Pagtiripon na Matabang sa Sato na Gumibo nin Disipulo
SEMANA NIN MAYO 6-12
10 min: Lokal na mga paisi asin Mga Paisi sa An Satong Ministeryo sa Kahadean. Repasohon an mga areglo sa paglilingkod sa langtad para sa semana.
20 min: “Pakosogon an Iba na Magbasa kan An Torrengbantayan.” Hapot-simbagan na sinusundan nin duwa o tolong haralipot na kapahayagan hale sa mga parahayag na nagsasabi kun taano ta inaapresyar ninda an Torrengbantayan asin kun paano sinda nakinabang sa pagbasa kaiyan nin regular. Mag-atubang nin demonstrasyon na nagpapaheling kun paano an pinakabagong luwas magagamit kaiba kan satong Topikong Mapag-oolayan.
15 min: “Nauuyam daw Kamong Mag-ako nin Pagtatsar?” Pahayag basado sa Magmata! kan Abril-Hunyo, 1991 (sa Ingles, Pebrero 8, 1991). An espiker mininigong repasohon nin malinaw an anom na paagi na dian an pagtatsar puwedeng gibohon na mas maooyonan.
Kanta 122 asin pantapos na pamibi.
SEMANA NIN MAYO 13-19
10 min: Lokal na mga paisi asin report sa kuwenta.
20 min: “Pag-otob kan Satong Ministeryo sa Kahadean sa Kongregasyon.” Hapot-simbagan na sinusundan nin demonstrasyon nin sarong nangengenot sa pag-adal sa libro na nagpapaliwanag sa mag-agom kun paanong an Index magagamit sa paghanap nin impormasyon sa kun taano asin noarin maglalambong an mga tugang na babae.
15 min: Pahayag sa temang “Perfect Government at Last!” sa pahina 20-4 kan Disyembre 22, 1990 Awake!
Kanta 128 asin pantapos na pamibi.
SEMANA NIN MAYO 20-26
10 min: Lokal na mga paisi asin Teokratikong mga Bareta.
15 min: Maghulit sa Harong-harong. Entusiastiko asin nakakapakosog na pahayag basado sa Organized to Accomplish Our Ministry, pahina 84-7.
20 min: “Ponan Asin Tapuson an mga Pagtiripon na Nasa Oras.” Hapot-simbagan. Basahon an gabos na parapo.
Kanta 8 asin pantapos na pamibi.
SEMANA NIN MAYO 27–HUNYO 2
10 min: Lokal na mga paisi. Repasohon an mga areglo sa paglinig kan Kingdom Hall. Tabangan an mga tugang na apresyaron an pangangaipo nin kooperasyon sa pagpadanay na malinig kan lugar nin pagsamba ki Jehova. (Para sa dugang na impormasyon helingon an artikulong “Iginagalang daw Nindo an Saindong Kingdom Hall?” sa pahina 3 kan Setyembre, 1989 An Satong Ministeryo sa Kahadean.)
20 min: “Pag-aatubang kan Maogmang Bareta—Sa Pag-alok kan Mankind’s Search for God.” Hapot-simbagan. Pakatapos konsideraron an parapo 2, idemonstrar an pag-atubang na itinao. Kun may ibang teritoryo na dakol an naghihingakong may bakong Kristianong relihiyon, maninigong magkaigwa nin espesyal na paghihingoa na hulitan an mga lugar na ini sa Hunyo.
15 min: Timbang na Paggamit kan Panahon sa Pag-aling-aling. Interbiohon an nagkapirang hobenes manongod sa panahon nin pag-aling-aling. Gamiton an materyal hale sa librong Young People Ask, kapitulo 35 sagkod 37. An tugang na nag-iinterbio puwedeng maghapot: Taano ta kaipuhan kamong magin mapamili sa binabasa nindo? Paano nindo pipilion an angay na babasahon? Ano an nagkapirang nakadadanyar na epekto kan pagheling nin telebisyon, asin paano iyan mapopogolan? Taano ta dai kamo nawawaran nin ano man sa dai pag-arog sa kinabanon na mga hobenes? Taano an pag-arog sainda ta peligroso? Ano an nanompongan nindong nagkapirang paagi na magkaigwa nin kawiliwiling dibersion? Taano ta kaipuhan kitang magin timbang sa bagay na ini?
Kanta 221 asin pantapos na pamibi.
SEMANA NIN HUNYO 3-9
5 min: Lokal na mga paisi.
15 min: “Gamiton nin Marhay an Satong mga Publikasyon.” Hapot-simbagan. Magkaigwa nin duwang demonstrasyon na nagpapaheling kun paano niato iaangay an satong alok sa mga pinagkakainteresan asin pangangaipo kan kagharong.
10 min: An Gibohon kan mga Attendant. Interbiohon an tugang na nangangataman sa mga attendant. Pag-olayan an saindang mga gibohon asin kun paano an kongregasyon makikikooperar sainda. (Helingon an Organized to Accomplish Our Ministry, pahina 63-4, asin An Satong Ministeryo sa Kahadean, Enero, 1990, pahina 3.) Maninigong ipaaram kan mga attendant sa mga may aki an pangangaipo na dai makadistorbo an saindang mga aki. An mga attendant man nagpapadanay kan areglo sa mga pagtiripon, binibilang an nag-atender, asin nagtatabang sa mga gurang asin maluluya an hawak na makakua nin tukawan.
15 min: Gamiton an mga Tract sa Ministeryo. Pag-olayan an manlaenlaen na paagi na dian an nagkapirang tract puwedeng gamiton. Pakomentohon an mga nagdadangog kun paano ninda ginagamit an mga tract asin isaysay an mga eksperyensia ninda. Kan Pebrero pinag-olayan niato kun paano gagamiton an mga tract sa pagpoon nin mga pag-adal. Ipasaysay an mga eksperyensia na nakamtan bilang resulta sa pagprobar kaini. Helingon man an Index sa temang “Tracts” para sa iba pang eksperyensia sa paggamit kaiyan.
Kanta 12 asin pantapos na pamibi.