Pagtiripon sa Paglilingkod Para sa
Semana nin Nobyembre 9-15
10 min: Lokal na mga paisi, piniling Mga Paisi sa An Satong Ministeryo sa Kahadean, asin mga tampok sa Teokratikong mga Bareta. Repasohon an ekselenteng mga artikulo sa presenteng mga magasin; magkaigwa nin saro o duwang halipot na demonstrasyon tanganing ipaheling kun paano iyan ikaaalok pakatapos nin pag-orolay sa Kasuratan. Pakosogon an gabos na makahihimo na dugangan an saindang pakikakabtang sa paglilingkod sa langtad sa Nobyembre, na posibleng makiibahan sa mga nag-o-auxiliary payunir ngonyan na bulan.
20 min: “An Pangangaipo kan Katawohan na Hanapon an Dios.” Hapot-simbagan. Palaadon an entusiasmo para sa satong gibohon sa langtad ngonyan na bulan. Ipaheling kun paano an publikasyon makatatabang sa mga tawo na may laen-laen na relihiyon sa saindong teritoryo. Repasohon an isinuherir na mga pag-aatubang sa An Satong Ministeryo sa Kahadean kan Oktubre asin iareglo an halipot na demonstrasyon sa saro sa mga iyan kan eksperyensiadong parahayag o payunir.
15 min: Pahayag nin kuwalipikadong magurang sa artikulong “Have You Counted the Cost?” sa Agosto 15, 1992 na luwas kan Watchtower, pahina 26-9. Gumamit nin mga halimbawa sa artikulo tanganing ikailustrar kun gurano kahalaga na maingat na konsideraron kun paano maaapektaran an espirituwalidad bago umako nin sekular na trabaho o magbiyahe paluwas sa nasyon. Kaipuhan na pagirumdomon kan magurang an mga tugang kan surat nin Sosyedad na may petsang Agosto 1, 1992 para sa gabos na kongregasyon manongod sa mga peligro kan pag-ako nin trabaho sa luwas kan nasyon na dai kinokonsiderar nin maingat an mga kaaabtan.
Kanta 63 asin pantapos na pamibi.
Semana nin Nobyembre 16-22
10 min: Lokal na mga paisi. Basahon an bulanan na report sa kuwenta; magtao nin komendasyon basado sa 2 Corinto 9:6, 7. Imbitaran an nag-andam na mga parahayag na iestorya an ekselenteng mga eksperyensia sa pag-alok kan librong Search for God ngonyan na bulan.
20 min: “Pagdalaw Liwat na May Pasohan na Makapoon nin Pag-adal sa Biblia.” Hapot-simbagan asin mga demonstrasyon. Idemonstrar an isinuherir na pag-orolay sa Biblia sa parapo 3. Gamiton an parapo 17-20 sa pahina 372-5 kan librong Mankind’s Search for God bilang basihan para sa pagpopoon nin pag-adal sa Biblia. Idoon na puwedeng ponan an pag-adal sa ano man na kapitulo kan libro, na dai kinakaipuhan na sa kapinonan, depende sa nakaiinteres sa kagharong.
15 min: “Learn Obedience by Accepting Discipline.” Pahayag nin sarong maygurang na ama sa artikulo sa Oktubre 1, 1992 na luwas kan The Watchtower. Ipaheling an kahalagahan kan disiplina sa pagmolde sa personalidad kan aki tanganing makatogdok nin marahay na pundasyon para sa buhay pagdakula. Ipaheling kun ano an puwedeng mangyari kun mayo nin disiplina sa harong.
Kanta 88 asin pantapos na pamibi.
Semana nin Nobyembre 23-29
5 min: Lokal na mga paisi. Pakosogon an gabos na makahihimo na konsideraron an pag-auxiliary payunir sa Disyembre, na itinatao an saindang aplikasyon tolos-tolos. Paagi sa maingat na pagpaplano, dakol an may kakayahan na maabot an 60 oras na kahagadan sainda bago pumoon an pandistritong mga kombension.
20 min: “Tabangan an Kaakian na Maglingkod ki Jehova Gikan sa Puso.” Hapot-simbagan. Idoon an pangangaipo kan mga magurang na otobon an saindang paninimbagan na magtao nin halimbawa asin sanayon personalmente an saindang mga aki sa ministeryo. Imbitaran an saro o duwang magurang na iestorya kun ano an ginibo ninda na nagkaigwa nin marahay na mga resulta. Ipademonstrar sa sarong magurang kun paano nia tinabangan an aki na andamon an sarong pag-orolay sa Biblia na gagamiton sa paglilingkod sa harong-harong. Tapuson paagi sa pagdemonstrar nin sarong hoben kan saro sa isinuherir na mga pag-aatubang.
10 min: “Hapot.” Ipakipag-olay sa mga nagdadangog. Idoon kun taano ta mahalaga sa kaakian na magkaigwa nin reputasyon para sa marahay na ugale asin odok sa boot na pagmawot na makikabtang sa ministeryo sa langtad tanganing makuwalipikar bilang dai pa bautisadong mga parahayag.
10 min: Mga Kapahayagan kan Hoben na mga Parahayag. Imbitaran an nagkapirang hoben na nag-andam na ipaliwanag kun paano sinda nakuwalipikar na magin dai pa bautisadong mga parahayag asin kun taano ta ikinaoogma ninda an paglilingkod sa langtad asin mawot na magkaigwa nin mas dakula pang pakikakabtang. An mga ininterbio kaipuhan na itao an saindang sadiring positibong mga kapahayagan asin dai pag-otrohon sana an mga tataramon na ipinasasabi sainda.
Kanta 221 asin pantapos na pamibi.
Semana nin Nob. 30–Dis. 6
10 min: Lokal na mga paisi. Dagkahon an gabos na pumoon tolos sa paglilingkod sa langtad sa Disyembre, nangorogna an mga nag-o-auxiliary payunir. Ipagirumdom man sa gabos na, kun mahale sinda sa kongregasyon sa katapusan kan bulan huli sa pandistritong mga kombension, kaipuhan na itao na ninda an saindang report bago sinda humale tanganing ikaiba iyan sa report kan kongregasyon para sa bulan.
20 min: “Ekspertong Gamiton an Tataramon nin Katotoohan.” Hapot-simbagan sa artikulo. Idoon an pangangaipo na gamiton an Biblia sa harong-harong. Pakatapos na pag-olayan an parapo 5, idemonstrar an isinuherir na pag-aatubang. Siring man, idemonstrar sa halipot kun paano iaalok an Biblia pakatapos na gamiton an Talinhaga 2:6, 7. Sambiton na paminsanminsan an mga parahayag tibaad boot sana na ialok an librong God’s Word sa mga indibiduwal na garo habo nin saro pang Biblia.
15 min: “The New World Translation—Scholarly and Honest.” Pag-orolay sa artikulo na naglataw sa Marso 1, 1991 na luwas kan The Watchtower. Itampok an mga punto na kapakipakinabang sa pag-aatubang kan Biblia sa paglilingkod sa Disyembre. Para sa dugang na mga punto, repasohon an mga tampok sa materyal na “New World Translation” sa librong Reasoning, pahina 276-9.
Kanta 111 asin pantapos na pamibi.