Pagtiripon sa Paglilingkod Para sa Marso
Semana nin Marso 3-9
10 min: Lokal na mga paisi asin Mga Paisi sa An Satong Ministeryo sa Kahadean. Enkaminaron an gabos na ponan nang imbitaran an mga interesado sa Memorial sa Marso 23. Ipaheling an sarong kopya nin imbitasyon sa Memorial, asin dagkahon an gabos na kumua nin suplay asin ponan nang idistribwir iyan ngonyan na semana.
15 min: “Pakosogon an Saimong Kairiba sa Harong.” Hapot-simbagan. Iiba an mga eksperyensia sa 1995 Yearbook, pahina 228.
20 min: “Pagtabang sa mga Pamilya na Seguradohon an Daing Sagkod na Ngapit.” (Parapo 1-5) Komentohan nin halipot an parapo 1, dangan ipakipag-olay kun paano pupukawon an interes sa librong Kaogmahan nin Pamilya paagi sa paggamit kan titulo kan mga kapitulo, ilustrasyon, asin kahon sa repaso. Ipademonstrar sa may kakayahan na mga parahayag an mga pag-atubang sa parapo 2-5. Parigonon an boot nin gabos na gumibo nin espesyal na paghihingoa na ipasakamot an libro sa mga pamilya na nagpaheling nin interes kan nakaagi.
Kanta 71 asin pantapos na pamibi.
Semana nin Marso 10-16
10 min: Lokal na mga paisi. Report sa kuenta. Pagirumdomon an gabos na siertohon na sundan an babasahon sa Biblia sa Memorial na nakaiskedyul para sa Marso 18-23.
20 min: “Ipaheling Nindo na Kamo Nagpapasalamat.” Hapot-simbagan. An gabos maninigong odok na maghingoa na imbitaran na umatender sa Memorial an mga estudyante sa Biblia, interesado, miembro nin pamilya, asin siisay man sa mga tugang na dai aktibong nakikiasosyar sa kongregasyon. Enkaminaron an gabos na may kakayahan na mag-auxiliary payunir sa Abril asin Mayo.
15 min: “Pagtabang sa mga Pamilya na Seguradohon an Daing Sagkod na Ngapit.” (Parapo 6-8) Magtao nin nagkapirang suhestion na nagpapaheling kun paano iaalok an librong Kaogmahan nin Pamilya kun nagpapatotoo nin impormal sa trabaho, sa eskuelahan, sa parke, o sa pampublikong mga sasakyan, siring man kun sinosongko an mga paryente. Ipademonstrar sa may kakayahan na parahayag an mga pag-atubang sa parapo 6 asin 7. Magkokondukta nin mga pag-adal sa brosyur na Ano an Kahagadan sa Sato nin Dios?, na may pasohan na ibalyo sa librong Kaaraman, o puedeng ponan an pag-adal sa libro mismong Kaaraman.
Kanta 72 asin pantapos na pamibi.
Semana nin Marso 17-23
15 min: Lokal na mga paisi. Repasohon an “Mga Pagirumdom sa Memorial,” asin sumaryohon an lokal na mga areglo sa Memorial. An gabos maninigong gumibo nin pangultimong mga plano tangani na tabangan na umatender an mga estudyante sa Biblia asin interesado.
15 min: Lokal na mga pangangaipo. O pahayag nin sarong magurang sa kongregasyon sa artikulong “Igwa daw Kamo nin Diosnon na Pagmansay sa mga Inomon na de Alkohol?” sa Disyembre 15, 1996 na Torrengbantayan, pahina 25-9.
15 min: Gamiton nin Marhay an 1997 Yearbook of Jehovah’s Witnesses. Rinerepaso nin sarong ama an mga tampok na kabtang na kinokobrehan sa pahina 3-9 kaiba an saiyang pamilya. Ipinaheheling kun taano ta may dahelan kitang maggayagaya na maheling an teokratikong pag-oswag sa bilog na kinaban. Ipinaliliwanag kan ama kun paano sinda, durante kan maabot na taon, magkakaigwa nin pirang minuto kada aldaw sa panahon nin pagkakan tangani na progresibong basahon an Yearbook siring man tangani na pag-olayan an aroaldaw na teksto.
Kanta 75 asin pantapos na pamibi.
Semana nin Marso 24-30
5 min: Lokal na mga paisi. Ipaliwanag na bako pang huring marhay na isumitir an aplikasyon sa pag-auxiliary payunir sa Abril. Pagirumdomon an gabos na umatender asin imbitaran an mga interesado sa espesyal na pahayag-publiko na “Magin Malinig sa mga Kaatian nin Kinaban” sa Abril 6.
28 min: “Magkaigwa nin Kapusoan na Gumibo nin mga Pagdalaw Liwat.” (Parapo 1-20) Hapot-simbagan. Idemonstrar sa halipot an parapo 16.
12 min: Pagtabang na Makapoon an Sarong Bagohan na Parahayag. Repasohon an parapo 19 sa suplemento kan An Satong Ministeryo sa Kahadean na Hunyo 1996. Idemonstrar kun paano iinaandam nin sarong may kakayahan na parahayag an sarong estudyante sa Biblia na inaprobaran pa sana kan kamagurangan na magin dai pa bautisadong parahayag. Rinerepaso nindang magkaibanan an librong Our Ministry, pahina 111, parapo 2. Ipinaliliwanag kan eksperyensiadong parahayag kun ano an maaatubang kun nakikikabtang sa pagpatotoo sa harong-harong alagad ta dai kaipuhan na madesganar kun an kadaklan dai naghihimate. Isinasaysay an nakaparirigon sa boot na eksperyensia na nagpapaheling kan kagayagayahan na nakakamtan kun nakanonompong kita nin sinserong tawo na mahinanyog. Magkaibanan na iinaandam ninda an sarong halipot, simpleng pag-atubang nin magasin dangan ineensayo iyan.
Kanta 89 asin pantapos na pamibi.
Semana nin Mar. 31–Abr. 6
15 min: Lokal na mga paisi. Ianunsiar an ngaran kan gabos na ma-auxiliary payunir sa Abril. Repasohon an “Hapot.”
20 min: “Magkaigwa nin Kapusoan na Gumibo nin mga Pagdalaw Liwat.” (Parapo 21-35) Hapot-simbagan. Repasohon an kahon sa pahina 3.
10 min: Repasohon an Alok sa Abril. Ialok an mga suskripsion asin indibiduwal na mga kopya kan An Torrengbantayan asin Awake! Repasohon sa halipot an mga suhestion kun paano aandamon an mga pag-atubang sa parapo 3, 4, asin 8 na nasa pahina 8 kan Oktubre 1996 na An Satong Ministeryo sa Kahadean. Ipademonstrar sa duwang parahayag an saro o duwang halipot na pag-atubang. Maninigong magkaigwa nin rekord an mga parahayag kan mga nag-aako nin mga magasin asin idugang iyan sa saindang ruta sa magasin.
Kanta 92 asin pantapos na pamibi.