Mag-alok nin mga Magasin sa Lambang Okasyon
1 Igwa kita nin marahay na dahelan na apresyaron An Torrengbantayan asin Awake! Sa bulan na ini an mga magasin itatampok sa satong gibohon na paghuhulit, asin abaa kamapuersang impormasyon an laog kan mga isyu na Oktubre! Kaya, mamawoton niatong magin andam na ialok an mga iyan sa lambang angay na okasyon.
2 Kun iinaalok an “Torrengbantayan” na Oktubre 1, puedeng pukawon nindo an interes sa artikulong “Sarong Kinaban na Mayo nin Guerra—Noarin?” paagi sa pagsabi:
◼ “Dakol na tawo an nagngangalas kun taano an sarong kinaban na mayong guerra ta garo imposibleng mangyari. Ano an paghona nindo manongod sa mga pahayag na ini sa pahina 5 kan Torrengbantayan na Oktubre 1? [Basahon an enot na pahayag sa kada saro kan enot na duwang parapo sa irarom kan subtemang “Relihion—Sarong Dakulang Olang,” asin pasimbagon.] Siempre, dai ini nangangahulogan na perming magkakaigwa nin mga guerra. Mangnoha an panuga nin Dios digdi sa Isaias 9:6, 7.” Ialok an mga magasin.
3 Kun iinaatubang an “Awake!” na Oktubre 22, puede nindong sabihon:
◼ “Ano an paghona nindo manongod sa hapot na nasa tutob kan magasin na ini: ‘Why is Life So Short?’ [Pasimbagon.] An seryeng ini nin mga artikulo nagtataong atension sa sinasabi nin modernong mga sientista asin iba pa manongod sa paggurang, dangan nakaturohok iyan sa ipinanuga kan satong Kaglalang manongod sa mga malalaoman para sa buhay na daing katapusan. Ialok an mga magasin.”
4 Kun makanompong kamo nin mga tawong mahilig sa relihion, taano ta dai itampok an sarong artikulo sa “Torrengbantayan” na Oktubre 15? An pag-atubang na ini tibaad makapukaw nin paborableng simbag:
◼ “Boot kong maaraman an saindong opinyon dapit sa hapot na ini: Posible daw na mamotan an Dios asin kadungan kaiyan matakot sa saiya?” Pasimbagon, dangan basahon an kapsion na teksto sa artikulong “Taano ta Dapat na Matakot sa Tunay na Dios Ngonyan?” (Ecl. 12:13) Ialok an magasin.
5 Kun naghaharongharong; dai paglihisan an saradit na tindahan. Idtong mga regular na nagsosongko sa mga tindahan ilinaladawan an gibohon na ini na nakaoogma asin mabunga. Puede nindong probaran an simpleng pag-atubang na arog kaini kun iinaalok an “Awake!” na Oktubre 8:
◼ “Aram niamo na nagpapahalaga an mga negosyante kun sinda danay na iniimpormaran dapit sa mga isyu na nakaaapektar sa saindang komunidad. Sierto ko na magigin interesado kamo sa artikulong ini.” Dangan isaysay sa halipot an sarong punto gikan sa artikulong “One-Parent Families—How Successful Can They Be?”
6 Kun totoong sibot an tawong dinolok nindo, puede nindong ipaheling an mga magasin asin sabihon:
◼ “Aram ko na dai kamo naglalaom na magkaigwa nin bisita ngonyan, kaya dai ako maghahaloy. Boot kong tawan kamo nin oportunidad na makabasa nin sarong mahalagang bagay.” Itokdo an artikulong pinili nindo, asin ialok an mga magasin.
7 Magkaigwa nin husay na house-to-house record, asin balikan liwat an gabos na napasakamotan. Kun sa pagbalik liwat ipaheling an sinserong interes, mag-alok nin suskripsion sa saro o duwang magasin. Magin andam asin alisto kita na ialok an satong mga magasin sa lambang angay na okasyon.