PERPUSTAKAAN ONLINE Joujou Paboahon
PERPUSTAKAAN ONLINE
Joujou Paboahon
Batak (Toba)
  • BIBEL
  • PUBLIKASI
  • PARPUNGUAN
  • mrt artikel 21
  • Tutu do Boi Terjadi Keadilan di Portibi on?

Dang adong video na diparade di pilihan on.

Maaf, adong gangguan tikki lao mambukka video on.

  • Tutu do Boi Terjadi Keadilan di Portibi on?
  • Topik na Asing na Menarik
  • Subjudul
  • Bahan na Sarupa
  • Boasa masa ketidakadilan?
  • Songon dia do pandangan ni Debata tu ketidakadilan?
  • Tutu do lao diakhiri Debata ketidakadilan?
  • Songon dia do situasi di tano na imbaru i?
  • Boi do tahaporseai janji ni Debata lao mambahen keadilan tu sude jolma di tano na imbaru?
  • Aha do na ikkon taulahon molo dibahen na so adil tu hita?
  • Aha do na Ikkon Taulahon Tikki Masa Ketidakadilan?
    Joujou Paboahon Barita Harajaon Ni Jahowa (Edisi Siparsiajaran)—2025
  • Sai na Denggan do na Diulahon ”Siuhumi Liat Portibi On”
    Joujou Paboahon Barita Harajaon Ni Jahowa (Edisi Siparsiajaran)—2017
  • Cara Mangadopi Ketidakadilan
    Joujou Paboahon Barita Harajaon Ni Jahowa (Edisi Siparsiajaran)—2024
Topik na Asing na Menarik
mrt artikel 21
Timbangan na adil.

Tutu do Boi Terjadi Keadialan di Portibi on?

Manang didia pe, terjadi do ketidakadilan. Parrohahon ma dua contoh ketidakadilan na mangihut:

  • Januari 2018, dipangido sahalak hakim di Amerika Serikat do asa dibebasson sahalak bawa naung dipenjarahon hampir 38 taon. Alana hasil pemeriksaan DNA membuktihon dang marsala ibana.

  • September 1994, dipenjarahon do tolu halak doli-doli di Afrika ala dang olo nasida masuk tu dinas militer alani panggora ni rohana. Sahat tu September 2020, nungnga 26 taon nasida dipenjarahon. Jala saleleng 26 taon i, dang hea dope nasida nanggo sahali diadili secara resmi.

Pasti susa do perasaanmuna molo dibahen na so adil tu hamu. Sarupa do mungkin perasaanmuna tu si Job na hea disurat di Bibel. Ibana mandok, “Mangalu-alu do au mangido asa diurupi alai dang adong na marpihak tu au.” (Job 19:7) Nang pe hira na so mungkin taharappon masa keadilan saonari on, alai adong do janji di Bibel na paboahon na lao terjadi keadilan di portibi on di ari na naeng ro. Bahkan janji i boi do mangurupi hamu gabe sabar tikki adong na mambahen na so adil tu hamu.

Boasa masa ketidakadilan?

Akka halak na so olo mangulahon hata ni Debata do na mambahen ketidakadilan. Bibel patuduhon, tetap do adil ulaon ni Debata. (Jesaya 51:4) Di Bibel, hata “tigor” torus do adong kaitanna tu hata “sittong”. (Psalmen 33:5) Molo diulahon sasahalak na sittong manang sesuai ulaonna i tu aturan ni Debata, pasti terjadi do keadilan. Alai anggo ketidakadilan hasil ni dosa do i, ala dang sesuai tu aturan ni Debata na sittong. Parrohahon ma contoh na di toru on:

  • Mamikkirhon diri sandiri. Berkaitan do dosa dohot roha na egois. (Jakobus 1:14, 15) Asa boi dapot ni sasahalak na dihalomohon rohana, jotjot do dibahen na so adil tu halak na asing. Alai sebenarna, lomo do roha ni Debata asa parjolo tapikkirhon aha na penting di halak na asing.—1 Korint 10:24.

  • Sepele. Adong do halak mangulahon na so adil tu halak na asing, alai dang sadar ibana mangulahon i. Nang pe songon i, tetap do sala ibana di pandangan ni Debata. (Rom 10:3) Sebenarna hea do terjadi masalah na massai balga ala sepele jala dang diattusi akka halak aha na diulahon nasida. Dibahen do hukuman mati tu Jesus, hape dang marsala ibana.—Ulaon ni Apostel 3:15, 17.

  • Sistem organisasi ni jolma na gagal. Mangakku do organisasi politik, perdagangan, dohot agama na di portibi on molo nasida berupaya mambahen keadilan. Alai sasittongna, jotjot do gabe sistem ni organisasi on na gabe parohon masalah. Sistemna i mambahen halak korupsi, berprasangka, tamak, dang sarupa tingkat ekonomi, jala dang toleransi. Adong do piga-piga halak na tulus rohana mendukung sistem ni organisasi on. Alai songon dia pe upaya ni nasida, dang na lao marhasil ala dang diihutton nasida petunjuk ni Debata.—Parjamita 8:9; Jeremia 10:23.

Songon dia do pandangan ni Debata tu ketidakadilan?

Sogo do rohana mangida ketidakadilan jala sogo do rohana mangida sikap dohot tindakan ni akka halak na mambahen masa ketidakadilan. (Poda 6:16-18) Alani i ma disuru Ibana asa disurat Panurirang Jesaya songon on, “Au Jahowa,a huhaholongi do hukum na tigor, sogo do rohakku mangida na mangarampok, dohot akka na so sittong.”—Jesaya 61:8.

Najolo dilehon Debata do Patik tu bangso Israel, on patuduhon lomo do rohana adil bangso i tu akka na asing. Diparettahon Ibana do akka hakim asa unang manjalo suap jala unang mambahen na so adil tu bangso i. (5 Musa 16:18-20) Diburai Debata do halak Israel na mambuat uttung sian halak na dianggap rendah dohot halak na pogos. Jala memang, gabe ditolak Debata do bangso Israel ala gagal do nasida mangoloi Ibana jala mangihutton aturanna.—Jesaya 10:1-3.

Tutu do lao diakhiri Debata ketidakadilan?

Tutu. Disuru Debata do Jesus Kristus lao manesa dosa ni jolma, ai dosa i do mambahen halak mangulahon na so adil. Jala marhite Jesus, lao dibahen Debata do jolma i gabe sempurna muse. (Johannes 1:29; Rom 6:23) Asing ni i, nungnga dipajongjong Debata sada Harajaon lao mamaretta tu sude jolma. Adil do Harajaon i jala mangolu ma akka jolma di tano na imbaru. (Jesaya 32:1; 2 Petrus 3:13) Lao mamboto taringot Harajaon ni Debata na di surgo, tonton ma video Aha do Harajaon ni Debata I?

Songon dia do situasi di tano na imbaru i?

Dang adong be ketidakadilan di liat portibi on, dame ma roha ni akka halak jala aman pakkilalaanna. (Jesaya 32:16-18) Ala arga do ngolu ni sude jolma di pandangan ni Debata, jadi adil do Ibana tu sude jolma. Dang adong be na mambahen marsak, dang adong be na mambahen tangis. Jala dang adong be halak na haccit rohana alani ulaon na so adil. Bahenon ni Jahowa ma hita lupa tu sude akka na haccit na hea tataon, dang na lao taingot be i. (Jesaya 65:17; Pangungkapon 21:3, 4) Lao mamboto hatorangan na asing, ida ma artikel “Aha do na Lao Ulahonon ni Harajaon ni Debata?”

Boi do tahaporseai janji ni Debata lao mambahen keadilan tu sude jolma di tano na imbaru?

Boi. Sude bagian ni Bibel i boi do tahaporseai, termasuk ma i surirang, sejarah, dohot ilmu pengetahuan. Dang adong na maralo isi ni Bibel i. On patuduhon janji na adong di Bibel i pe boi do tahaporseai. Lao paposson rohatta, ida hamu ma akka artikel na di toru on:

  • Songon dia do Hita Boi Porsea na Sintong Isi ni Bibel? (video)

  • “Angka Surirang Naung Saut”

  • “Nubuatnya Selalu Tergenap”

  • “Alasanta Porsea tu Isi ni Bibel”

Aha do na ikkon taulahon molo dibahen na so adil tu hita?

Adong do halak na disurat di Bibel na berupaya mangalului keadilan. Contohna, keputusan na so adil do dibahen tu Apostel Paulus jala hampir dihukum mate do ibana. Alai dang dipasobbu si Paulus terjadi songon i. Dipangido do asa diadili ibana jala naik banding tu Kesar.—Ulaon ni Apostel 25:8-12.

Jadi saonari, sadia balga pe upaya ni jolma lao mangatasi ketidakadilan di portibi on, pasti gagal do nasida. (Parjamita 1:15) Alai nang pe songon i, godang do halak boi sabar jala dame rohana nang pe dibahen na so adil tu nasida. Ai porsea do nasida tu janji ni Debata taringot tano na imbaru.

a Jahowa, i ma goar ni Debata na disurat di Bibel.—Psalmen 83:18.

Bibel mangurupi akka halak gabe sabar nang pe dibahen na so adil

  • Si Rafika.

    Si Rafika masuk tu sada kelompok na berupaya mangalo ketidakadilan. Alai ujungna gabe kaluar do ibana sian i ala disuru kelompokna i nasida ikkon mamakke cara kekerasan. Di pudian ni ari diboto ibana ma janji taringot Harajaon ni Debata na lao parohon hadameon dohot keadilan tu tano on, jala porsea do ibana tu janji i. Tonton hamu ma ceritana.

  • Si Antoine.

    Si Antoine, na dipabalga di Lebanon mengalami ketidakadilan. Masa do perang sipil di hutana i jala dipakke ibana do cara kekerasan lao mangalo ketidakadilan i. Alai adong dua ayat ni Bibel na mambahen dame rohana. Jaha ma kisahna, asa diboto hamu songon dia Bibel mangurupi ibana.

  • Si Jukka.

    Si Jukka merasa, dang sanggup ibana mambahen keadilan. Diboto do na so marhasil ibana ala otik do na boi diulahon. Alai saonari puas do ibana. Alana dipakke do sude gogona lao mandapot hangoluan na sasittongna di tano na imbaru. Jaha hamu ma kisahna.

Akka ayat ni Bibel taringot keadilan

Parjamita 3:16: “Jala huboto ma muse, masa do na jahat nang pe na tigor na ikkon masa. Masa do na jahat, nang pe na sittong na ikkon masa.”

Artina: Nungnga dipaboa hian di Bibel na masa ketidakadilan di portibi on.

Job 34:12: “Tung na so bahenon ni Debata do na jahat, manang papeolon ni Pargogo na So Hatudosan i na tigor.”

Artina: Dang na lao hea dibahen Debata na so adil tu jolma.

5 Musa 32:4, 5: “Songon Dolok Batu do Debata, sun denggan do ulaonna, tigor do sude dalanna. Debata na boi tahaporseai, na so olo mangulahon na so tigor, na sittong jala na tigor do Ibana. Nasida sandiri do na mangulahon na jahat. Dang anakna nasida, sala ni nasida do i.”

Artina: Ketidakadilan i dang ro sian Debata, alai sian akka halak na mardosa do na so olo mangihutton hata ni Debata.

Jesaya 32:1: “Adong nama sada raja na mangarajai di bagasan hasittongan, jala akka pamimpin na mamaretta di bagasan hatigoran.”

Artina: Na lao mamaretta nama Harajaon ni Debata, sittong jala adil do bahenonna tu sude jolma.

    Publikasi Bahasa Batak (Toba) (2013-2025)
    Kaluar
    Masuk
    • Batak (Toba)
    • Bagihon
    • Pengaturan
    • Copyright © 2025 Watch Tower Bible and Tract Society of Pennsylvania
    • Aturan Lao Mamakke
    • Kebijakan Privasi
    • Pengaturan Privasi
    • JW.ORG
    • Masuk
    Bagihon