Pagtiripon sa Paglilingkod Para sa Mayo
Semana nin Mayo 6-12
12 min: Lokal na mga paisi asin Mga Paisi sa An Satong Ministeryo sa Kahadean. Repasohon an “Ano an Saindong mga Plano sa Panahon nin Bakasyon?”
15 min: “Magin Bilog na Kalag!” Hapot-simbagan.
18 min: “Magtaram nin Katotoohan sa Saindong Kataed.” Hapot-simbagan. Repasohon an isinuherir na mga pag-atubang, dangan idemonstrar an duwa kaiyan.
Kanta 148 asin pantapos na pamibi.
Semana nin Mayo 13-19
7 min: Lokal na mga paisi. Report sa kuenta.
18 min: “Nungka na Nagin Arog Kaini Karahay an Satong Kamugtakan sa Espirituwal!” Hapot-simbagan. Ipasaysay sa duwa o tolong parahayag, kaiba an sarong tin-edyer, an nagkapira sa mga bendisyon sa sainda.
20 min: Pahayag nin sarong magurang sa kongregasyon sa artikulong “Kun Paano Kamo Pinaglilingkodan nin Kristianong mga Pastor” sa Marso 15, 1996 na luwas kan An Torrengbantayan.
Kanta 193 asin pantapos na pamibi.
Semana nin Mayo 20-26
10 min: Lokal na mga paisi. Parigonon an boot nin gabos na makikabtang sa pagdistribwir nin magasin, na rinerepaso an mga punto sa pinakahuring mga luwas.
15 min: “Padagos na Magtaram kan Katotoohan.” Idoon an pangangaipo na dalawon liwat an mga napasakamotan nin mga magasin durante kan espesyal na kampanya, na may pasohan na makapoon nin mga pag-adal. Mag-alok nin mga suskripsion sa mga nagpapaheling nin interes. Magkaigwa nin duwang halipot na demonstrasyon.
20 min: Pahayag sa artikulong “Magtanaw nin Lihis sa mga Bagay na Saindong Naheheling!” sa Pebrero 15, 1996 na luwas kan An Torrengbantayan.
Kanta 28 asin pantapos na pamibi.
Semana nin Mayo 27–Hun. 2
5 min: Lokal na mga paisi.
15 min: Pag-alok kan Kaaraman na Minagiya Pasiring sa Buhay na Daing Katapusan Durante kan Hunyo. Ipakikipag-olay nguna kan paraataman sa paglilingkod kun taano an librong Kaaraman ta ipinublikar. Dangan rerepasohon nia an nagkapira sa tampok na mga kabtang kaiyan kaiba kan duwa o tolong may kakayahan na parahayag. Sinisimbag kan libro an mga hapot manongod sa satong ngapit, pagsakit nin tawo, Kahadean nin Dios, diosnon na paggawe, buhay pampamilya, asin an mga pakinabang nin pamibi. Duwang indibiduwal sa grupo an mademonstrar nin pag-atubang na puedeng magamit tangani na makapoon nin pag-adal magsalang sa enot na pagsongko o pagdalaw liwat. Dangan ipakikipag-olay kan paraataman sa paglilingkod an minasunod na mga punto. May pangangaipo na magkondukta nin mas epektibong mga pag-adal sa Biblia sa laog nin mas halipot na peryodo nin panahon. An librong ini espesyalmenteng dinisenyo para sa katuyohan na iyan. Irinerekomendar na gumibo nin paghihingoa na makobrehan an sarong kapitulo kada semana tangani na makobrehan an libro sa laog nin mga lima o anom na bulan. Sa parate dai na kaipuhan na magdara nin iba pang materyal. An mga hapot sa kada parapo, siring man sa katapusan kan lambang kapitulo, nakatatabang sa sato na magkonsentrar sa pangenot na mga punto. Kinokobrehan kan libro an simbag sa mga ihinahapot kan mga bago pa sanang magdusay na boot na magpabautismo. Linalaoman na an mga estudyante magigin nang andam na magpabautismo pakatapos kan librong Kaaraman, na dai na kaipuhan na mag-adal nin saro pang publikasyon. Parigonon an boot nin gabos na maghulit na may pasohan na makapoon nin mga pag-adal sa Hunyo.
10 min: “Hapot.” Basahon asin ipakipag-olay sa mga nagdadangog.
15 min: “Sibot-Sibot daw Kamo?” Hapot-simbagan. Mantang itinotogot nin panahon, iiba an mga komento gikan sa Hunyo 8, 1990 Awake!, pahina 14-16. Ipaestorya sa saro o duwang parahayag kun ano an saindang ginibo tangani na makayang atubangon an sibot na teokratikong iskedyul.
Kanta 155 asin pantapos na pamibi.