Pagtiripon sa Paglilingkod Para sa Setyembre
Semana nin Setyembre 7-13
10 min: Lokal na mga paisi asin Mga Paisi sa An Satong Ministeryo sa Kahadean. Ipakipag-olay an mapag-oolayan na mga punto sa presenteng mga magasin. Dagkahon an gabos na makikabtang sa paglilingkod sa langtad ngonyan na Sabado asin Domingo.
20 min: “Epektibong Pagharong-harong.” Hapot-simbagan. Pakosogon an mga nag-oauxiliary payunir sa Setyembre, asin dagkahon an iba na umiba sainda sa Oktubre. Sabihon na an mga nag-oauxiliary payunir parateng napagdadanay an mas halangkaw na grado nin aktibidad sa mga minasunod na bulan asin nagigin mas epektibo sa saindang mga pag-aatubang.
15 min: “Mga Introduksion na Makapupukaw nin Interes.” Hapot-simbagan. Idemonstrar an mga suhestion sa parapo 4 na ginagamit an brochure na Government asin sa parapo 5 na ginagamit an brochure na Enjoy Life.
Kanta 155 asin pantapos na pamibi.
Semana nin Setyembre 14-20
10 min: Lokal na mga paisi, kaiba an report sa kuwenta asin pagpapasalamat sa mga donasyon. Komendaran an kongregasyon para sa pinansial na pagsuportar sa lokal na kongregasyon, siring man sa pambilog na kinaban na gibohon kan Sosyedad.
20 min: Pagpapatalubo nin Interes sa mga Pagdalaw Liwat. Pakikipag-olay kan paraataman sa paglilingkod. Kadakol kan naoogmang makipag-olay sa mga tawo asin makawalat nin babasahon. (om p. 87-8) Kabilang sa satong paninimbagan an pagkultibar nin interes sa puso kan mga nakakaolay niato. Ipaheling an sarong halipot na demonstrasyon kun paano an tract magagamit tanganing pataluboon an interes kan dinadalaw liwat na daing literaturang ikinawalat kan enot. Itampok an saro o duwa sanang punto. Iatubang an halipot na demonstrasyon na ipinaheheling kun paano an impormasyon na makukua sa indese kan librong Reasoning puwede man na gamiton. Idoon an halipot pero malaman asin direktang mga punto na yaon sa publikasyon na puwedeng gamiton tanganing pataluboon an interes sa Biblia. Ipaheling kun paano mag-aareglo para sa masunod na mga pagdalaw.
15 min: “Babylon the Great.” Pag-orolay sa librong Reasoning, pahina 49-53. Demonstrasyon: Nakikipag-olay an parahayag sa inaadalan sa Biblia dapit sa pag-oswag kaini. Idinodoon an pangangaipo na mamansayan ni Jehova bilang banal, angay sa Saiyang tabang asin bendisyon. (1 Ped. 1:15, 16) Idoon an kahalagahan kan pagdulag sa Babilonya ngonyan asin pag-asosyar sa banal na organisasyon ni Jehova. Tatapuson kan tsirman paagi sa pagdagka sa mga tugang na gamiton an mga publikasyon tanganing giyahan an mga inaadalan pasiring sa organisasyon asin pakinabangan an itinataong tabang kan mga magurang.
Kanta 129 asin pantapos na pamibi.
Semana nin Setyembre 21-27
10 min: Lokal na mga paisi. Teokratikong mga Bareta. Dagkahon an pakikikabtang sa aktibidad sa langtad sa Sabado asin Domingo, asin sambiton an nagkapirang ekselenteng mapag-oolayan na punto sa pinakahuring mga magasin na puwedeng gamiton tanganing mapukaw an interes ngonyan na Sabado asin Domingo.
20 min: “Paggamit kan Brochure na ‘Uya!’ sa mga Pagdalaw Liwat.” Ipakipag-olay sa halipot an mga punto sa enot na duwang parapo. Dangan idemonstrar an duwang pagdalaw liwat na ginagamit an mga suhestion na itinao sa parapo 3 asin 5, na an kada situwasyon pasiring sa pagpopoon nin pag-adal sa Biblia.
15 min: Nasa Puso daw kan Saindong mga Aki an Kaisipan nin Dios sa Eskuwelahan? Pahayag kan saro sa kamagurangan. Nabubuhay kita sa kinaban na desidido sa pagprobar na mamolde kita dian. Asin ini nangorognang totoo sa satong mga hobenes. Maninigo na an mga magurang magin sensitibo sa saindang mga pangangaipo asin problema. (Tal. 20:5) Itanom an mga pagboot asin pagkamoot nin Dios kaiba an pagkamoot nin mga magurang para sa saindang mga aki. Demonstrasyon: Pinag-oolayan kan pamilya kun paano gagamiton an brochure na School. An sarong aki primer anyo sa eskuwelahan, mantang an duwa pang aki nag-eeskuwela na sa laog nin pirang taon. Pumili nin punto na aplikado sa mga kamugtakan kan kada saro. Magpapahayag kan saindang sadiri an mga aki sa sadiring mga tataramon sa magurang na nag-aaktong maestro. Siertohon na an mga aki nakasasabot sa mga prinsipyo na kalabot asin kayang ikapahayag an saindang sadiri sa sadiring mga tataramon, bako sanang sabihon na ini an sinasabi kan saindang mga magurang. Dadagkahon kan tugang na nagkakapot sa kabtang an pampamilyang pag-adal sa Biblia asin idodoon an pangangaipo para sa mga magurang na magkaigwa nin harani, dayupot na relasyon sa mga aki.
Kanta 130 asin pantapos na pamibi.
Semana nin Set. 28–Okt. 4
5 min: Lokal na mga paisi. Repasohon an artikulo na “‘Mga Paradara nin Liwanag’ na mga Kombension” asin pag-olayan kun saen na kombension nakaasignar an kongregasyon na umatender.
15 min: “An Angat sa Paggibo nin mga Pagdalaw Liwat.” Hapot-simbagan. Pakapag-olay sa parapo 5 asin 6, magkaigwa nin duwang demonstrasyon. (1) Ipaheling kun paano puwedeng gamiton an tract sa pagpopoon nin pag-adal sa Biblia. (2) Pumili nin tema sa librong Reasoning asin ipaheling kun paano iyan puwedeng gamiton tanganing masimbag an hapot kan dinadalaw liwat. Itampok an kahalagahan kan pag-ensayo. Pakosogon an pagkultibar nin gabos na interes.
10 min: Pag-orolay sa artikulong “Do You Remember?” sa Abril 15, 1992 na Watchtower. Dagkahon an gabos na pagdanayon an marahay na iskedyul sa pagbasa kan mga magasin. Tumao nin praktikal na mga suhestion.
15 min: Naggigibo daw Kamo nin Espirituwal na Pag-oswag? Pakikipag-olay kan magurang. Naabot daw kan mga nasa kongregasyon an espisipikong mga pasohan durante kan nakaaging taon nin paglilingkod? Kun dai, taano? Isuherir an posibleng mga pasohan. Kinakaipuhan an pag-oswag tanganing maingatan an espirituwalidad. (Fil. 3:16) Halipot na demonstrasyon nin sarong pamilya, durante kan pampamilyang pag-adal, na rinirepaso an saindang sadiring ministeryo tanganing madeterminaran kun saen sinda makagigibo nin espirituwal na pag-oswag. Sa konklusyon puwedeng repasohon kan magurang an report nin paglilingkod na ginibo kan kongregasyon kan nakaaging taon.
Kanta 126 asin pantapos na pamibi.