Pakanood sa Video na The Bible—Accurate History, Reliable Prophecy
Pakadalan kan video na ini, masisimbag daw nindo an mga hapot na ini? (1) Siisay an Gikanan kan masasarigan na impormasyon sa Biblia? (Dan. 2:28) (2) Paano eksaktong ilinaladawan kan Biblia an suanoy na Egipto, asin paano naotob an hula na nakarekord sa Isaias 19:3, 4? (3) Paano pinatunayan nin arkeolohiya an paglaladawan kan Biblia manongod sa mga taga Asiria, sa saindang mga hade, asin sa katapusan kan Asiria? (Nah. 3:1, 7, 13) (4) Anong mga hula may koneksion sa Babilonya an napatunayan na masasarigan? (5) Ano an nagin epekto kan Medo-Persia sa banwaan nin Dios? (6) Paano naotob an Daniel 8:5, 8, asin gurano na kahaloy antes pa na ini ihinula? (7) Paano napatunayan na si Jesus an tunay na Mesiyas? (8) Arin na politikal na mga kapangyarihan sa presenteng panahon an nakaootob sa mga hula na yaon sa Kapahayagan 13:11 asin 17:11? (9) Anong mga eksena sa video an nagpapatunay sa pagigin totoo kan Eclesiastes 8:9? (10) Paano an pasaleng ini nagpakosog sa saindong pagtubod sa mga panuga kan Biblia para sa ngapit? (11) Paano nindo magagamit an kasangkapan na ini sa pagkombensir sa iba na an Biblia gikan sa Dios?