Pagtiripon sa Paglilingkod Para sa Setyembre
Semana nin Setyembre 6-12
10 min: Lokal na mga paisi asin piniling Mga Paisi sa An Satong Ministeryo sa Kahadean. Ipakipag-olay an mga puntong mapag-oolayan hale sa bagong mga magasin. Dagkahon an gabos na makikabtang sa paglilingkod sa langtad ngonyan na Sabado asin Domingo.
20 min: “Pagmaigotan na Makakua nin Naghihinanyog na Talinga.” Ipakipag-olay sa mga nagdadangog. Itampok an kahalagahan nin pagtratar sa kada kagharong bilang indibiduwal, na an katuyohan magkaigwa nin pakipag-olay sa saiya. Magkaigwa nin halipot na mga demonstrasyon basado sa mga suhestion sa parapo 2 asin 3. Idoon an regular na paggamit nin mga magasin sa paglilingkod sa langtad.
15 min: Pahayag nin saro sa mga magurang sa temang “Busy in Dead Works or in Jehovah’s Service?” sa Hulyo 1, 1992 na isyu kan Watchtower, pahina 26-29. O ipakipag-olay an lokal na mga pangangaipo.
Kanta 193 asin pantapos na pamibi.
Semana nin Setyembre 13-19
10 min: Lokal na mga paisi, kaiba an report sa kuwenta asin mga pasasalamat sa donasyon. Komendaran an kongregasyon huli sa pinansial na pagsuportar sa lokal na kongregasyon siring man sa pambilog na kinaban na gibohon kan Sosyedad.
15 min: “Do You Remember?” (Helingon an Watchtower, Disyembre 15, 1992, pahina 30.) Ini maninigong pahayag kun puwede kan Konduktor sa Pag-adal sa Torrengbantayan na kinokobrehan an pinakadakol na punto sagkod na itinotogot nin oras tanganing magserbing repaso kan materyal na iinatubang na sa Torrengbantayan asin Watchtower kan 1992.
20 min: “Dumalaw Liwat Tanganing Tabangan an mga Tawo na Makanood kun Paano Sinda Puwedeng Mabuhay Sagkod Lamang.” Hapot-simbagan na pag-orolay. Magkaigwa nin sarong demonstrasyon na pagdalaw liwat basado sa pag-atubang na yaon sa parapo 5 asin 6.
Kanta 71 asin pantapos na pamibi.
Semana nin Setyembre 20-26
10 min: Lokal na mga paisi. Teokratikong mga Bareta. Dagkahon man an pakikikabtang sa aktibidad sa langtad ngonyan na Sabado asin Domingo.
15 min: Itampok an kahalagahan kan librong Mabuhay Sagkod Lamang. Puwedeng sambiton an mga report tanganing ipaheling an mga pag-oswag durante kan mga taon na ginamit an publikasyon na ini. An dakol nakanood kan katotoohan paagi sa pag-adal sa librong ini. Interbiohon an saro o duwang parahayag na inadalan an librong ini kan palaog sa katotoohan. Ipasaysay sainda kun ano an saindang naapresyar sa pag-adal dian asin kun paano iyan magagamit sa langtad. Dagkahon an mga tugang na entusiastikong ialok iyan sa mga nahehelingan nin interes.
20 min: “Mga Kahagadan Kapwa sa Bagohan Asin Eksperyensiadong Ministro.” Hapot-simbagon na pakipag-olay nin magurang. Tapuson paagi sa maogma pero halipot na sumaryo kan mga punto na minaaplikar sa lokal na mga pangangaipo kan kongregasyon.
Kanta 6 asin pantapos na pamibi.
Semana nin Set. 27–Okt. 3
10 min: Lokal na mga paisi.
20 min: “Galagang Humanap nin mga Pag-adal sa Biblia.” Hapot-simbagan na pakipag-olay sa artikulo kan paraataman sa paglilingkod. Basahon asin iaplikar an gabos na sitadong teksto. Repasohon an pag-oswag kan kongregasyon sa gibohon na pag-adal sa Biblia sa nakaaging limang taon, asin gumibo nin pantapos na mga komento sono sa lokal na mga pangangaipo.
15 min: An Kahalagahan kan mga Petsa sa Satong Pag-adal kan Biblia. Pakatapos nin halipot na pahayag sa materyal sa irarom kan “Definition” sa pahina 93 kan librong Reasoning, ipakipag-olay sa mga nagdadangog an natatada pang impormasyon sa irarom kan temang “Dates.” Ipaliwanag an “Why do Jehovah’s Witnesses say that God’s Kingdom was established in 1914?” Itampok kun paano an impormasyon na ini nakatatabang sa mga bagohan na magin andam na idepensa an mensahe kan Kahadean.
Kanta 43 asin pantapos na pamibi.