Pagtiripon sa Paglilingkod Para sa Nobyembre
Semana nin Nobyembre 8-14
10 min: Lokal na mga paisi asin Mga Paisi sa An Satong Ministeryo sa Kahadean. Isuherir an mga paagi na puwedeng gamiton an bagong mga magasin sa lokal na teritoryo. Idoon an kahalagahan nin pagdalaw liwat sa gabos na nawalatan nin magasin na may katuyohan na ponan an mga ruta sa magasin. Kun mapatunayan na tunay na interesado an mga kagharong, puwedeng ialok an suskripsion.
15 min: “Pagtabang sa Iba na Mamidbid an Dakulang Kayamanan.” Hapot-simbagan na pag-orolay. Pakosogon an gabos na entusiastikong mag-alok kan librong Mabuhay Sagkod Lamang ngonyan na Nobyembre asin magmaigot na makapoon nin mga pag-adal sa Biblia. Pag-olayan an manlaenlaen na pagdolok na isinuherir sa artikulo. Kun pinag-oolayan an parapo 4, magkaigwa nin demonstrasyon nin parahayag na nag-aalok kan librong Mabuhay Sagkod Lamang sa sarong magurang na ginagamit an isinuherir na pag-aatubang.
20 min: “Iginagalang daw Nindo an Saindong Lugar nin Pagsamba?” Pahayag nin sarong magurang basado sa artikulo sa Hunyo 15, 1993 na Torrengbatayan asin Watchtower. Iaplikar an impormasyon sa lokal na mga kamugtakan. Kun igwa nin partikular na problema na kaipuhan na sambiton, mataktikang magtao nin angay na sadol.
Kanta 42 asin pantapos na pamibi.
Semana nin Nobyembre 15-21
10 min: Lokal na mga paisi. Report sa kuwenta. Basahon an mga pasasalamat sa donasyon, asin tawan nin komendasyon an kongregasyon para sa matinaong pagsuportar sa pambilog na kinaban na gibohon siring man sa pag-asikaso sa materyal na mga pangangaipo kan lokal na kongregasyon. Repasohon sa halipot an mga areglo sa paglilingkod sa langtad sa laog nin semana, asin ipahayag an apresasyon para sa maigot na pagsuportar kan mga parahayag.
15 min: “Mag-auxiliary Payunir sa Disyembre.” Maogma asin entusiastikong pag-olayan an materyal paagi sa hapot-simbagan. Ianunsiar an lokal na mga areglo para sa paglilingkod sa langtad asin espesyal na mga areglo na gigibohon para sa grupong pagpapatotoo sa Disyembre. Interbiohon an nagkapira na nag-auxiliary payunir kan nakaagi asin nagpaplano giraray na gibohon iyan sa Disyembre. Hagadon sa mga nagpaplano na mag-auxiliary payunir sa masunod na bulan na iitaas an saindang kamot. Puwede ining makapakosog sa iba na umiba sainda.
20 min: “An Pagtotokdo nin Dios May Makosog na Impluwensia.” Hapot-simbagan na pag-orolay sa artikulo. Basahon an mga parapo asin sinitar na mga teksto sagkod na itinotogot nin panahon. Togotan an halipot na mga komento na nagpapahayag nin personal na pag-apresyar para sa mga pakinabang na inako sa pag-atender sa mga kombension, pansirkitong asamblea, asin espesyal na aldaw na asamblea, na tibaad iniinterbio an nagkapira sa kongregasyon na an buhay naimpluwensiahan sa ikararahay kan pagtotokdo nin Dios.
Kanta 44 asin pantapos na pamibi.
Semana nin Nobyembre 22-28
5 min: Lokal na mga paisi. Teokratikong mga Bareta. Pagirumdomon an mga nagpaplanong mag-auxiliary payunir sa Disyembre na kaipuhan nindang itao an saindang aplikasyon ngonyan na semana bago matapos an Nobyembre.
15 min: “Magin Bilog na Kalag sa Saindong Paglilingkod.” Hapot-simbagan. Kun pinag-oolayan an parapo 2, tumao nin angay na mga komento hale sa Disyembre 1, 1992 na Torrengbantayan asin Watchtower, na nagtatao nin nagkapirang dugang na paliwanag mapadapit sa kahulogan kan tinagba para sa sato ngonyan. Basahon asin iaplikar an Malaquias 3:10 bilang konklusyon.
15 min: “Magayagayang Dumalaw Liwat Tanganing Tabangan an mga Interesado.” Pag-orolay kaiba kan mga nagdadangog asin mga demonstrasyon. Idoon an pangangaipo na magkaigwa nin marahay na mga rekord kan nanompongan na interes. Sa parapo 3-5, iareglo an duwang demonstrasyon. Maninigo ining magpaheling kan lokal na mga kamugtakan asin dapat na ibagay kun kinakaipuhan.
10 min: Lokal na mga pangangaipo o nakapahihirong pahayag manongod sa “An Enot na mga Kristiano Asin an Kinaban,” basado sa enot na artikulo sa Hulyo 1, 1993 na luwas kan An Torrengbantayan asin The Watchtower. Idoon an pangangaipo niato ngonyan na arogon an halimbawa kan enot na mga Kristiano.
Kanta 60 asin pantapos na pamibi.
Semana nin Nob. 29–Dis. 5
10 min: Lokal na mga paisi. Iiba an mga areglo sa paglilingkod sa langtad sa laog nin semana, asin apodon an atension sa mga punto sa bagong mga magasin na puwedeng gamiton kan mga parahayag sa paglilingkod sa langtad sa maabot na mga aldaw. Kun itinotogot nin panahon, idemonstrar sa halipot an saro o duwang pag-aatubang na magigin angay sa lokal na teritoryo. Magtao nin mga pagirumdom sa pangangaipo na dumalaw liwat sa gabos na nagpaheling nin interes.
15 min: Itinatampok an New World Translation asin an The Bible—God’s Word or Man’s? durante sa Disyembre. Pahayag asin demonstrasyon. Repasohon an mga tampok sa materyal manongod sa “New World Translation” sa librong Reasoning, pahina 276-9. Dangan idemonstrar kun paano an ikaduwang suhestion sa pahina 10 kan librong Reasoning sa temang “Bible/God” puwedeng gamiton sa pakikipag-olay sa kagharong sa Disyembre.
20 min: “Pagkondukta nin mga Pag-adal sa Biblia sa Harong.” Hapot-simbagan na pag-orolay sa artikulo. Ipaheling an sinanay na marhay na demonstrasyon nin parahayag na tinatabangan an estudyante na masabotan kun paano an sinitar na teksto nagsusuportar sa impormasyon sa parapo na pinag-oolayan. Sa iyo man sanang demonstrasyon ginagamit kan parahayag an nagtatabang na mga hapot tanganing tabangan an estudyante na isapuso an katotoohan. Gamiton an piniling kabtang kan librong United in Worship o Mabuhay Sagkod Lamang.
Kanta 78 asin pantapos na pamibi.