Gumibo nin Nakapahihirong Introduksion
1 An Torrengbantayan asin an Awake! kapwa nakatatabang sa pagtanom kan banhi nin katotoohan sa puso nin mga parabasa. Kun siring, boot niatong gumibo nin epektibong mga paagi na ikalaog an mga magasin na ini sa harong nin mga tawo sa Abril.
2 Paano an mga kagharong mapahihirong umako asin basahon an satong mga magasin? Dependeng gayo ini sa kun paano niato iiniintrodusir iyan. An ekselenteng mga suhestion makukua sa librong Reasoning, pahina 9-15.
3 Kun iinaalok an Abril 1 na Torrengbantayan, puwede nindong probaran na gamiton an ikatolong suhestion sa irarom kan “Current Events” sa pahina 10-11 kan librong Reasoning.
Pakapamidbid, puwede nindong sabihon:
◼ “Kun papipilion kamo, arin sa kadakol na problema na napaaatubang ngonyan sa kinaban an gusto nindong enot na maremedyohan?” Hinanyogon an simbag kan kagharong, asin pasalamatan an saiyang pagmakolog. Dangan puwede nindong ipadagos na sinasabi an arog kaini: “Konsiderara an iinaalok kan Biblia bilang solusyon sa siring na mga problema. [Basahon an Isaias 9:6, 7.] Kaya an tunay na solusyon sa gabos na problema nin katawohan yaon sa matanos na pamamahala kan Liwanag kan Kinaban, si Jesu-Cristo.” Dangan pumasiring sa ikaduwang artikulong aadalan, sa parapo 16-18, sa subtemang “An Naliwanagan na Bagong Kinaban.”
4 An duwa pang introduksion na magagamit nindo kaiba kan Abril 1 Torrengbantayan makukua sa pahina 11 kan librong Reasoning, sa irarom kan “Employment/Housing.” Puwede nindong sabihon sa sadiri nindong tataramon an mga hapot na ini o otrohon sana an sinasabi sa librong Reasoning. Pakapasalamat sa simbag kan kagharong, darahon an atension sa angay na mga punto sa artikulong “Sumunod sa Liwanag kan Kinaban.”
5 Kun ginagamit nindo an Abril 8 Awake! sa “Science—Can It Meet Our Needs?,” puwede nindong probaran an ikatolong introduksion sa irarom kan “Life/Happiness” sa pahina 13 kan librong Reasoning. Pakahapota sa kagharong kun hinohona nia na an siensia makareresolber sa satong mga problema asin makatatao nin kaogmahan, puwede nindong darahon an atension sa sarong angay na punto sa magasin na Awake!
6 Puwedeng makanompong kamo nin mga kagharong na nagsasabing igwa sinda nin sadiring relihiyosong publikasyon. Puwede nindong sabihon na igwa man kitang sadiring ginagamit na mga publikasyon (arog kan An Satong Ministeryo sa Kahadean); alagad, an satong magasin binabasa nin minilyon na tawo na bakong mga Saksi ni Jehova.
7 Si Pablo nagsabi sa 1 Corinto 3:6: “Ako an nagtanom, si Apolos an nagbaribi, alagad an Dios iyo an nagpapatubo.” Kun boot niato na pataluboon ni Jehova an banhi nin katotoohan sa puso kan mga interesado, kita maninigong tumao nin atension sa epektibong pagtanom kan banhing ini paagi sa paggamit nin nakapahihirong mga introduksion.