Teokratikong mga Bareta

French Guiana: An report kan Oktubre nagpapaheling kan ika-15 sa sunod-sunod na peak nin parahayag, na may 948 nagreport. An mga parahayag sa kongregasyon nagpromedyo nin 15.1 oras sa paglilingkod sa langtad.

Hong Kong: Naabot an bagong peak nin 2,704 parahayag kan Oktubre. Marahayon na maheling na nagkondukta sinda nin 4,043 na pag-adal sa Biblia.

Jamaica: Idinedikar an primerong Assembly Hall sa Jamaica kan Nobyembre 7, 1992, na inatenderan nin 4,469.

Madagascar: An limang “Mga Paradara nin Liwanag” na Pandistritong Kombension inatenderan nin 10,694, na may 241 nabautismohan. An nag-atender labing doble sa saindang peak na 4,542 na parahayag.

Dominican Republic: Huling may 15,418 nagreport, naabot ninda an 20-porsientong pag-oswag nin parahayag kisa kan nakaaging taon nin paglilingkod. Labi sa 20 porsiento kan mga parahayag an nasa bilog na panahon na paglilingkod.

Pilipinas: An treinta y sieteng “Mga Paradara nin Liwanag” na Pandistritong Kombension inatenderan nin 277,691, na may 4,099 nabautismohan. Sa 34 kombension na ginibo kan nakaaging taon, an nag-atender 265,686, na may 4,093 na nabautismohan.