SUKKUN-SUKKUN NI AKKA NA POSO
Boasa Dang Denggan Molo Tatiru Sude na Dipatudu di Media?—Bagian 1: Tu Akka Borua
Aha do na jotjot dipatudu di media?
Parrohahon ma akka hata on, dung i alus ma sukkun-sukkun on.
Kolom 1 |
Kolom 2 |
|---|---|
Songon dakdanak |
Martanggung jawab |
Pangalo |
Pangoloi |
Dang suman pangalahona |
Denggan pangalahona |
Halak na oto |
Marbisuk |
Panggosip |
Manat makkatai |
Akkal |
Jujur |
Akka hata na dia do na biasana manggombarhon akka borua na remaja na adong di film, TV, manang di majalah?
Molo ho, hata na dia na lomo roham didok halak lao manggombarhon ho?
Ra, akka hata na di kolom 1 i ma alusmu tu sukkun-sukkun na parjolo. Jala akka hata na di kolom 2 ma alusmu tu sukkun-sukkun na paduahon. Artina dang olo hamu disarupahon tu akka borua na remaja na dipatudu di media. Dang sahalakmu na makkilala songon i! Parrohahon ma piga-piga alasanna.
“Jotjot do akka remaja na dipatudu di media mambahen masalah, jala dang stabil perasaanna. Akibatna, gabe didok ma sude remaja i dang boi dihaporseai jala jotjot pabalga-balgahon masalah.”—Si Erin.
“Lomo do roha ni akka borua remaja na dipatudu di film dohot TV gabe pusat perhatian. Sai berfokus do nasida tu penampilan dohot tu pakkean. Lomo do tong roha ni nasida gabe terkenal jala adong halletna.”—Si Natalie.
“Molo adong borua na remaja na so olo manginum minuman na beralkohol, dang mangulahon seks sebelum menikah, jala dang mangalo tu natua-tuana, didok do nasida ‘dang keren’. Jarang do taida akka remaja sisongon i. Molo adong remaja borua na songon i, didok do nasida sok alim manang kolot.”—Si Maria.
Pikkirhon ma on: ‘Sian pakkean, pangalaho, dohot pakkataiokku, tarida do halak na songon dia au? Manang akka remaja na huida di media do na hutiru?’
Na porlu diboto ho
Godang do akka borua na remaja marpikkir nungnga songon i sifat asli ni nasida. Hape na maniru akka halak na di media do nasida. Sahalak borua na margoar si Karen mandok, “Songon i ma adekku. Pura-pura dang parduli do ibana tu manang aha pe, asing ni tu penampilanna dohot tu akka bawa. Sebenarna malo do ibana, alai dibahen ibana do dirina hira halak na oto asa boi songon ‘akka remaja na asing’. Hape 12 taon dope umurna!”
Bibel mandok: “Unang be tiru hamu akka halak na di portibi on.”—Rom 12:2.
Aha na dipatudu di media dang boi manggombarhon songon dia seharusna pangalaho ni sahalak borua na remaja. Si Alexis na marumur 15 taon mandok, “Molo di media, akka borua na remaja digombarhon do songon halak na heppot, sipanggaron, jala dibahen sifatna hira dakdanak. Hape sebenarna godang do sian hami na mamboto dia na denggan dohot na so denggan. Dang holan mambayakkon bawa na ganteng na diulahon hami.”
Bibel mandok: ‘Halak na magodang . . . jolo dipikkirhon ibana do aha na lao diulahon. Alani i gabe tarlatik ma ibana mamboto dia na sittong dohot na sala.’—Heber 5:14.
Akka pengusaha do na mandapot uttung alani akka na dipatudu di media, dang akka borua na remaja. Godang do saonari akka pengusaha majalah, mode, teknologi, dohot hiburan na mambahen anak boru na so remaja dope gabe target utama ni nasida. Alana diboto nasida do, na lao dapot ni nasida do godang uttung sian i. Bukku 12 Going on 29 mandok, “Godang do iklan na patuduhon molo akka dakdanak di toru ni 13 taon dang keren molo dang adong perhiasanna, make up, barang elektronik, dohot pakkean na terbaru. Godang do muse iklan na patuduhon borua na marpakkean na menggoda, hape dang diattusi nasida dope taringot i.”
Bibel mandok: “Akka halak na di portibi on sai naeng mangihutton hisap-hisap ni dagingna, lomo ni roha ni matana, jala patudu-tuduhon na adong di ibana. Alai dang sian Damang i ro akka i, sian halak na di portibi on do.”—1 Johannes 2:16.
Pikkirhon ma on: Ise do na gabe maruttung molo lomo roham tu akka pakkean na bermerek? Ise do muse na gabe maruttung molo dituhor ho HP na baru holan lao pasonakkon akka donganmu? Dia do na uppetting di roha ni akka panggadis barang i, ho do manang keuntungan ni nasida?
Na boi diulahon ho
Unang ma mura-mura ho tergoda tu aha na dipatudu di media. Porlu do ho marsiajar menilai sesuatu dang holan sian penampilan luarna. Pikkirhon ma aha do pengaruhna molo ditiru ho sude na niidam di media. Si Alana na marumur 14 taon mandok, “Tebal hian do make up na dipakke akka borua na remaja na dipatudu di media, alai bajuna hira na hurang bahan. Sebenarna dang keren gaya marpakkean sisongon i, alai dang disadari akka remaja taringot i. Gabe hira boru-boru na so hasea do nasida molo marpakkean songon i.”
Marsiajar ma ho patuduhon akka sifat na denggan. Diingot ho dope alusmu tu sukkun-sukkun na paduahon di awal ni artikel on? Marsiajar ma ho lao patuduhon akka sifat na denggan i mulai sian saonari. Bibel mandok, “Pakke hamu ma pangalaho na imbaru na nilehon ni Debata dung ditanda hamu Ibana. Dung i, dipaimbaru ma pangalahomuna asa songon pangalaho ni Debata.” Lomo ni roha ni Debata do na ikkon taihutton, dang akka na dipatudu di iklan.—Kolosse 3:10.
Lului ma sasahalak na denggan pangalahona na boi ditiru ho. Boi do ditiru ho anggota keluargam, misalna omak manang tantem. Manang, boi do ditiru ho akka borua na asing na ditanda ho. Asing ni i, godang do akka borua na boi gabe sitiruon di huria Kristen Saksi Jahowa.—Titus 2:3-5.
Saran: Jaha ma bukku Tiru ma Haporseaon ni Nasida, jala parsiajari ma teladan na denggan sian akka borua na dipaboa di Bibel, songon si Rut, si Hanna, si Abigail, si Ester, si Maria, dohot si Marta. Saksi Jahowa do na mambahen bukku Tiru ma Haporseaon ni Nasida, jala boi do diida ho bukku i di situs www.pr418.com/bbc.