Paglaban sa Kanser

SI Jeff Blatnik, kampeon na paragumol sa Olimpiko, pinapagngalas an kinaban nin karawat paagi sa pagbuwelta hale sa kanser (Hodgkin’s disease) tanganing ganahon an medalyang bulawan sa Griego-Romanong paggumol kan 1984. Dangan an kanser nia naglataw sa ibang parte kan hawak. Ano an reaksion nia?

Inaadmitir nia na naghibi sia. Pero nagdesisyon sia na labanan iyan. “Inisip ko, ‘Bueno, nadaog ko iyan kaidto, madadaog ko giraray iyan.’” Ipinagpadagos nia: “Garo baga ako nagpopoon giraray. Ibinilang ko iyan na sarong angat. Arog sana man kaiyan an kanser​—saro sana iyan na pagkaliwat sa buhay.”

Inagihan ni Jeff an chemotherapy, na parateng nagbubunga nin ibang mga epekto. Pero an konklusyon nia: “An kadaklan sa isip sana. Pati an reaksion sa chemotherapy. Determinado ako na dai maghelang, asin dai man nanggad. Asin dai ka kaipuhan na magin kampeon sa Olimpiko tanganing magkaigwa kan kaisipan na iyan. . . . Mahalagang maaraman nin mga tawo na may buhay pa pakalihis kan kanser.”​—The New York Times, Abril 8, 1986.