Iskedyul sa Pagtiripon sa Paglilingkod
Semana nin Mayo 8
10 min: Lokal na mga paisi asin piniling Mga Paisi sa An Satong Ministeryo sa Kahadean.
20 min: “Magpuka Kamo.” Hapot-simbagan. Ipaliwanag kun taano ta apurado na kita magdanay na puka sa espirituwal dawa ngani dai niato aram an aldaw asin oras. (Helingon an Torrengbantayan na Nobyembre 1, 1995, pahina 20.) Idoon na an lubos na pakikikabtang sa ministeryo saro sa pinakamarahay na paagi na magdanay na listo sa kun haen na kita sa panahon kan katapusan.
15 min: “Ano an Pagheling Nindo sa Saindong Sadiri?” Pahayag nin sarong magurang sa kongregasyon basado sa artikulo sa Torrengbantayan na Enero 15, 2000, pahina 20-2. Idoon nangorogna an mga punto na nasa huring apat na parapo kan artikulo na nagpapaheling kan mga pakinabang sa pagkaigwa nin timbang na pagheling sa sadiri asin dai pagtao nin sobrang importansia sa satong sadiri.
Kanta 201 asin pantapos na pamibi.
Semana nin Mayo 15
10 min: Lokal na mga paisi. Report sa kuenta.
15 min: Lokal na mga pangangaipo.
20 min: Pagbasa sa Biblia na Kapakipakinabang. Pahayag asin demonstrasyon basado sa School Guidebook, pahina 34-5, parapo 6-7. An establisadong programa nin pagbasa sa Biblia, na binabasaran kan tampok na mga kabtang sa Biblia, kabtang kan kurikulum kan Teokratikong Paadalan sa Pagmiministro. (Disyembre 1999 An Satong Ministeryo sa Kahadean, pahina 7) Ipademonstrar sa sarong pamilya kun paano pinag-oolayan nin pamilya an sarong kabtang kan babasahon sa semanang ini para sa paadalan. Nagpipili sinda nin saro o duwang interesanteng punto asin naggigibo nin dugang pang pagsiyasat sa Watch Tower Publications Index o Insight on the Scriptures. Ipaheling kun paano an pagbasa sa Biblia puedeng magin orog na makahulogan, na orog na sinasangkapan kita na ‘gamiton an tataramon kan katotoohan sa tamang paagi.’—2 Tim. 2:15.
Kanta 203 asin pantapos na pamibi.
Semana nin Mayo 22
10 min: Lokal na mga paisi. Ipakipag-olay an mapag-oolayan na mga punto sa pinakabagong mga luwas kan An Torrengbantayan asin Awake! na puedeng gamiton kun iinaalok iyan sa Aldaw nin Pagmamagasin ngonyan na katapusan kan semana.
20 min: “Anong Ngapit an Gusto Nindo Para sa Saindong mga Aki?” Pahayag nin sarong magurang sa kongregasyon na arogan na payo nin pamilya basado sa artikulo sa Torrengbantayan na Hulyo 15, 1998, pahina 4-6. Ipaheling kun taano ta kaipuhan na marhay kan mga magurang na magpaheling nin tunay na interes sa ginigibo kan saindang mga aki sa eskuelahan, imbes na pabayaan na sana an mga bagay na mangyari. Idoon kun paano an mga magurang puedeng (1) makatabang sa saindang mga aki na pumili nin angay na sekular na trabaho, (2) andamon sinda na maatubang an tension sa eskuelahan asin sa trabaho, patin (3) ipaheling sa sainda kun paano mapaninigoan an saindang espirituwal na mga pangangaipo.
15 min: Pahayag na may pakikikabtang an mga nagdadangog dapit sa mga punto sa “Hapot.” Ipaheling kun paano an mga attendant sagkod magurang may paninimbagan sa gawe-gawe kan saradit na aki sa laog asin palibot kan Kingdom Hall.
Kanta 83 asin pantapos na pamibi.
Semana nin Mayo 29
12 min: Lokal na mga paisi. Pagirumdomon an gabos na itao an report nin paglilingkod sa langtad para sa Mayo. Idemonstrar an sarong halipot na pag-atubang kan alok sa Hunyo. Ipaheling kun paano makapag-aalok nin pag-adal sa Biblia, na ginagamit an leksion 13 sa brosyur na Kahagadan.
15 min: “Pakanompong nin Kagayagayahan sa Saindong Sagradong Paglilingkod.” Sarong pahayag. Ipakipag-olay an mga rason kun taano ta igwa kita nin dahelan na maggayagaya sa satong ministeryo.—Helingon an Insight, Tomo 2, pahina 120.
18 min: Kristianong Gawe-gawe sa Eskuelahan. Kinakaolay nin ama an saiyang aking lalaki o aking babae tangani na sabihon an grabeng mga peligro sa eskuelahan, nangorogna ta mapoon na sa dai mahahaloy an bagong taon sa eskuelahan. Idinodoon nia an pangangaipo na magmaan sa pakiibaiba asin lumikay sa kuestionableng mga aktibidad. Rinerepaso nia an kahon sa pahina 24 kan brosyur na Education asin ipinaliliwanag an pangangaipo na magtao nin marahay na halimbawa bilang sarong Saksi. Sinasambit kan ama an nagkapirang sugot na minalataw may koneksion sa paggamit nin droga, pagde-date, pag-atender sa sosyal na mga pagtirotiripon, o pakikikabtang sa mga isport; pinag-oolayan ninda kun paano malilikayan an mga problema. Ineenkaminar kan ama an hoben na dai mag-atraso sa pagtuga sa saiya kun nagkakaigwa nin mga problema—boot niang makaaram asin makatabang. Para sa dugang na mga ideya na ikaiiba, helingon an Torrengbantayan na Pebrero 15, 1998, pahina 8-11.
Kanta 95 asin pantapos na pamibi.
Semana nin Hunyo 5
10 min: Lokal na mga paisi.
20 min: “Sarong Pribilehio na Bukas Para sa mga Aki.” Pahayag asin pakikipag-olay sa mga nagdadangog. Isaysay an mga eksperyensia na yaon sa Torrengbantayan na Disyembre 1, 1996, pahina 13, parapo 15. Imbitaran an mga hoben na girumdomon kun gurano ninda ikinaogma an pagdistribwir nin mga magasin. Ipademonstrar sa saro o duwang aki an sarong simpleng pag-atubang nin magasin sa harong-harong. Enkaminaron an mga magurang na ipag-iba ninda an saindang mga aki sa pagmamagasin sa lambang semana.
15 min: “‘Binalo kun Baga Angay’—Paano?” Pahayag nin sarong magurang sa kongregasyon. Repasohon an areglo sono sa Kasuratan sa pagkaigwa nin ministeryal na mga lingkod sa kongregasyon. (Helingon an Insight, Tomo 2, pahina 409.) Ipaheling kun anong mga kualipikasyon an dapat nindang maabot tangani na manombrahan. (Helingon an librong Our Ministry, pahina 55-7.) Sabihon an mga paagi na makapaglilingkod an ministeryal na mga lingkod, asin enkaminaron an dakol pang tugang na lalaki na maghingoa para sa pribilehiong ini.
Kanta 82 asin pantapos na pamibi.