Pagtiripon na Matabang Sato na Gumibo nin Disipulo
SEMANA NIN NOBYEMBRE 12-18
10 min: Lokal na mga paisi asin Mga Paisi sa An Satong Ministeryo sa Kahadean. Orolay sa bagong Topikong Mapag-oolayan.
20 min: “Parigonon an Pagtubod sa Tataramon nin Dios.” Hapot-simbagan. Kun pinag-oolayan an parapo 3, hagadon sa epektibong mga parahayag na presente an espisipikong mga suhestion asin komento sa mga puntong puwedeng gamiton sa pakikipag-olay sa paglilingkod sa langtad. Ipaandam bago pa an mga komentong ini.
15 min: “Patienot na Pagplano Para sa Disyembre.” Hapot-simbagan. Sa parapo 5, iiba an interbio sa saro o duwa na nag-aplikar kan pirang suhestion sa artikulo. Idemonstrar kun paano an eksperyensiadong payunir makatatabang sa sarong maigot na parahayag na gumibo nin personal na iskedyul para sa pagpapayunir sa Disyembre.
Kanta 195 asin pantapos na pamibi.
SEMANA NIN NOBYEMBRE 19-25
10 min: Lokal na mga paisi asin report sa kuwenta. Iiba an mga surat kan Sosyedad sa pagpasalamat sa donasyon, asin ipahayag an pag-apresyar sa pinansial na pagsuportar sa mga pangangaipo kan lokal na kongregasyon.
17 min: Mga Magurang, Dai Nindo Pagpaanggoton an Saindong mga Aki. Pahayag asin demonstrasyon basado sa pahina 16 asin 17 kan Awake!, Enero 22, 1990, asin sa mga subtemang “Encouraging Your Child to Be Expressive” asin “Understanding the Needs of Teenagers” sa kapitulo 11 kan librong Family Life. Dagkahon an mga magurang na saboton an kada saro sa saindang mga aki asin tabangan sindang tumalubo sa espirituwal asin sa iba pang paagi. Sa katapusan kan pag-adal sa Biblia, idemonstrar kun paano tinatawan nin komendasyon nin magurang an mga aki para sa saindang mga paghihingoa. Ipinaheheling an interes sa saindang mga leksion sa eskuwelahan paagi sa pagtao nin pagpakosog asin pagtabang sa mga bagay na dian may problema sinda. Tatapuson kan tsirman paagi sa pagdodoon kan pangangaipo na isapuso an interes kan aki sa gabos na panahon.
18 min: “Taruson an Puso Paagi sa Epektibong mga Pag-adal sa Biblia.” Hapot-simbagan sa artikulo. Kun pinag-oolayan an parapo 3 asin 5 idemonstrar an pag-angay sa lokal na mga kamugtakan. Idoon an angay na mga punto sa Marso 1, 1985 na luwas kan An Torrengbantayan.
Kanta 43 asin pantapos na pamibi.
SEMANA NIN NOB. 26–DIS. 2
10 min: Lokal na mga paisi. Teokratikong mga Bareta. Interbiohon sa halipot an sarong pamilya na nagpaplanong maglingkod sa langtad sa bilog na Sabado asin Domingo kaiba kan kongregasyon. Itampok an tibaad makatabang sa iba.
20 min: “Pagtogdok nin Dayupot na Relasyon sa Pamilya.” Pahayag nin saro sa kamagurangan, na may partisipasyon an mga nagdadangog. Iiba an mga suhestion sa kun ano an magigibo sa lokal tanganing ikatogdok an espirituwal na mga kuwalidad sa mga miembro nin pamilya asin tabangan an gabos na maogma sa paglilingkod sa langtad.
15 min: Pag-andam Para sa Ministeryo sa Langtad. Idemonstrar an sarong pamilya na nag-aandam nin mga pag-aatubang sa langtad na may sarong itinatampok an mga magasin, an saro man nag-aalok nin tract, asin an ikatolo nag-aalok nin libreng pag-adal sa Biblia. Tawan nin espesyal na pagdodoon an paggamit kan alok sa Disyembre na My Book of Bible Stories. Ipaheling an mga miembro nin pamilya na ginigibo ini sa lambang saro.
Kanta 42 asin pantapos na pamibi.
SEMANA NIN DISYEMBRE 3-9
10 min: Lokal na mga paisi asin mga puntong ipakikipag-olay hale sa bagong mga magasin. Iiba an duwang haralipot na demonstrasyon sa pag-alok kan mga magasin.
20 min: “Pag-aatubang kan Maogmang Bareta—Na May Pagmansay.” Hapot-simbagan. Pakatapos na mapag-olayan an parapo 3, magkaigwa nin duwang haralipot na demonstrasyon na nagpapaheling kun paano ibabagay an pag-aatubang sa kamugtakan kan kagharong. Puwedeng tapuson an demonstrasyon kun ini nagibo na, parateng durante o pagkatapos tolos kan introduksion.
15 min: Paggibong Mapanggana sa Ministeryo sa Disyembre. Mapoon sa Disyembre an satong serye nin mga Pandistritong Kombension. Iplano na makikabtang sa ministeryo sa pagpopoon pa sana kan bulan. Kun mahale kamo sa katapusan nin Disyembre, seguradohon na iwalat sa sekretaryo kan kongregasyon an saindong report sa paglilingkod sa langtad bago kamo humale. Pag-olayan an mga puntong angay na gamiton sa pakikipag-olay sa lokal na teritoryo sa pag-alok kan My Book of Bible Stories. Idemonstrar kun paano kakaolayon nin parahayag an kagharong manongod sa halaga nin pagbasa kan Biblia. Puwedeng gamiton an 2 Timoteo 3:16, 17 tanganing ipaheling na an Tataramon nin Dios ipinasabong asin kapakipakinabang, na sinusundan kan Juan 17:3 tanganing itokdo an espisipikong pakinabang.
Kanta 29 asin pantapos na pamibi.