Boasa Torus Masa Porang Dohot Konflik Kekerasan?

DOSA

Tudos tu Ibana do ditoppa Debata si Adam dohot si Hawa. (1 Musa 1:27) Jadi sebenarna boi do nasida maniru sifat ni Debata na lomo rohana tu hadameon dohot patuduhon holong. (1 Korint 14:33; 1 Johannes 4:8) Alai dialo nasida do Debata jala gabe mardosa ma nasida. Ala keturunan si Adam dohot si Hawa do hita sude, hita pe gabe mardosa ma jala mate. (Rom 5:12) Ala nga mardosa hita, jotjot do akka na jahat na adong di pikkiranta. On ma na mambahen godang jolma mangulahon na jahat.—1 Musa 6:5; Markus 7:​21, 22.

PAMARETTAON NI JOLMA

Dang dilehon Debata huaso tu jolma lao mamaretta dirina sandiri. Bibel mandok, “Dang marhuaso jolma lao manottuhon dalan ni ngoluna.” (Jeremia 10:23) Alani i dang tolap pamarettaon ni jolma lao pasohon porang dohot konflik kekerasan.

SIBOLIS DOHOT AKKA SURU-SURUAN NA JAHAT

Bibel mandok, “Di bagasan huaso ni Sibolis do saluhut portibi on.” (1 Johannes 5:19) Pambunu na kejam do Sibolis. (Johannes 8:44) Jadi ibana dohot akka suru-suruan na jahat do na mempengaruhi akka halak. Alani i ma gabe adong porang dohot konflik kekerasan di portibi on.—Pangungkapon 12:​9, 12.