Iskedyul sa Pagtiripon sa Paglilingkod
Semana nin Enero 10
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Pagpamidbid kan Ngaran ni Jehova sa Bilog na Daga.” Hapot-simbagan. Iiba an mga komento manongod sa impormal na paghuhulit hale sa librong Our Ministry, pahina 93-4.
20 min: Mag-andam na Ngonyan na Suportaran an Ley nin Dios Manongod sa Dugo. (Gibo 15:28, 29) Ipinakikipag-olay nin sarong kualipikadong magurang sa kongregasyon an importansia nin pagllenar sa Advance Medical Directive/Release card. An ipinasabong na giya sa Salmo 19:7 nagpapaheling na an Gibo 15:28, 29 kapahayagan kan sangkap na ley nin Dios manongod sa dugo. Ipinaaaram kan dokumentong ini an saindong determinasyon na suportaran an ley na iyan asin nagtataram man para sa saindo kun dai kamo makapagtaram para sa saindong sadiri. (Ikomparar an Talinhaga 22:3.) Pakatapos kan pagtiripon na ini, an bautisadong mga Saksi tatawan nin sarong bagong kard, asin an mga may menor de edad na mga aki na dai pa bautisado maresibi nin Identity Card para sa kada aki. Dai lellenaran an mga kard na ini ngonyan na pagtiripon. Maninigo iyan na llenaran nin maingat sa harong alagad DAI pagpirmahan. An pagpirma, pagtestigo, asin pagpetsa sa gabos na kard gigibohon pakatapos kan masunod na Pag-adal sa Libro kan Kongregasyon, sa pagdirehir kan konduktor sa pag-adal sa libro. Bago pirmahan, seguradohon na an mga kard kompletong nallenaran. An mga mapirma bilang testigo maninigong aktuwal na maheling na pinipirmahan kan kagsadiri kan kard an dokumento. Paagi sa pag-adaptar kan lenguahe kan kard na ini sa sainda mismong mga sirkunstansia asin kombiksion, puedeng sumurat nin sadiri nindang directive an dai pa bautisadong mga parahayag na magagamit ninda asin kan saindang mga aki.
Kanta 155 asin pantapos na pamibi.
Semana nin Enero 17
10 min: Lokal na mga paisi. Report sa kuenta.
15 min: Lokal na mga pangangaipo.
20 min: “Gamiton an mga Pulyeto sa Pagpoon nin mga Pakikipag-olay.” Repasohon an arin man na apat na pulyeto na parateng ginagamit sa teritoryo. Magpalataw nin sarong hapot na sinisimbag sa kada pulyeto. Imbitaran an mga nagdadangog na magsuherir kun paano puedeng gamiton an hapot sa pagpoon nin pakikipag-olay asin posibleng magbunga nin pag-adal sa Biblia. Idemonstrar kun paano ini puedeng gibohon sa duwa kan mga pulyeto.
Kanta 57 asin pantapos na pamibi.
Semana nin Enero 24
10 min: Lokal na mga paisi asin mga eksperyensia sa paglilingkod sa langtad.
15 min: “Konsideraron an Tataramon ni Jehova Aroaldaw!” Pahayag asin pakikipag-olay sa mga nagdadangog. Enkaminaron an gabos na gamiton nin marahay an Pagsiyasat sa Kasuratan Aroaldaw—2000. Iiba an mga komento sa introduksion, pahina 3-4. Imbitaran an mga parahayag na isaysay kun paano sinda naggigibo nin espesyal na paghihingoa na konsideraron an teksto asin mga komento kada aldaw.
20 min: “An Satong Buka an Palad na Pagsuportar sa Gibohon na Pankahadean.” Hapot-simbagan na pangengenotan nin sarong magurang sa kongregasyon. (Tabangan an mga tugang na pahalagahan an pribilehio asin paninimbagan na pagtao nin pinansial na suporta sa gibohon.)
Kanta 157 asin pantapos na pamibi.
Semana nin Enero 31
10 min: Lokal na mga paisi. Pagirumdomon an gabos na itao an report nin paglilingkod sa langtad para sa Enero. Sambiton an alok sa Pebrero: Librong Kaogmahan nin Pamilya. Idemonstrar kun paano magagamit an tolong hapot na nasa kahon sa pahina 12 kan libro bilang basehan tanganing maenganyar an sarong tawo na makipag-olay.
10 min: An Simbag sa Hapot Dapit sa ‘Pagtatanda.’ Pahayag nin sarong magurang sa kongregasyon, basado sa Torrengbantayan na Hulyo 15, 1999, pahina 29-31.
25 min: “Paggamit kan Internet—Magmaan sa mga Peligro!” Hapot-simbagan sa parapo 1-18. Basahon an parapo 4-7, 12, 16, 17. Enkaminaron an gabos na mag-andam na marhay para sa pag-orolay sa masunod na semana kan parapo 19-36.
Kanta 60 asin pantapos na pamibi.
Semana nin Pebrero 7
5 min: Lokal na mga paisi.
15 min: Repasohon an Librong Daniel’s Prophecy. Pahayag asin pakikipag-olay sa mga nagdadangog. Repasohon an tampok na mga kabtang kan bagong libro: nakaaapod nin atension na mga titulo kan kapitulo, buhay na marhay na mga ilustrasyon, mga kahon na may mapagsiyasat na mga hapot na nasa poro kan kada pag-orolay, mga mapa asin tsart na nagkaklaripikar sa mga detalye. Estudyaran an nakaparirigon sa boot na paliwanag kun paano “matindog” si Miguel sa espesyal na paagi (pahina 288-90). Ipakipag-olay an importansia kan satong pagdadanay bilang mga paratokdo kan Tataramon nin Dios (pahina 311-12). Maninigo na basahon niato gabos nin maingat an libro asin sadolon an mga interesado na gibohon man iyan.
25 min: “Paggamit kan Internet—Magmaan sa mga Peligro!” Hapot-simbagan sa parapo 19-36. Basahon an parapo 23-5 asin 34-6.
Kanta 182 asin pantapos na pamibi.