Lam Tu Dengganna Marbarita​—Mangurupi “Halak na Marpangalaho na Denggan” Gabe Sisean

BOASA RINGKOT: Jahowa do na mambahen hasintongan i tubu di roha ni angka halak “na marpangalaho na denggan na . . . tama mandapot hangoluan saleleng ni lelengna”. (Ul 13:48; 1Kor 3:7) Na rap saulaon dohot Jahowa do hita molo marsitutu mangurupi angka halak na lambok marroha. (1Kor 9:26) Taurupi ma angka parsiajar Bibel mamboto ringkot do tardidi asa boi malua. (1Ptr 3:21) Taurupi ma nasida asa muba, asa boi marbarita dohot mangajari angka halak, jala mangalehon ngoluna laho manomba Jahowa.​—Mat 28:19, 20.

CARA MANGULAHON:

• Paboa ma tu nasida, na laho ‘mananda’ Jahowa dohot palashon rohana do nasida molo marsiajar Bibel.​—Joh 17:3

• Urupi ma asa lam togu parale-aleon ni nasida tu Jahowa, marhite paubahon pangalaho jala ndang mangulahon angka na dihasogohon Jahowa

• Dung tardidi pe nasida, ingkon tongtong do tapatogu roha ni nasida.​—Ul 14:22

TONTON MA VIDEO URUPAN NI JAHOWA DO HO, DUNG I ALUSI MA SUNGKUN-SUNGKUN ON:

• Aha do hira-hira na boi mambahen sasahalak gabe ndang olo tardidi?

• Songon dia do angka sintua mangurupi parsiajar Bibel asa lam togu parale-aleonna tu Jahowa?

• Aha do na didok Jahowa di Jesaya 41:10?

• Aha do na ingkon taulahon asa boi manomba Jahowa?