Pagtiripon sa Paglilingkod Para sa Mayo
Semana nin Mayo 2-8
10 min: Lokal na mga paisi asin Mga Paisi sa An Satong Ministeryo sa Kahadean.
15 min: “Padagos na Hingoahon an Teokratikong mga Aktibidad Ngonyan na Mayo.” Hapot-simbagan.
5 min: “Kaipuhan Ko daw na Magparaliwatliwat?” Pag-orolay nin duwang magurang.
15 min: “Gamiton an mga Magasin sa Paghiras kan Katotoohan.” Ipakipag-olay sa mga nagdadangog. Areglaron an duwang halipot na demonstrasyon.
Kanta 128 asin pantapos na pamibi.
Semana nin Mayo 9-15
10 min: Lokal na mga paisi. Dagkahon an gabos na magin alisto sa mga oportunidad na makakua nin mga suskripsion.
20 min: “Andamon an mga Estudyante sa Biblia Para sa Ministeryo.” Hapot-simbagan. Sa parapo 4 asin 5, magkaigwa nin halipot na demonstrasyon na nagpapaheling kun paano matatabangan an estudyante na mag-andam sa pagpatotoo sa harong. Mapoon an estudyante sa simpleng pag-atubang na ginagamit an Salmo 37:11. Popondohon kan nagtotokdo, na nagsasabing, “Igwa na akong sadiring relihiyon.” Dai segurado kan estudyante an sasabihon. Bubuksan kan duwa an librong Reasoning, pahina 18 asin 19, asin mapili nin simbag na pasil gamiton kan estudyante. Nagpadagos an estudyante asin nagtao nin marahay na simbag.
15 min: Pagsuportar sa Satuyang Kingdom Hall. Pahayag nin sarong magurang manongod sa pangangaipo para sa gabos na tumabang na mapagdanay an Kingdom Hall sa marahay na kamugtakan. Kun may pinaplanong pagtogdok o paghirahay kan Kingdom Hall, ipaheling an pangangaipo na makatipon nin lokal na pondo para sa katuyohan na ini. An mga igwa nin utang sa Kingdom Hall kaipuhan na bayadan ini sa Sosyedad kada bulan. Repasohon an mga tampok kan kabtang na “Financing Local Places of Meeting” sa pahina 343-5 kan Jehovah’s Witnesses—Proclaimers of God’s Kingdom.
Kanta 139 asin pantapos na pamibi.
Semana nin Mayo 16-22
10 min: Lokal na mga paisi. Report sa kuwenta.
17 min: “Dalawon Nindo Liwat an Nanompongan na Interes.” Hapot-simbagan. Ipademonstrar an saro o duwa sa isinuherir na mga pag-atubang.
18 min: “Lubos na Pagkinabang sa Teokratikong Paadalan sa Pagmiministro.” Pahayag asin pakipag-olay kan paraataman sa paadalan sa mga nagdadangog.
Kanta 53 asin pantapos na pamibi.
Semana nin Mayo 23-29
10 min: Lokal na mga paisi.
20 min: “Tinatawan daw Nindo nin Dignidad an Iba Kun Kamo Nagtatao nin Sadol?” Pahayag nin sarong magurang, basado sa Pebrero 1, 1994 Torrengbantayan, pahina 24-9 (w94-E 2/1 p. 25-9).
15 min: Ano an Sala sa Pagprobar na Magdroga? Duwang tin-edyer na parahayag an makikipag-olay sa sarong magurang kan lakop na gayong paggamit nin droga sa eskuwelahan. Ipakikipag-olay kan magurang an mga susundon sa librong Reasoning sa paggamit nin droga, pahina 106-12. Babasahon kan mga tin-edyer an mga teksto, asin mangangatanosan sa sainda an magurang manongod sa materyal. Itatao kan mga hobenes an saindang sadiring mga suhestion sa manlaenlaen na paagi na puwede nindang malabanan an impluwensia nin mga kaedad.
Kanta 19 asin pantapos na pamibi.
Semana nin Mayo 30–Hun. 5
10 min: Lokal na mga paisi. Teokratikong mga Bareta.
15 min: Repasohon an alok na literatura sa Hunyo: Life—How Did It Get Here? By Evolution or by Creation? Apodon an atension sa nakakaakit na mga ilustrasyon siring baga kan nasa pahina 6, 236, 243, asin 245. Idemonstrar an sarong halipot na pag-atubang na ginagamit an teksto sa Kapahayagan 21:4.
20 min: “An mga Payunir Nagtatao Asin Nag-aako nin mga Bendisyon.” Pahayag basado sa Enero 15, 1994 Torrengbantayan, pahina 21-3 (w94-E 1/15 p. 21-3). Pakosogon an mga nag-auxiliary payunir kaining tig-init na konsideraron an mga punto sa artikulo tanganing maheling kun puwede na sindang magpalista ngonyan bilang regular payunir.
Kanta 12 asin pantapos na pamibi.