Iskedyul sa Pagtiripon sa Paglilingkod
Semana nin Enero 8
7 min: Lokal na mga paisi. Piniling Mga Paisi sa An Satong Ministeryo sa Kahadean.
13 min: “Pagparigon sa Boot kan mga Payunir.” Positibo asin nakaparirigon na pahayag nin sarong magurang sa kongregasyon.
25 min: Mamomoton na mga Probisyon Para sa Satong Pag-asikaso sa Salud. Ipinakikipag-olay nin sarong kualipikadong magurang sa kongregasyon an importansia nin pagllenar sa Advance Medical Directive/Release card. An ipinasabong na giya sa Salmo 19:7 nagpapaheling na an Gibo 15:28, 29 kapahayagan kan sangkap na ley nin Dios manongod sa dugo. Ipinaaaram kan dokumentong ini an saindong determinasyon na suportaran an ley na iyan asin nagtataram man para sa saindo kun dai kamo makapagtaram para sa saindong sadiri. (Ikomparar an Talinhaga 22:3.) Pakatapos kan pagtiripon na ini, an bautisadong mga Saksi tatawan nin sarong bagong kard, asin an mga may menor de edad na mga aki na dai pa bautisado maresibi nin Identity Card para sa kada aki. Dai lellenaran an mga kard na ini ngonyan na pagtiripon. Maninigo iyan na llenaran nin maingat sa harong alagad DAI pagpirmahan. An pagpirma, pagtestigo, asin pagpetsa sa gabos na kard gigibohon pakatapos kan masunod na Pag-adal sa Libro kan Kongregasyon, sa pagdirehir kan konduktor sa pag-adal sa libro. Bago pirmahan, seguradohon na an mga kard kompletong nallenaran. An mga mapirma bilang testigo maninigong aktuwal na maheling na pinipirmahan kan kagsadiri kan kard an dokumento. Paagi sa pag-adaptar kan lenguahe kan kard na ini sa sainda mismong mga sirkunstansia asin kombiksion, puedeng sumurat nin sadiri nindang directive an dai pa bautisadong mga parahayag na magagamit ninda asin kan saindang mga aki.
Kanta 155 asin pantapos na pamibi.
Semana nin Enero 15
10 min: Lokal na mga paisi. Report sa kuenta.
15 min: “Pasiranga an Saindong Liwanag.”a Iiba an mga komento sa Torrengbantayan na Hunyo 1, 1997, pahina 14-15, parapo 12-13 (w97-E p. 15 par. 12-13). Enkaminaron an gabos na aprobetsaran an gabos na oportunidad na magpatotoo.
20 min: Kamo daw Nagsisiyasat kan Kasuratan Aroaldaw? Pahayag asin mga interbio. Pag-olayan an Torrengbantayan na Disyembre 15, 1996, pahina 17-18, parapo 12-14, na idinodoon an kadonongan sa pagkaigwa nin pag-orolay sa pan-aroaldaw na teksto bilang pamilya. Mag-interbio nin mga miembro nin pamilya, na an balang saro nagigirumdoman an sarong dai pa sana nahahaloy na pag-orolay sa pan-aroaldaw na teksto na nangorognang nagin kapakipakinabang asin itao an dahelan kun taano. Idoon na ini maninigong magin kabtang kan regular na programa nin pampamilyang pag-adal na dinisenyo sa pagpakosog kan satong mga kairiba sa harong asin pagpapadanay kan pamilya na aktibo sa ministeryo.
Kanta 67 asin pantapos na pamibi.
Semana nin Enero 22
7 min: Lokal na mga paisi.
18 min: Kun Paano Mag-aandam nin mga Introduksion. Pahayag asin mga demonstrasyon. Repasohon an mayor na mga punto sa librong Reasoning, pahina 9. Ipaheling kun paano kita makapipili nin mga introduksion na pinakaangay sa satong pamamaagi, personalidad, asin teritoryo. Repasohon an nagkapirang sampol nin introduksion na puedeng gamiton kaiba kan brosyur na Kahagadan, asin ipademonstrar an saro o duwa kaiyan. (Helingon An Satong Ministeryo sa Kahadean na Abril 1997, pahina 8.) Enkaminaron an gabos na gamiton nin marahay an mga suhestion na itinao sa librong Reasoning asin An Satong Ministeryo sa Kahadean sa saindang paglilingkod sa langtad.
20 min: “Magin Marahay na Parahinanyog.” Pahayag asin pakikipag-olay sa mga nagdadangog. Repasohon an mga punto hale sa School Guidebook, pahina 27-8, parapo 15-17. An pinakamarahay na paagi na baloon an satong ugale sa paghinanyog iyo an kun gurano kita kadakol na nagigirumdoman. Imbitaran an mga nagdadangog na girumdomon an nagkapirang marahayon na punto na tinokar kan mga may kabtang sa Teokratikong Paadalan sa Pagmiministro ngonyan na pagtiripon.
Kanta 96 asin pantapos na pamibi.
Semana nin Enero 29
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Enero. Sambiton an alok sa Pebrero, na itinatampok an mga libro na may istak an kongregasyon.
15 min: Pahayag nin magurang sa kongregasyon sa librong An Sekreto sa Kaogmahan nin Pamilya. Pataluboon an pag-antisipar para sa pag-adal kan librong ini sa Pag-adal sa Libro kan Kongregasyon. (Helingon an Torrengbantayan na Enero 1, 1999, pahina 3-5.) Enkaminaron an gabos na magin orog na kalabot sa semanal na mga pag-orolay sa pag-adal sa libro. Bobooton kan gabos na umatender nin regular, makikabtang, na galagang makanood sagkod sa mapupuede dapit sa sekreto sa kaogmahan nin pamilya.
20 min: “Mga Magurang—Itadom an Kapakipakinabang na mga Ugale sa Saindong mga Aki.” Pahayag asin interbio sa mga magurang na an mga aki marahay sa espirituwal. Nagigirumdoman kan mga magurang an manongod sa positibong mga bagay na ginibo ninda tangani na ikaiba an saindang mga aki sa ministeryo sa langtad. Sagkod na itinotogot nin oras, iiba an mga suhestion hale sa librong Kaogmahan nin Pamilya, pahina 55-9.
Kanta 149 asin pantapos na pamibi.
Semana nin Pebrero 5
10 min: Lokal na mga paisi.
15 min: “Magin Maogmang Paraotob.”b Ipaheling kun ano an nakadadagdag sa satong kagayagayahan sa paglilingkod sa Dios, na itinao sa librong Insight, Tomo 2, pahina 120, parapo 6-8.
20 min: Puede Kamong Makanompong nin Nakararahay na Aling-alingan. Pinag-oolayan nin sarong pamilya an sadol na itinao sa Awake! na Mayo 22, 1997. An ama may paghadit dapit sa mga pag-aling-aling kan pamilya. Pakatapos na repasohon sa halipot an “What Has Happened to Entertainment?” (pahina 4-7), sinda nagkokonsentrar sa mga klase nin aling-alingan na puedeng magin nakararahay asin kapakipakinabang. Pag-olayan an materyal sa librong Our Ministry, pahina 131-2, sa irarom kan “Recreation,” asin pahina 135-6, sa irarom kan “Do All Things for God’s Glory.” Idoon an papel kan mga magurang sa pangengenot asin an pangangaipo na an mga miembro kan pamilya makikooperar para sa kapakinabangan kan bilog na pamilya.
Kanta 190 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.