Pag-aatubang kan Maogmang Bareta—Paagi sa Epektibong Paggamit sa mga Magasin
1 An The Watchtower asin Awake! kapakipakinabang na mga pantabang sa pagpapadanay sato na nakasusubaybay sa mahahalagang bagay. Sa dahelan na ini, marahay na basahon tolos niato an personal niatong kopya. Paagi kaiyan, magigin pamilyar kita sa laog kan mga artikulo asin matatandaan an mga punto na tibaad magustohan kan mga tawo sa satong teritoryo.
2 Sa kadaklan kun nag-aalok nin mga magasin, pinakamarahay na itampok sa halipot an saro sanang punto sa sarong isyu. Kun serye nin mga artikulo an napapalabot, puwedeng apodon an atension sa tema kan seryeng iyan. O kun beses puwedeng itampok an sarong praktikal na punto paagi sa aktuwal na pagbasa nin sarong pahayag sa artikulo na itinatampok.
3 Mantang an Oktubre bulan nin suskripsion na an nangorogna niatong itinatampok Awake!, an Sosyedad nagtatao nin mga artikulo na magugustohan nin gabos sa satong teritoryo. Minsan ngani Awake! an partikularmenteng idinodoon, may espesyal man na mga artikulo sa The Watchtower na magagamit sa langtad. Sa dakol na kaso tibaad boot nindong ialok an suskripsion sa duwang magasin sa kontribusyon na ₱120.00 sa Oktubre.
4 Kun iinaalok an Oktubre 8 Awake!, daing duwa-duwa na maririsa nindo na haros gabos magigin interesado sa tampok na mga artikulo manongod sa AIDS. An tema “AIDS—A Global Catastrophe? How Can You Protect Yourself?” An nagkapira sa mga artikulo sa isyung ini “Why Has AIDS Spread So Widely?” asin “How to Avoid AIDS.” Sa pag-alok kan isyung ini puwede nindong sabihon: “Marahay na aga. Dara ko an pinakabagong Awake! na nagpapaliwanag nin sarong tema na pinagkakainteresan sa bilog na kinaban, an AIDS. Mantang ini madalion na nakalakop sa bilog na kinaban, kita gabos puwedeng maapektaran. Kaya nasisierto ko na magkakainteres kamong basahon an pinakabagong isyung ini.”
5 An Oktubre 22 na Awake! manongod sa diborsio asin poder sa aki asin puwedeng pagkainteresan nangorogna nin mga parakonseho asin abogado sa pamilya, saka nin mga nahahadit manongod sa pagkalaglag nin mga pamilya ngonyan.
6 An duwang isyu kan The Watchtower sa Oktubre manongod sa tanda na itinao ni Jesus dapit sa huring mga aldaw. An isyung Oktubre 1 may temang, “The Sign—Have You Seen It?” asin an isyung Oktubre 15 itinatampok an “‘The Sign’—Proof That the New World Is Near?” Sa pagpaliwanag kan mga isyung ini sa langtad, puwede nindong sabihon: “An kadaklan maoyon na kita nabubuhay sa delikadong mga panahon, asin dakol an nag-iisip kun baga ini kaotoban kan tanda sa huring mga aldaw na itinao ni Jesus kan sia nasa daga. Aram daw nindo an tandang ini? An pinakabagong isyu kan The Watchtower ipinaliliwanag nin lubos an bagay na ini asin tinatabangan kitang masabotan kun ano an kahulogan kan tandang ini asin kun paano niato malilikayan an kapahamakan paagi sa paghinanyog dian.”
7 Paagi sa pakaaram sa impormasyon na yaon sa mga magasin, ikaaalok niato iyan nin epektibo. Magin kitang positibo sa pag-alok nin suskripsion sa gabos niatong manompongan sa Oktubre tanganing an iba magkaoportunidad na makinabang sa marahay na mga artikulong ini. Tibaad an mga tawong ini magkaigwa nin apresasyon sa The Watchtower asin Awake! asin makapatalubo nin “pagmawot sa daing kasalak na gatas kan tataramon.”—1 Ped. 2:2.