Pagtiripon na Matabang Sato na Gumibo nin Disipulo
SEMANA NIN ABRIL 10-16
10 min: Lokal na mga paisi asin Mga Paisi sa An Satong Ministeryo sa Kahadean. Dagkahon an eksperyensiadong mga parahayag asin payunir na tumao nin tabang sa mga dai pa nakakaiba sa paglilingkod ngonyan na bulan.
15 min: “Pagpaheling nin Pagkamoot sa Dios Asin Kataed.” Hapot-simbagan sa artikulo.
20 min: “Pag-aatubang kan Maogmang Bareta—Itinatampok an The Watchtower.” Pahayag na may pakikikabtang an mga presente. Mapadapit sa parapo 3, ipademonstrar sa sarong parahayag an 30- sagkod 60-segundong pag-alok nin magasin. Idoon an pangangaipo na iatubang sana an mga magasin. Para sa parapo 4, ipademonstrar sa sarong parahayag an paggamit kan Watchtower na Abril 15 sa pagwaras sa tinampo. Sa pag-oolay sa parapo 5 asin 6, idoon na an pag-alok kan magasin dai maninigong lumihis sa 60 segundos; kun iinaalok an suskripsion, maninigong gamiton an Topikong Mapag-oolayan.
Kanta 3 asin pantapos na pamibi.
SEMANA NIN ABRIL 17-23
10 min: Lokal na mga paisi. Iiba an report sa kuwenta, na mainit na ipinahahayag an pag-apresyar sa mga kontribusyon na pinasalamatan kan Sosyedad. Apodon an atension sa artikulong, “An Satong Midbidan Bilang mga Saksi ni Jehova.” Tawan nin ultimong pagirumdom an mga dai pa nakakaiba sa paglilingkod sa bulan na ini.
15 min: “Pagtagama nin Panahon Para sa Teokratikong mga Probisyon.” Pahayag na may pakikikabtang an mga presente. Humagad nin komento sa mga presente kun paano madadagka an mga bagong interesado na lubos na mag-andam para sa saindang semanal na pag-adal sa Biblia. Iiba an mga komento sa sitadong mga teksto.
20 min: “Tawan nin Maingat na Atension an Personal na Organisasyon.” Hapot-simbagan sa parapo 1-9 kan suplemento. Iaplikar sa lokal, tibaad iniinterbio an mga parahayag o payunir na ginibong simple an saindang buhay tanganing enoton an Kahadean paagi sa pagkaigwa nin marahay na personal na organisasyon.
Kanta 214 asin pantapos na pamibi.
SEMANA NIN ABRIL 24-30
8 min: Lokal na mga paisi. Isadol an padagos na pagsongko sa mga nag-atender sa Memorial kan sarong bulan, baga man bagohan o mga bihirang umatender sa pagtiripon. Sadolon an gabos na ireport tolos an aktibidad sa Abril sa katapusan kan bulan, siring man dagkahon an mga nag-auxiliary payunir na horophoropon an pagpadagos kaiyan sa bulan nin Mayo. Ipagirumdom sa gabos an paghuhulit sa Domingo, Mayo 7.
17 min: “Naghahanap daw Kamo nin Diosnon na Kadonongan?” Rerepasohon kan magurang sa halipot an artikulo dangan aagdahon an sarong grupo nin mga parahayag na umiba sa saiya sa pag-oolay kun paano an personal na pagbasa sa librong Revelation nakapakosog sa saindang pagtubod. Itampok an bagong pakasabot manongod sa “dakulang kadaklan” na iiniba sa simbolong ‘manorosampulong ribong kabayo’ na sinasabi sa Kapahayagan 9:16-19. Sadolon an gabos na lubos na makinabang sa pag-adal sa librong ini sa mga pag-adal sa libro kan kongregasyon.
20 min: “Tawan nin Maingat na Atension an Personal na Organisasyon.” Hapot-simbagan sa parapo 10-16 kan suplemento. Ipaheling kun paano an marahay na organisasyon puwedeng magbunga nin mas dakol na nahahaman asin mas madonong na paggamit sa oras. Interbiohon an saro sa kamagurangan na, sa ibong nin dakol na paninimbagan, nahihimong enoton an “orog na mahahalagang bagay.”
Kanta 174 asin pantapos na pamibi.
SEMANA NIN MAYO 1-7
10 min: Lokal na mga paisi asin Teokratikong mga Bareta. Ipademonstrar sa payunir an paggamit kan Topikong Mapag-oolayan, na iinaangay iyan sa alok na suskripsion. Dagkahon an gabos na suportaran an pagwaras nin magasin sa Mayo 14.
20 min: “Kamo daw Naggigibo nin mga Pagdalaw Liwat?” Hapot-simbagan. Kun pinag-oolayan an parapo 4, iiba an demonstrasyon kun paano mapoon nin pag-adal na ginagamit an librong Live Forever.
15 min: Pahayag basahon sa artikulong, “They Can Help You to Preach” sa Pebrero 15, 1989 Watchtower, pahina 22-4.
Kanta 63 asin pantapos na pamibi.