Pagtiripon na Matabang Sato na Gumibo nin Disipulo
PASABOT: Nag-iskedyul kami nin pagtiripon sa paglilingkod para sa kada semana digdi sa An Satong Ministeryo sa Kahadean. An mga kongregasyon puwedeng gumibo nin pagliliwat sono sa pangangaipo tanganing tawan nin lugar an pag-atender sa pandistritong kombension. May iskedyul para sa 30-minutos na pagrepaso sa tampok na mga kabtang kan programa para sa semana nin Enero 1-7. An pagrepaso sa kada aldaw puwedeng patienot na iasignar sa duwa o tolong kuwalipikadong tugang na magpopokus nin atension sa pangenot na mga punto para sa personal na pag-aplikar asin paggamit sa langtad.
SEMANA NIN DISYEMBRE 11-17
8 min: Lokal na mga paisi asin Mga Paisi hale sa An Satong Ministeryo sa Kahadean. Idemonstrar sa halipot an mga presentasyon sa magasin na puwedeng gamiton sa paglilingkod sa semanang ini.
17 min: “Nagkakasararo sa Paggibo kan Kabotan ni Jehova.” Hapot-simbagan na pag-orolay. Idemonstrar an alok na sinambit sa parapo 3 asin 4, an sarong presentasyon sa pagharongharong, asin an saro sa impormal na pagpatotoo.
20 min: Pukawon an Interes Para sa mga Pagsongko sa Ngapit. Pahayag asin mga demonstrasyon. Mahalaga na magin mataktika asin maboot sa satong ministeryo. (1 Cor. 9:19-23) An pagwalat nin paborableng impresyon puwedeng magbukas kan dalan para sa pag-orolay sa masunod na panahon. Paagi sa pagpalataw nin hapot bago kita maghale sa harong, tibaad mapukaw niato an paghorophorop kan kagharong tanganing maghalat sia sa masunod na pagsongko. Marahay na gamiton an mga tema sa librong Reasoning, siring kan “Linalang daw nin Dios an tawo tanganing magadan?” (rs p. 98; p. 105 sa Tagalog), “Malalaglag daw an planetang Daga sa nuklear na guerra?” (rs p. 112; p. 227 sa Tagalog), asin “Paano puwedeng maaraman nin sarong tawo kun arin an tamang relihiyon?” (rs p. 328; p. 365 sa Tagalog). Idemonstrar an pantapos sa pagsongko kun saen mayong ipinaheling na interes. Mantang minahale an parahayag, naghapot sia, na sinasabing maoogma siang simbagon ini sa masunod na pagsongko. Siring man, idemonstrar kun paano puwedeng gamiton nin parahayag an librong Reasoning sa pagsimbag sa kagharong kun maghagad sia nin simbag.
Kanta 98 asin pantapos na pamibi.
SEMANA NIN DISYEMBRE 18-24
5 min: Lokal na mga paisi. Report sa kuwenta.
10 min: “Young People Ask . . . How Can I Improve at Making Conversation?” Pag-orolay nin duwa o tolong hobenes basado sa Awake! kan Mayo 22, 1989, pahina 23-5.
15 min: “Pag-aatubang kan Maogmang Bareta—Paagi sa Pagtabang sa Lambang Saro na Makapoon nin mga Pag-adal sa Biblia.” Hapot-simbagan. Iiba an duwang demonstrasyon sa pag-alok nin pag-adal sa Biblia sa enot na pagsongko, na ginagamit an mga halimbawa sa irarom kan “Home Bible Study” sa pahina 12 kan librong Reasoning (p. 14 sa Tagalog).
15 min: Pahayag sa “Who Can Be God’s Friend?” basado sa artikulo sa Watchtower kan Setyembre 15, 1989, pahina 26.
Kanta 123 asin pantapos na pamibi.
SEMANA NIN DISYEMBRE 25-31
10 min: Lokal na mga paisi. Pangenotan an “Hapot” paagi sa pag-orolay kairiba an nagdadangog, na binabasa an mga kasuratan. Sambiton an mga areglo sa paglilingkod sa langtad.
20 min: “Enoton Nguna an mga Interes kan Kahadean.” Hapot-simbagan na pagkobre kan kuwalipikadong marhay na magurang.
15 min: Pahayag sa “Do You See Only the Outward Appearance?” basado sa artikulo sa Watchtower kan Nobyembre 1, 1989, pahina 28.
Kanta 129 asin pantapos na pamibi.
SEMANA NIN ENERO 1-7
5 min: Lokal na mga paisi. Teokratikong mga Bareta.
10 min: “Padagos na Magmaan sa Saindong Paglakaw.” Hapot-simbagan na pagkobre. Pakosogon an gabos sa kongregasyon na magplanong mag-atender sa pansirkitong asamblea. Pag-olayan an pagtabang sa mga gurang na asin maluya an hawak na nangangaipo nin tabang.
30 min: Repaso sa Tampok na mga kabtang kan “Diosnon na Debosyon” na Kombension. Tolong kuwalipikadong tugang an puwedeng gumamit nin sampulong minutos kada saro sa pagkobre kan tampok na mga kabtang sa lambang aldaw kan kombension. Helingon an PASABOT sa itaas kun paano ini iasignar asin iatubang. Huli sa limitadong panahon, an mga eksperyensiang gagamiton asin mga komento hale sa mga nagdadangog maninigong halipot asin direkta sa punto.
Kanta 80 asin pantapos na pamibi.