Pagtiripon sa Paglilingkod Para sa Setyembre
Semana nin Setyembre 2-8
15 min: Lokal na mga paisi asin Mga Paisi sa An Satong Ministeryo sa Kahadean. Repasohon an tampok na mga kabtang sa artikulong “Pag-adal sa The Greatest Man Who Ever Lived” sa Enero 1993 na An Satong Ministeryo sa Kahadean.
15 min: “Lumakaw Paagi sa Pagtubod.” Hapot-simbagan.
18 min: “Pag-atubang kan Maogmang Bareta na May Positibong Kaisipan.” Pakatapos nin halipot na mga komento sa parapo 1, pag-olayan an parapo 2-5 kan artikulo. Idemonstrar an mga pag-atubang kapwa para sa enot asin mga pagdalaw liwat.
Kanta 48 asin pantapos na pamibi.
Semana nin Setyembre 9-15
12 min: Lokal na mga paisi. Report sa kuenta. Ipakipag-olay an “Ihulit an Kahadean.”
18 min: Repasohon an 1996 na Report nin Paglilingkod kan Taon kan Kongregasyon. Nakapakokosog na pahayag kan paraataman sa paglilingkod. (Helingon an librong Our Ministry, pahina 100-2.) Magtaong komendasyon kun saen marahay an nagibo kan kongregasyon. Ipaheling kun paano an mga regular asin auxiliary payunir nakagibo nin dakol tangani na ikapadagos an gibohon sa lokal. Sambiton an mga bilang nin nag-aatender sa kongregasyon, na idinodoon an halaga nin regular na pag-atender. Sumaryohon an praktikal na mga pasohan para sa kongregasyon sa masunod na taon.
15 min: “Pag-atubang kan Maogmang Bareta na May Positibong Kaisipan.” Repasohon an parapo 6-8 sana, asin idemonstrar an mga pag-atubang sa mga tindahan.
Kanta 123 asin pantapos na pamibi.
Semana nin Setyembre 16-22
15 min: Lokal na mga paisi. Pag-olayan an “‘Mga Mensahero nin Diosnon na Katoninongan’ na Pandistritong mga Kombension” asin parigonon an boot kan gabos na mag-andam tangani na makaatender.
15 min: “Magin Halimbawa sa Pagtaram Asin sa Paggawe.” Hapot-simbagan.
15 min: Kristianong Paggawe sa Eskuelahan. Nakikipag-olay an sarong ama sa saiyang aking lalaki o babae tangani na idoon an seryosong mga peligro sa eskuelahan; idinodoon nia an pangangaipong mag-ingat sa pakikiiba asin likayan an kustionableng mga aktibidad. Rinerepaso nia an kahon sa pahina 24 kan brochure na Education asin ipinaliliwanag an pangangaipo na magtao nin marahay na halimbawa bilang sarong Saksi. Sinasambit kan ama an nagkapirang sugot na minalataw kalabot an paggamit nin droga, pagde-date, pag-atender sa sosyal na mga katiriponan, o pagpartisipar sa mga isport. Pinaririgon kan ama an boot kan hoben na dai mag-atraso sa pagtuga sa saiya kun nagkakaigwa nin mga kadepisilan—boot niang makaaram asin tumabang.
Kanta 32 asin pantapos na pamibi.
Semana nin Setyembre 23-29
5 min: Lokal na mga paisi.
20 min: Lokal na mga pangangaipo. (O pahayag basado sa “Perming Itao ki Jehova an Pagabat sa Saindo,” sa Abril 1, 1996 na Torrengbantayan, pahina 27-30.)
20 min: “Ihulit an Maogmang Bareta sa Gabos na Lugar.” Hapot-simbagan. Pag-olayan an parapo 1-15. Basahon an parapo 3 asin 5. Iiba an lokal na mga eksperyensia.
Kanta 215 asin pantapos na pamibi.
Semana nin Set. 30–Okt. 6
12 min: Lokal na mga paisi. Pag-olayan an “Hapot.”
20 min: “Ihulit an Maogmang Bareta sa Gabos na Lugar.” Hapot-simbagan. Pag-olayan an parapo 16-35. Idemonstrar an parapo 23-5. Basahon an parapo 34-5.
13 min: Repasohon an Alok Para sa Oktubre. Iaalok niato an suskripsion sa An Torrengbantayan asin Awake! Pag-olayan an: (1) Katuyohan kan mga magasin. (2) Bilang nin lenguahe na iyan ipinupublikar. (3) Dinisenyo an Torrengbantayan para sa personal asin pampamilyang pag-adal. (4) An mga tawo sa dakol na manlaenlaen na relihion binabasa iyan. (5) Espesyalmenteng dinisenyo iyan para sa sibot na mga tawo. (6) An Torrengbantayan ipinublikar poon kan 1879; an Awake! poon kan 1919.
Kanta 3 asin pantapos na pamibi.