Hapot
● Anong iskedyul an maninigong sunudon sa espesyal na pagtiripon na kabilang an Pag-adal sa Libro kan Kongregasyon durante kan semana nin pagdalaw kan paraataman sa sirkito?
Durante kan pagdalaw kan paraataman sa sirkito, may mga areglo tanganing an bilog na kongregasyon magtiripon sa Kingdom Hall para sa espesyal na pagtiripon na kabilang an Pag-adal sa Libro kan Kongregasyon, an pagkonsiderar kan Makakasuratan asin organisasyonal na impormasyon na may titulong “Magpadagos sa mga Bagay na Saimong Nanodan,” asin sarong pahayag kan paraataman sa sirkito. An pagtiripon na ini mas marahay na isagibo sa banggi nin Huwebes o Biyernes.
An pagtiripon nagpopoon paagi sa kanta asin pamibi, asin dangan an saro sa kamagurangan magkokondukta kan 45-minutos na Pag-adal sa Libro kan Kongregasyon. Maninigong magkaigwa nin paghingoa na kobrehan an bilog na materyal na inasignar para sa semana, na binabasa an gabos na parapo, siring kan kinaugalean na gibohon sa regular na semanal na pag-adal. An Pag-adal sa Libro kan Kongregasyon sinusundan nin pagkanta nin saro pang kanta na pan-Kahadean. Dangan ginagamit kan paraataman sa sirkito an 30 minutos sa pagkondukta kan kabtang na “Magpadagos sa mga Bagay na Saimong Nanodan.” Pakatapos kaiyan, nagtatao sia nin 30-minutos na pahayag na inadaptar nangongorogna sa mga pangangaipo kan kongregasyon na pinaglilingkodan. Sa pahayag, nagtatao sia nin angay na komendasyon asin sadol na dinesenyo tanganing parigonon an kongregasyon asin pakosogon an mga tugang na magdanay na marigon sa paglilingkod sa Kahadean.
An pagtiripon tinatapos paagi sa kanta asin pamibi. An gabos na kantang gagamiton maninigong pilion kan paraataman sa sirkito. An bilog na programa, kabilang an mga kanta asin pamibi, maninigong dai lumihis sa duwang oras.
An areglong ini na pinonan kan 1977 nakakontribuwir nin dakula sa pagigin espesyal kan pagdalaw kan paraataman sa sirkito para sa kaogmahan asin pakinabang kan bilog na kongregasyon asin kan indibiduwal na mga parahayag na nag-aatender asin nakikikabtang sa marahay na probisyon na ini kan organisasyon ni Jehova.