Iskedyul sa Pagtiripon sa Paglilingkod
Semana nin Agosto 14
12 min: Lokal na mga paisi. Piniling Mga Paisi sa An Satong Ministeryo sa Kahadean. Duwa na sanang katapusan nin semana an natatada ngonyan na Agosto, kaya enkaminaron an gabos na makikabtang sa ministeryo bago matapos an bulan. Repasohon an iskedyul nin mga pagtiripon bago lumuwas sa paglilingkod sa langtad sa katapusan kan semana.
15 min: ‘Makipaglaban kan Marahay na Pakilaban kan Pagtubod.’ Limitaran an introduksion sa dai pang sarong minuto, asin sundan nin hapot-simbagan. Kumua nin dugang na mga komento sa librong Our Ministry, pahina 44-5, kun paano oorganisaron kan mga namamayo sa Pag-adal sa Libro kan Kongregasyon an paglilingkod sa langtad para sa saindang grupo asin tatawan nin atension an siisay man na nangangaipo nin personal na tabang na makikabtang sa asin regular na ireport an saindang ministeryo.
18 min: Kun Paano Ka Makikinabang sa Pag-eskuela. Nakikipag-olay an sarong ama sa saiyang mga aki tangani na tabangan sindang masabotan kun taano an sekular na edukasyon ta kapakipakinabang. (Helingon an librong Young People Ask, pahina 133-9.) Dakol na hoben an naniniwala na an pag-eskuela sarong tunay na angat sa masinuhay na sosyedad ngonyan. Sinda nalalangkag man, na iniisip na an saindang nanonodan kakadikit an praktikal na halaga. Rinerepaso kan ama an mga prinsipyo sa Kasuratan asin marahay na mga dahelan kun taano ta madonong na magkua nin igong sekular na edukasyon. Ineenkaminar nia an saiyang mga aki na mag-adal na marhay asin mag-atento sa klase.
Kanta 127 asin pantapos na pamibi.
Semana nin Agosto 21
10 min: Lokal na mga paisi. Report sa kuenta. Magkaigwa nin sarong inensayong marhay na demonstrasyon na nagpapaheling kun paano sisimbagon an hapot na: “Taano an Dios nin pagkamoot ta totogotan an pagdusa na magpadagos nin haloyon?”—Helingon an librong Reasoning, p. 395-6.
10 min: Pahayag nin sarong magurang sa kongregasyon sa mga punto na nasa “Hapot.” Enkaminaron an gabos na nagpapasyar nin mga interesado sa Bethel na ipaliwanag na kaipuhan an angay na gubing asin pag-alinyar patin magtao man sinda mismo nin marahay na halimbawa.
25 min: “Pinakikinabang daw Nindo an Saindong Sadiri?” Hapot-simbagan.
Kanta 152 asin pantapos na pamibi.
Semana nin Agosto 28
10 min: Lokal na mga paisi. Pagirumdomon an gabos na itao an report nin paglilingkod sa langtad para sa Agosto. Maninigong siyasaton kan mga namamayo kan Pag-adal sa Libro kan Kongregasyon an gabos sa saindang grupo tanganing an gabos na report makuenta pag-abot kan Setyembre 6.
15 min: Lokal na mga pangangaipo.
20 min: “Nakikinabang sa mga Pagtiripon an mga Hoben.” Hapot-simbagan na pangengenotan nin sarong magurang sa kongregasyon. Kun ipinakikipag-olay an parapo 8, estudyaran an nagkapirang bagay na nakatatabang sa mas marahay na pagkonsentrar asin pag-atento durante kan mga pagtiripon. (Helingon an Awake! na Setyembre 22, 1998, pahina 19-20.) Enkaminaron an mga magurang na magin marigon sa regular na pagpaatender kan saindang mga aki sa gabos na pagtiripon.—Helingon an eksperyensia sa Torrengbantayan na Setyembre 1, 1997, pahina 25.
Kanta 176 asin pantapos na pamibi.
Semana nin Setyembre 4
10 min: Lokal na mga paisi. Repasohon an mapag-oolayan na mga punto na puedeng gamiton kun nag-aalok kan librong Creation sa teritoryo durante kan Setyembre.
15 min: Espesyal an Satong Panahon. Pahayag nin sarong magurang sa kongregasyon, basado sa Torrengbantayan na Nobyembre 15, 1996, pahina 22-3.
20 min: “Nagtatagal daw Kamo?” Pahayag asin pakikipag-olay sa mga nagdadangog. Enkaminaron an gabos na horophoropon an saindang personal na kapangganahan sa pagpaheling nin pakatagal sa Kristianong ministeryo. Kun may maheling na mga kaluyahan, nangangaipo na pakosogon an satong sadiri sa espirituwal. Iiba an mga komento sa Torrengbantayan na Oktubre 1, 1999, pahina 20-1, parapo 17-21. Ipasaysay sa duwa o tolong parahayag na fiel na nagtagal sa laog nin dakol na taon kun ano an ginigibo ninda tangani na magprosegir.
Kanta 206 asin pantapos na pamibi.