Pagtiripon na Matabang Sato na Gumibo nin Disipulo
SEMANA NIN HULYO 4-10
5 min: Lokal na mga paisi.
25 min: “Hamanon an Gibohon nin Sarong Paraebanghelyo.” Hapot-simbagan. Pakatapos na mapag-olayan an parapo 4, ipademonstrar sa eksperyensiadong parahayag o payunir an paggamit sa bagong Topikong Mapag-oolayan pasiring sa pag-alok kan brochure na Government. Dangan sa parapo 5, ipademonstrar sa sarong hoben na parahayag an simpleng pag-aatubang. Sadolon an gabos na sumuportar sa kampanya sa brochure. Kun dai pa nakapedido an kongregasyon, maninigong gibohon tolos iyan.
15 min: Dapat daw na Otobon nin mga Kristiano an Sabbath? Orolay kaiba an mga nagdadangog basado sa Reasoning From the Scriptures, pahina 345-52.
(3 min.) Halipot na pambukas na pahayag na ginagamit an depinasyon sa pahina 345. Iiba an kotasyon sa pahina 346 na nagpapaliwanag kun paano an Domingo nagin pangenot na aldaw nin pagsamba sa Kakristianohan.
(12 min.) Orolay kaiba an mga nagdadangog sa mga punto hale sa librong Reasoning. Ipaliwanag basado sa Kasuratan na an mga Kristiano dai obligadong mag-otob sa semanal na Sabbath. (Ex. 31:16, 17) Minsan siring, may pagpapahingalo sa sabbath para sa mga Kristiano. (Heb. 4:9, 10) Itampok kun paano kita mangangatanosan kun may maghapot, ‘Taano ta dai kamo nag-ootob sa Sabbath?’
Kanta 20 asin pantapos na pamibi.
SEMANA NIN HULYO 11-17
10 min: Lokal na mga paisi asin Mga Paisi sa An Satong Ministeryo sa Kahadean. Report sa kuwenta. Iiba an surat kan Sosyedad sa pagpasalamat sa ano man na donasyon kan kongregasyon.
20 min: “Pagtatao nin Maogma Bilang Payunir.” Hapot-simbagan. Gamiton an huring limang minuto sa pag-interbio sa mga parahayag na mapoon na mag-auxiliary payunir ngonyan na bulan o sa masunod.
15 min: Lokal na mga pangangaipo. Kun mayo nin partikular na pangangaipo, an nangengenot na paraataman o paraataman sa paglilingkod puwedeng tumao nin nakapakokosog na report asin pahayag manongod sa progreso kan lokal na ministeryo. Iiba an mga komento sa pagtrabaho sa teritoryo, promedyong oras, mga inaadalan, bilang nin mga nagpayunir sa taon nin paglilingkod na ini, asin iba pa.
Kanta 192 asin pantapos na pamibi.
SEMANA NIN HULYO 18-24
10 min: Lokal na mga paisi asin orolay sa “Hapot” sa pahina 3.
20 min: “Pag-aatubang kan Maogmang Bareta—Sa Harong-harong.” Hapot-simbagan. Iilustrar an punto sa parapo 3 paagi sa inandam na halipot na lokal na eksperyensia. Pakatapos na mapag-olayan an parapo 4, papagkomentohon an saro o duwang nag-andam na parahayag sa kun paano sinda personal na nakinabang sa ministeryo sa harong-harong.
15 min: “Jesus’ Life and Ministry.” Buhay na pahayag na may mga ilustrasyon sa mga paagi na magamit an seryeng ini nin mga artikulo sa The Watchtower. Ginagamit daw nin mga magurang an mga artikulong ini sa pagtabang sa mga aki na tumalubo an pagkamoot ki Jesus asin an pag-apresyar sa ginibo nia para sa katawohan? Sagkod sa itinotogot kan oras, isaysay an piling mga eksperyensia dapit sa paggamit sa mga artikulong ini.
Kanta 21 asin pantapos na pamibi.
SEMANA NIN HULYO 25-31
10 min: Lokal na mga paisi. Teokratikong mga Bareta. Dagkahon an mga parahayag na lumuwas sa paglilingkod sa enot na Domingo nin Agosto. Isaysay an mga eksperyensia sa pagpasakamot kan brochure na Government ngonyan na Hulyo.
20 min: “Namitan an mga Pakinabang sa Librong Reasoning.” Orolay kaiba an mga nagdadangog.
15 min: “Ihinahapot nin mga Hobenes . . . ” Pangengenotan nin saro sa kamagurangan an orolay nin nagkapirang arogan na hoben na parahayag manongod sa halaga kan mga artikulong ini sa Magmata! Puwedeng iiba an komento sa kun paano sinda personal na nakinabang o kun paano ninda ginamit an mga artikulong ini sa pagtabang sa iba.
Kanta 121 asin pantapos na pamibi.
SEMANA NIN AGOSTO 1-7
10 min: Lokal na mga paisi. Repasohon an mga puntong ipakikipag-olay sa pinakabagong mga magasin na magagamit sa paghuhulit sa Sabado asin ipademonstrar an duwa o tolong haralipot na pag-aatubang.
15 min: Iinterbiohon kan paraataman sa paglilingkod an mga tugang na nakaasignar na mag-asikaso sa departamento nin literatura asin magasin. (om p. 124) Iparepaso sa sainda sa halipot an mga trabaho kan saindang departamento. Ipaliwanag kun paano na an kooperasyon kan gabos sa kongregasyon mahalaga. Dagkahon an pagpedido nin espesyal na mga bagay paagi sa kongregasyon imbes na pedidohon iyan nin direkta sa Sosyedad, an regular na pagkua kan personal na pedido sa magasin, abp.
20 min: “Do You Remember?” Pag-oolay kan saro sa mga nangengenot sa pag-adal sa libro asin nin duwa pang parahayag sa espisipikong mga punto sa “Do You Remember?” sa isyung Abril 15, 1988 asin Disyembre 15, 1987 kan The Watchtower.
Kanta 111 asin pantapos na pamibi.