Pagtiripon sa Paglilingkod Para sa Nobyembre
Semana nin Nobyembre 3-9
10 min: Lokal na mga paisi. “Maogmang Bareta sa Internet.” Piniling Mga Paisi sa An Satong Ministeryo sa Kahadean. Komentohan an report nin paglilingkod sa langtad kan nasyon asin lokal na kongregasyon kan Agosto.
15 min: “Bukas an Dakulang Tata Pasiring sa Gibohon.” Pahayag nin sarong magurang sa kongregasyon, kaiba an pag-orolay kaibanan kan mga nagdadangog. Enkaminaron an gabos na may kakayahan na maghingoa para sa orog pang pakikikabtang sa paghuhulit. Iiba an nagkapirang sadol na itinao sa Agosto 15, 1988 Watchtower, pahina 22.
20 min: “Kultibaron an Interes sa Kingdom News.” Hapot-simbagan. Idemonstrar an mga pag-atubang sa parapo 6. Sa saro kaiyan, ipaheling an sarong pinoponan na pag-adal sa Biblia.
Kanta 144 asin pantapos na pamibi.
Semana nin Nobyembre 10-16
7 min: Lokal na mga paisi. Report sa kuenta. Paisihon an kongregasyon kun anong teritoryo an kokobrehan pa kan Kingdom News Num. 35. Enkaminaron an gabos na lubos na makikabtang sa ultimong semanang ini kan espesyal na kampanya.
23 min: “‘Pagtubod sa Tataramon nin Dios’ na Pandistritong Kombension Ngonyan na 1997.” (Parapo 1-13) Hapot-simbagan. Basahon an parapo 8, 10, asin 13. Idoon an Makakasuratan na importansia kan maingat na pagpapadanay kan satong mabining Kristianong itsura asin gawe-gawe patin kan tamang pagdirehir sa satong mga aki.
15 min: “Hingoahon na Makaolay an mga Agom na Daing Pagtubod.” Pag-oolay nin duwang magurang sa kongregasyon na interesadong orog pang mamidbid nin personal an mga agom na daing pagtubod. Pinag-oolayan man ninda an mga suhestion na itinao sa Mayo 15, 1989 Watchtower, pahina 17-18, parapo 6-9. Iiba an mga eksperyensia sa Oktubre 1, 1995 Torrengbantayan, pahina 10-11, parapo 11-12.
Kanta 148 asin pantapos na pamibi.
Semana nin Nobyembre 17-23
10 min: Lokal na mga paisi. Itao an espesyal na mga areglo nin paglilingkod sa langtad para sa Nobyembre 27. Ihiras an nagkapirang lokal na eksperyensia sa kampanya kan Kingdom News Num. 35.
20 min: “‘Pagtubod sa Tataramon nin Dios’ na Pandistritong Kombension Ngonyan na 1997.” (Parapo 14-21) Hapot-simbagan. Basahon an parapo 14 asin an sitadong mga teksto. Idoon an pangangaipo na magin areglado asin makonsiderasyon sa iba, nangorogna kun manongod sa mga tukawan. Magkonklusyon paagi sa sarong halipot na pahayag na rinerepaso an “Mga Pagirumdom sa Pandistritong Kombension.”
15 min: “Ano an Sasabihon Ko?” Pag-orolay kaiba kan mga nagdadangog. Basahon an enot na parapo sa pahina 8 kan librong Reasoning, na ipinaliliwanag kun paano dinisenyo an libro tangani na tabangan kitang makapagpatotoo nin epektibo dapit sa manlaenlaen na topiko sa Biblia. Iilustrar paagi sa saro o duwang inandam na marhay na demonstrasyon.
Kanta 151 asin pantapos na pamibi.
Semana nin Nobyembre 24-30
8 min: Lokal na mga paisi.
15 min: Marahay na Ugale sa Pag-adal sa Libro kan Kongregasyon. Pinahahalagahan niato an pagigin mapagpasakat nin mga pamilya na ipinagagamit an saindang harong para sa pag-adal sa libro. Tibaad kalabot digdi an dakol na preparasyon asin pagkabakong kombenyente. Kun nag-aatender, maninigo kitang magpaheling nin marahay na ugale asin magpaheling nin paggalang patin konsiderasyon, na kaiba an minasunod: (1) Maninigo na maingat kitang magpahid kan satong mga bitis bago lumaog, tangani na dai maatian an salog. (2) Maninigong idirehir kan mga magurang an saindang mga aki, na sinisierto na sinda toltol na marhay asin nagdadanay sa lugar kan harong na pinili para sa pag-adal sa libro. (3) Minsan ngani tibaad sadit an grupo asin medyo impormal an mga kamugtakan, ini pagtiripon kan kongregasyon asin maninigo kitang nakagubing nin siring man sana kun kita nasa Kingdom Hall. (4) An pakikiasosyar pakatapos kan pagtiripon maninigong papagdanayon na madali sana bilang konsiderasyon sa kagharong. (5) Minsan ngani an kagharong sa lugar kan pag-adal tibaad gustong magpamerienda nin kadikit paminsanminsan pakatapos kan pag-adal, maninigong saboton kan gabos na an siring dai linalaoman ni hinahagad.
22 min: Gumibo nin mga Disipulo, na Tinotokdoan Sinda. Nakikipag-olay an sarong magurang sa kongregasyon sa grupo nin tolo o apat na parahayag, na sinisimbag an mga hapot basado sa librong Our Ministry, pahina 88-92: (1) Taano an mga pagdalaw liwat ta mahalagang marhay para sa epektibong ministeryo? Paano maaatubang nin saro an angat kan gibohon na pagdalaw liwat? (2) Taano ta tinatawan niato nin dakulang pagdodoon an pagpoon nin mga pag-adal sa Biblia? Paano kita magigin eksperto sa pagkondukta nin mga pag-adal? (3) Taano ta importanteng giyahan an mga estudyante pasiring sa organisasyon? Paano niato magigibo ini? Isinasaysay man kan grupo kun paano an dai pa sana nahahaloy na mga suplemento kan An Satong Ministeryo sa Kahadean na Hunyo 1996 asin Marso patin Abril 1997 nakatabang sa sainda sa mga kabtang na ini.
Kanta 160 asin pantapos na pamibi.