  • Cara Mandapot Godang Manfaat sian Bibel
    Mangolu Saleleng ni Lelengna—Mangattusi Isi ni Bibel
  • Buku na Boi Taantusi
    Joujou Paboahon Barita Harajaon Ni Jahowa—2015
Ida ma Gumodangan
Joujou Paboahon Barita Harajaon Ni Jahowa (Edisi Umum)—2017
wp17 No. 1 hlm. 5-6
Sahalak borua mamangke pangurupion tingki marsiajar Bibel

SIULASON NI MAJALAH ON | ASA TADAPOT LABA SIAN MANJAHA BIBEL

Songon dia Asa Tahalomohon?

Las do rohamuna tingki manjaha Bibel manang ndang? Caramuna manjaha mangkorhon do tu pangkilalaanmuna. Taparrohahon ma aha na boi mangurupi hita asa las rohanta tingki manjaha Bibel.

Pillit ma terjemahan na sintong jala na mura antusan. Molo pagodanghu hatorangan manang hata na maol taantusi, boi do gabe malas ma hita manjaha Bibel. Alani i, lului ma terjemahan ni Bibel na mura taantusi asa boi hona tu rohanta. Terjemahan na denggan i ma terjemahan ni Bibel na hombar tu aslina jala tangkas.a

Pangke ma teknologi. Saonari nunga adong Bibel elektronik. Pigapiga Bibel, boi do tajaha sian internet manang ta-download asa boi tajaha di komputerta, di tablet, manang di HP-nta. Adong do Bibel elektronik na boi mangurupi hamu asa pintor mura mangida ayat di terjemahan na asing manang hatorangan na sarupa di ayat na asing. Molo umlomo rohamuna manangihon sian na manjaha, nunga adong rekaman panjahaion Bibel di pigapiga bahasa. Godang halak na manangihon rekaman panjahaion Bibel tingki di pardalanan, tingki manunsi manang tingki mangulahon ulaon na asing na boi huhut manangihon rekaman penjahaion Bibel. Lomo do rohamuna mamangke cara on?

Pangke ma pangurupion laho marsiajar Bibel. Boi do lam taantusi isi ni Bibel, molo tapangke angka alat na boi mangurupi. Adong peta na boi mangurupi hita mangida manang mamboto angka luat na disurat di Bibel. Adong do muse hatorangan di situs jw.org manang di majalah on, na boi mangurupi hita manangkasi hatorangan na adong di Bibel.

Bahen ma marragam cara. Molo ndang lomo rohanta manjaha Bibel jojor sian 1 Musa tu Pangungkapon, boi do tabahen cara na asing asa boi gabe tahalomohon. Umpamana, manjaha taringot ulaon ni angka halak na disurat di Bibel, ida ma kotak ”Mananda Angka Halak na Disurat di Bibel”. Manang, boi do tajaha taringot pigapiga hatorangan na sarupa manang manjaha angka ayat mangihuthon jujur taonna. Lomo do rohamu mangulahon cara on?

a Godang halak mandok Kitab Suci Terjemahan Dunia Baru mura antusan, tangkas jala sintong. Sitindangi Ni Jahowa do na pabinsarhon Bibel on di bagasan lobi sian 130 bahasa. Boi do hamu man-download i sian situs jw.org manang sian JW Library. Manang molo lomo rohamu, boi do sahalak Sitindangi Ni Jahowa mangalehon i tu hamu.

MANANDA ANGKA HALAK NA DISURAT DI BIBEL

Angka borua na togu haporseaonna

Si Abigail

1 Samuel bindu 25

Si Ester

Ester bindu 2-5, 7-9

Si Hanna

1 Samuel bindu 1-2

Si Maria

(Ina ni Jesus) Mateus bindu 1-2; Lukas bindu 1-2; ida ma muse Johannes 2:1-12; Ulaon ni Apostel 1:12-14; 2:1-4

Si Rahab

Josua bindu 2, 6; ida ma muse Heber 11:30, 31; Jakobus 2:24-26

Si Rebekka

1 Musa bindu 24-27

Si Sara

1 Musa bindu 17-18, 20-21, 23; ida ma muse Heber 11:11; 1 Petrus 3:1-6

Angka baoa na togu haporseaonna

Si Abraham

1 Musa bindu 11-24; dohot bindu 25:1-11

Si Daud

1 Samuel bindu 16-30; 2 Samuel bindu 1-24; 1 Rajaraja bindu 1-2

Jesus

Barita na Uli na Disurat si Mateus, si Markus, si Lukas, dohot si Johannes

Si Musa

2 Musa bindu 2-20, 24, 32-34; 4 Musa bindu 11-17, 20-21, 27, 31; 5 Musa bindu 34

Si Noak

1 Musa bindu 5-9

Si Paulus

Ulaon ni Apostel bindu 7-9, 13-28

Si Petrus

Mateus bindu 4, 10, 14, 16-17, 26; Ulaon ni Apostel bindu 1-5, 8-12

PANGURUPION LAHO MARSIAJAR BIBEL NA DIPABINSAR SITINDANGI NI JAHOWA

  • JW.ORG​—Godang do pangurupion na boi tadapot di situs on. Songon buku Aha do na Diajarhon Bibel tu Hita? Adong do muse disi tudutudu laho man-download aplikasi JW Library

  • ”Lihatlah Negeri yang Baik”​—Buku on marisi peta dohot gombar angka inganan na disurat di Bibel. Nunga rade di bahasa Indonesia dohot di bahasa na asing

  • Pemahaman Alkitab​—Dua jilid buku na marisi hatorangan taringot halak, inganan dohot patik na disurat di Bibel. Nunga rade di bahasa Indonesia dohot di bahasa na asing

  • Bibel—Aha do Isina?​—Buku 32 halaman na marisi rimpunan ni saluhut isi ni Bibel

    Publikasi Bahasa Batak (Toba) (2013-2025)
    Kaluar
    Masuk
    • Batak (Toba)
    • Bagihon
    • Pengaturan
    • Copyright © 2025 Watch Tower Bible and Tract Society of Pennsylvania
    • Aturan Lao Mamakke
    • Kebijakan Privasi
    • Pengaturan Privasi
    • JW.ORG
    • Masuk
    Bagihon