Pagtiripon sa Paglilingkod Para sa Enero
Semana nin Enero 5-11
8 min: Lokal na mga paisi. Piniling Mga Paisi sa An Satong Ministeryo sa Kahadean.
17 min: “Mag-ogma sa Pagtao nin Lubos na Pagpatotoo.” Pag-orolay sa artikulo kaiba kan mga nagdadangog. Itampok an mga kaipuhan sa epektibong pag-atubang: (1) Magtao nin makikatood na pataratara, (2) komentohan an o magpalataw nin hapot manongod sa sarong tema na interesante sa presente, (3) buksan an angay na teksto sa Kasuratan, asin (4) darahon an interes sa publikasyon na iinaalok. Ipademonstrar sa sarong may kakayahan na parahayag an sarong isinuherir na enot na pag-atubang asin pagdalaw liwat.
20 min: Mag-andam Na Ngonyan na Sorogon an Ley nin Dios Manongod sa Dugo. Ipinakikipag-olay nin sarong kualipikadong magurang sa kongregasyon an importansia nin pagllenar sa Advance Medical Directive/Release card. An ipinasabong na giya sa Salmo 19:7 nagpapaheling na an Gibo 15:28, 29 kapahayagan kan sangkap na ley nin Dios manongod sa dugo. Pinagmamaigotan na sorogon kan maimbod na mga parasamba an ley na iyan. Ipinaaaram kan dokumentong ini an saindong determinasyon na gibohon iyan asin nagtataram para sa saindo kun dai kamo makapagtaram para sa saindong sadiri. (Ikomparar an Talinhaga 22:3.) An bagong kard nagtatao kan saindong bagong kapahayagan manongod sa saindong pagsayuma na umako nin dugo. Pakatapos kan pagtiripon na ini, an bautisadong mga Saksi na gustong magkaigwa nin bagong kard tatawan nin saro, asin an mga may minor de edad na mga aki na dai pa bautisado maresibi nin Identity Card para sa kada aki. Dai lellenaran an mga kard na ini ngonyan na pagtiripon. Maninigo iyan na llenaran nin maingat sa harong alagad DAI pagpirmahan. An pagpirma, pagtestigo, asin pagpetsa sa gabos na kard gigibohon pakatapos kan masunod na Pag-adal sa Libro kan Kongregasyon, sa pagdirehir kan konduktor sa pag-adal sa libro. Sisiertohon kaini na natatawan kan kinakaipuhan na tabang an gabos na iinasignar sa saiyang grupo na boot na magkaepekto an medical directive na ini. An mga mapirma bilang testigo maninigong aktuwal na maheling na pinipirmahan kan kagsadiri kan kard an dokumento. An siisay man na mayo sa panahon na iyan asin boot na magllenar patin magpirma nin kard tatabangan kan mga konduktor/kamagurangan sa masunod na Pagtiripon sa Paglilingkod sagkod na makompleto nin tama kan gabos na bautisadong parahayag an saindang kard. (Repasohon an surat na Nobyembre 1, 1991.) Paagi sa pag-adaptar kan lenguahe kan kard na ini sa sainda mismong mga sirkumstansia asin kombiksion, puedeng sumurat nin sadiri nindang directive an dai pa bautisadong mga parahayag na magagamit ninda asin kan saindang mga aki.
Kanta 142 asin pantapos na pamibi.
Semana nin Enero 12-18
10 min: Lokal na mga paisi. Report sa kuenta. Repasohon an “Bagong Programa sa Espesyal na Aldaw nin Asamblea.”
15 min: “Gamiton nin Marahay an mga Handbill.” Pag-orolay kaiba kan mga nagdadangog. Iiba an eksperyensia sa Disyembre 1, 1996 na Torrengbantayan, pahina 13, parapo 15.
20 min: “Nagtatao si Jehova nin Kosog na Lihis sa Ordinaryo.” Hapot-simbagan. (Helingon an w90-E 7/15 pahina 19, parapo 15-16.) Iareglo an nagkapira na isaysay an nakaparirigon sa boot na mga eksperyensia na nagpapaheling kun paano sinda pinakosog ni Jehova.
Kanta 81 asin pantapos na pamibi.
Semana nin Enero 19-25
10 min: Lokal na mga paisi.
15 min: Lokal na mga pangangaipo.
20 min: Pampamilyang Pag-adal na Nagtatao nin Kagayagayahan. Pinag-oolayan nin sarong mag-agom an espirituwal na mga pangangaipo kan saindang pamilya. Nahahadit manongod sa kinabanon na mga impluwensia na nakaaapektar sa saindang mga aki sa negatibong paagi, namamatean ninda an pangangaipo na pakosogon an espirituwalidad kan saindang mga aki alagad inaadmitir na an saindang pampamilyang pag-adal paminsanminsan na sana asin parateng bakong epektibo. Magkaibang rinerepaso ninda an mga suhestion kun paano magkokondukta nin makahulogan na pampamilyang pag-adal na itinao sa Agosto 1, 1997 Torrengbantayan, pahina 26-9. Pareho sinda determinadong ipadagos an pagprotehir sa espirituwal na ikararahay kan saindang mga aki.
Kanta 146 asin pantapos na pamibi.
Semana nin Ene. 26–Peb. 1
12 min: Lokal na mga paisi. Repasohon an alok sa Pebrero: Sambiton an saro o duwang punto sa librong Life—How Did It Get Here? na makatatabang kun iinaalok iyan.
15 min: “Magpaheling nin Paggalang sa Lugar nin Pagsamba ki Jehova.” Hapot-simbagan. Pangengenotan nin sarong magurang sa kongregasyon, na maninigong may kabootan na iaplikar sa lokal.
18 min: Pagreport kan Satong Pakikikabtang sa Pambilog na Kinaban na Pagpapatotoo. (Basado sa librong Our Ministry, pahina 100-2, 106-10.) Pahayag asin orolay na pangengenotan kan sekretaryo. Pakapahelingan kan Makakasuratan na ehemplo sa regular na pagreport kan satong aktibidad, iimbitaran nia an duwang ministeryal na lingkod na repasohon an subtemang “Why We Report Our Field Service.” Dangan idodoon kan sekretaryo an importansia nin pagtao tolos nin tamang mga report. Itinotokdo nia an mga dahelan kun taano ta kapakipakinabang an pagbugtak nin personal na mga pasohan, na tinatapos paagi sa nakaparirigon sa boot na mga komento dapit sa mga bendisyon na nakakamtan kan mga lubos na nakikikabtang sa gibohon na pagpatotoo.
Kanta 189 asin pantapos na pamibi.