PERPUSTAKAAN ONLINE Joujou Paboahon
PERPUSTAKAAN ONLINE
Joujou Paboahon
Batak (Toba)
  • BIBEL
  • PUBLIKASI
  • PARPUNGUAN
  • mrt artikel 81
  • Parduli do Debata tu Akka Tunarungu

Dang adong video na diparade di pilihan on.

Maaf, adong gangguan tikki lao mambukka video on.

  • Parduli do Debata tu Akka Tunarungu
  • Topik na Asing na Menarik
  • Subjudul
  • Bahan na Sarupa
  • Pandangan ni Debata tu Akka Tunarungu
  • Aha do na Diulahon Saksi Jahowa lao Mangurupi Halak na Tunarungu?
  • Akka na Dibahen Saksi Jahowa lao Mangurupi Tunarungu Marsiajar Bibel
  • Diparrohahon Jahowa do Halak na Tunarungu
    Tudia do Dipakke Akka Sumbanganmuna
  • Nang pe Ndang Marbinege, Alai Boi do Ahu Mangajari na Asing
    Joujou Paboahon Barita Harajaon Ni Jahowa (Edisi Siparsiajaran)—2017
Topik na Asing na Menarik
mrt artikel 81
Sahalak borua Saksi Jahowa patuduhon video bahasa isyarat tu sahalak borua tikki hundul di kafe. Las do roha ni borua i manonton video i.

Parduli do Debata tu Akka Tunarungu

Saonari adong hira-hira 70 juta halak na tunarungu di liat portibi on. Jala adong lobi sian 200 bahasa isyarat na berbeda na dipakke nasida. Alai godang do akka halak na mambahen na so denggan tu nasida. Akka on ma buktina:

  • “Jotjot do dang dilehon hak ni halak na tunarungu dohot halak na hurang marbinege.”—Asosiasi Nasional Para Tunarungu (AS).

  • “Di akka negara na berkembang, maol hian do akka tunarungu mandapot pendidikan, karejo, dohot informasi.”—Federasi Tuli Dunia.

Boha do perasaan ni Debata mangida akka tunarungu? Aha do na didok Bibel taringot akka tunarungu? Jala aha do na diulahon Saksi Jahowa lao mangurupi nasida?

Pandangan ni Debata tu Akka Tunarungu

Didok di Bibel, parduli do Jahowaa tu akka tunarungu. Lomo do roha ni Debata asa dibahen na denggan tu nasida jala dohot mananda Ibana.

Ayat ni Bibel: “Unang burai hamu halak na nengel.”—3 Musa 19:14.

Lapatanna: Menurut hukum na dilehon Jahowa tu halak Israel najolo, ikkon dilindungi do hak ni halak na tunarungu.

Ayat ni Bibel: ‘Dang marimbar jolma di jolo ni Debata.’—Ulaon ni Apostel 10:34.

Lapatanna: Parduli do Jahowa tu sude halak dang soal songon dia budayana, latar belakangna, dohot bahasana termasuk ma halak na tunarungu.

Ayat ni Bibel: “Didalani Jesus do sude kota dohot huta. . . . Dibaritahon ibana do barita na uli taringot tu Harajaon.”—Mateus 9:35.

Lapatanna: Ro do Jesus tu tano on lao mangajari sude jolma, termasuk ma tunarungu. Dipaboa Jesus do tu nasida taringot Harajaon ni Debata dohot sakkapna tu sude jolma.—Mateus 6:10.

Ayat ni Bibel: Dibahen Jesus do “na nengel boi marbinege jala na bisu boi makkatai”.—Markus 7:37.

Lapatanna: Dipaboa Jesus do molo dung mamaretta Harajaon ni Debata tu tano on, boi ma marbinege jala makkatai akka tunarungu. Ayat on patuduhon, dibahen Jesus do isyarat lao makkatai tu sahalak bawa na tunarungu sebelum dipamalum Jesus ibana.—Markus 7:31-35.

Ayat ni Bibel: “Marbinege ma pinggol ni halak na nengel.”—Jesaya 35:5.

Lapatanna: Didok Jahowa, boi do haduan marbinege akka tunarungu.—Jesaya 29:18.

Aha do na Diulahon Saksi Jahowa lao Mangurupi Halak na Tunarungu?

Marbarita na uli do Saksi Jahowa tu akka tunarungu di liat portibi on. Aha do na diulahon hami asa boi diattusi nasida barita na uli i? Dibahen hami do Bibel dohot akka publikasi dalam bentuk video di bahasa isyarat. Jala tersedia do i di lobi sian 100 bahasa isyarat. Adong do muse parsiajaran Bibel dohot parpunguan na dibahen di bahasa isyarat. Gratis do sude bantuan na dilehon hami. Boasa olo hami mangulahon i? Songon na didok Jesus, “Ala dang margarar dijalo hamu sudena i, lehon hamu ma i dang margarar.”—Mateus 10:8.

Boi do dibukka manang di-download hamu i di perangkatmuna sian:

Tanda pilihan bahasa di jw.org.

JW.ORG. Lao mamillit bahasa isyarat na dia do na lao dibukka hamu, klik ma simbol bahasa di bagian parginjang ni situs on.

Aplikasi “JW Library Sign Language”.

Aplikasi JW Library Sign Language. Boi do di-install hamu aplikasi on di perangkatmuna secara gratis. Boi do muse di-download hamu manang ditonton hamu secara langsung akka video bahasa isyarat di aplikasi on.

Akka na Dibahen Saksi Jahowa lao Mangurupi Tunarungu Marsiajar Bibel

Bibel bahasa isyarat. Bibel Terjemahan Tano na Imbaru di Bahasa Isyarat Amerika ma Bibel bahasa isyarat lengkap na parjolo di liat portibi on. Saonari nga tersedia Bibel Terjemahan Tano na Imbaru naung lengkap manang na sebagian dope di godang bahasa isyarat na asing. Jala setiap taon adong do bahasa isyarat di bahasa na asing na tamba muse. (Lao mamboto daftar bahasana manang lao manonton Bibel bahasa isyarat secara online, ida ma kotak “Bibel Terjemahan Tano na Imbaru di Bahasa Isyarat”.)

  • Asa diboto hamu songon dia Bibel bahasa isyarat on dibahen, tonton ma video Alkitab Terjemahan Dunia Baru Edisi Lengkap Tersedia dalam Bahasa Isyarat Amerika.

  • Asa lam dinikmati hamu tikki manjaha Bibel, download ma aplikasi JW Library Sign Language. Di aplikasi on boi do dipillit hamu ayat na dia na lao diida hamu di bahasa isyarat.

  • Tunarungu do si Dmytro dohot si Vita, alai ianakkon ni nasida boi do mambege. Ida ma songon dia keluarga ni nasida boi mandapot manfaat ala boi manonton Bibel di bahasa isyarat setiap ari.

Akka video na marisi ajaran ni Bibel. Dibahen Saksi Jahowa do akka video di bahasa isyarat na boi mangurupi akka halak mangattusi jala menerappon nasehat na sian Bibel. Misalna taringot . . .

  • Perkawinan dohot keluarga

  • Akka na poso

  • Akka dakdanak

Kursus marsiajar Bibel. Boi do hamu marsiajar Bibel di bahasa isyarat rap dohot sasahalak. Hamu do na manottuhon sadia leleng hamu marsiajar. Pangido ma sahalak Saksi Jahowa patuduhon tu hamu boha parsiajaran Bibel gratis on diulahon.

Tinggal di Filipina do si Jeson Senajonon. Lam jonok do hubunganna tu Jahowa dung marsiajar Bibel ibana.

Si Mario Antúnez marbahasa isyarat.

Sebelum marsiajar Bibel, sahalak pandita hian do si Mario Antúnez di Honduras. Dung marsiajar Bibel ibana, taralusi ma godang sukkun-sukkunna. Jaha ma kisah hidupna di artikel na marjudul “Saya Masih Punya Banyak Pertanyaan.”

Akka parpunguan. Di godang inganan di liat portibi on, adong do dibahen huria dohot kelompok bahasa isyarat. Setiap taon, adong do muse dibahen hami parpunguan wilayah dohot parpunguan regional di bahasa isyarat. Molo adong na buta tunarungu i, adong do tong penerjemah na boi mangurupi nasida. Adong do muse dibahen hami akka publikasi mamakke huruf braille jala gratis do i.

  • Lului ma inganan parpunguan na jonok tu ingananmuna.

  • Ida ma didia adong dibahen parpunguan wilayah dohot parpunguan regional.

  • Ro ma hamu tu acara Parningotan Ari Hamamate ni Jesus, on ma perayaan na uppetting na dirayahon hami ganup taon.

Tinggal di Meksiko do si José Luis Ayala. Sian mulai tubu nungnga tunarungu ibana, dung lam balga gabe buta ma ibana. Ida ma kisahna boasa boi ibana gabe terampil mangajari halak marsiajar Bibel.

Bibel Terjemahan Tano na Imbaru di Bahasa Isyarat

Sahat tu 1 Januari 2025, nungnga tersedia be Bibel on secara lengkap manang sebagian dope di akka bahasa on.

Bibel na tarbukka.

Bibel Naung Lengkap

  • Bahasa Isyarat Amerika

  • Bahasa Isyarat Brasil

  • Bahasa Isyarat Italia

  • Bahasa Isyarat Meksiko

  • Bahasa Isyarat Rusia

Bibel na tarbukka.

Akka Bukku Junani Kristen (“Perjanjian Baru”)

  • Bahasa Isyarat Afrika Selatan

  • Bahasa Isyarat Argentina

  • Bahasa Isyarat Cile

  • Bahasa Isyarat Ekuador

  • Bahasa Isyarat India

  • Bahasa Isyarat Inggris

  • Bahasa Isyarat Jepang

  • Bahasa Isyarat Kolombia

  • Bahasa Isyarat Korea

  • Bahasa Isyarat Malawi

  • Bahasa Isyarat Peru

  • Bahasa Isyarat Polski

  • Bahasa Isyarat Spanyol

  • Bahasa Isyarat Zimbabwe

Bibel na tarbukka.

Piga-Piga Bukku di Bibel

  • Bahasa Isyarat Angola

  • Bahasa Isyarat Australia

  • Bahasa Isyarat Cina

  • Bahasa Isyarat Filipina

  • Bahasa Isyarat Indonesia

  • Bahasa Isyarat Jerman

  • Bahasa Isyarat Kuba

  • Bahasa Isyarat Mozambik

  • Bahasa Isyarat Prancis

  • Bahasa Isyarat Venezuela

  • Bahasa Isyarat Zambia

Bahkan adong do bahasa isyarat na asing na holan manerjemahon piga-piga ayat dope.

a Jahowa, i ma goar ni Debata. (Psalmen 83:18) Ida artikel “Ise do Jahowa i?”

    Publikasi Bahasa Batak (Toba) (2013-2025)
    Kaluar
    Masuk
    • Batak (Toba)
    • Bagihon
    • Pengaturan
    • Copyright © 2025 Watch Tower Bible and Tract Society of Pennsylvania
    • Aturan Lao Mamakke
    • Kebijakan Privasi
    • Pengaturan Privasi
    • JW.ORG
    • Masuk
    Bagihon