Pagtiripon na Matabang Sato na Gumibo nin Disipulo
SEMANA NIN ENERO 11-17
10 min: Mga Paisi sa An Satong Ministeryo sa Kahadean asin lokal na mga paisi. Teokratikong mga Bareta.
15 min: “Ialok an Daan na mga Publikasyon Ngonyan na Enero.” Hapot-simbagan na may halipot na demonstrasyon sa kun paano magagamit an bagong Topikong Mapag-oolayan kaiba an yaon na daan na mga publikasyon. Ipaaram sa mga tugang kun anong mga libro o pulyeto an magagamit ninda sa espesyal na kampanyang ini.
13 min: Ipakikipag-olay kan nangengenot na paraataman sa mga presente an “Hapot.”
7 min: Pagsiyasat sa Kasuratan Aroaldaw. Pahayag basado sa teksto asin mga komento kan aldaw. Isadol an aroaldaw na pag-oorolay sa teksto.
Kanta 191 asin pamibi.
SEMANA NIN ENERO 18-24
8 min: Lokal na mga paisi asin report sa kuwenta. Pag-olayan an mga pag-aatubang nin magasin asin sadolon an gabos na suportaran an pagwaras nin magasin sa ika-4 na Sabado kan bulan.
17 min: “Kun Para sa Sako Asin sa Sakong Pamilya . . . ” Hapot-simbagan sa artikulo na pangengenotan nin saro sa kamagurangan o ministeryal na lingkod na may arogan na pamilya. Mangatanosan sa pangangaipo nin sararong pagsamba tanganing pakosogon an pamilya tumang sa pagsalakay ni Satanas. Mapadapit sa parapo 5 asin 6, idemonstrar an magurang asin aki na patapos na an pagpraktis, susundan kan pag-alok kan aki kan presenteng alok sa kagharong.
20 min: Pangengenot sa Epektibong Pag-adal sa Biblia. Pahayag na sinasadol an gabos na gumibo nin pag-adal sa Biblia, kaiba an pampamilyang pag-adal, sa paagi na nakaaabot sa puso. Repasohon an pira sa mga punto na sinasabi sa tsart sa pahina 21 kan Nobyembre 1, 1986 na Torrengbantayan (sa Ingles, pahina 24) sa irarom kan hapot na “Paano nindo maseseguro na maabot an puso nin aki?” saka an mga punto sa artikulong “Kun Kamo Nagtotokdo, Taruson an Puso,” sa Marso 1, 1985 Torrengbantayan, pahina 19-23 (Agosto 1, 1984 sa Ingles, pp. 13-17).
Kanta 10 asin pamibi.
SEMANA NIN ENERO 25-31
10 min: Lokal na mga paisi. Iiba an pirang eksperyensia nin mga payunir o parahayag sa pagpasakamot nin daan na mga libro o pulyeto sa bulan na ini.
23 min: “Pag-aatubang kan Maogmang Bareta —Gumamit nin Epektibong mga Introduksion.” Hapot-simbagan. Idemonstrar an duwang introduksion na yaon sa parapo 4. Analisaron kaiba kan mga presente kun taano ini ta epektibo.
12 min: “Bagong Programa sa Pansirkitong Asamblea.” Entusiastikong pahayag manongod sa bagong programa sa pansirkitong asamblea na mapoon sa Pebrero.
Kanta 203 asin pamibi.
SEMANA NIN PEBRERO 1-7
12 min: Lokal na mga paisi. Isadol an pagsuportar sa paghuhulit sa enot na Domingo, Pebrero 7. Itampok an padagos na paggamit sa daan na mga libro asin pulyeto sa espesyal na mga halaga sa Pebrero.
18 min: “Pagtabang sa mga Parahayag na Iregular.” Hapot-simbagan. Iiba an mga suhestion na makatatabang sa lokal na mga parahayag na iregular.
15 min: Lokal na mga pangangaipo o pahayag sa “Do You Experience the Greater Happiness of Giving?” basado sa enot na artikulo sa Nobyembre 22, 1987 Awake!
Kanta 12 asin pamibi.