Iskedyul sa Pagtiripon sa Paglilingkod
Semana nin Enero 14
15 min: Lokal na mga paisi. Piniling Mga Paisi sa An Satong Ministeryo sa Kahadean. Tokaron an kahon na “Bagong mga Korporasyon na Inorganisar.” Siring man, an “Bagong Programa sa Espesyal na Aldaw nin Asamblea.” Ianunsiar an petsa kan masunod na espesyal na aldaw nin asamblea, asin sadolon an gabos na umatender sa bilog na programa. Enkaminaron an mga parahayag na imbitaran an bagohan na mga interesado asin inaadalan sa Biblia.
20 min: Pagkinabang sa Maboot na mga Probisyon. Tinotokar nin sarong kualipikadong magurang sa kongregasyon an importansia nin pagllenar sa Advance Medical Directive/Release card. An ipinasabong na giya sa Salmo 19:7 nagpapaheling na an Gibo 15:28, 29 kapahayagan kan sangkap na ley nin Dios manongod sa dugo. Ipinaaaram kan dokumentong ini an saindong determinasyon na suportaran an ley na iyan asin nagtataram man para sa saindo kun dai kamo makapagtaram para sa saindong sadiri. (Ikomparar an Talinhaga 22:3.) Pakatapos kan pagtiripon na ini, an bautisadong mga Saksi tatawan nin sarong bagong kard, asin an mga may menor de edad na mga aki na dai pa bautisado maresibi nin Identity Card para sa kada aki. Dai lellenaran an mga kard na ini ngonyan na pagtiripon. Maninigo iyan na llenaran nin maingat sa harong alagad DAI pagpirmahan. An pagpirma, pagtestigo, asin pagpetsa sa gabos na kard gigibohon pakatapos kan masunod na Pag-adal sa Libro kan Kongregasyon, sa pagdirehir kan konduktor sa pag-adal sa libro. Bago pirmahan, seguradohon na an mga kard kompletong nallenaran. An mga mapirma bilang testigo maninigong aktuwal na maheling na pinipirmahan kan kagsadiri kan kard an dokumento. Paagi sa pagbagay kan mga pananaram sa kard na ini sa sainda mismong mga sirkunstansia asin kombiksion, puedeng sumurat nin sadiri nindang directive an dai pa bautisadong mga parahayag na magagamit ninda asin kan saindang mga aki.
10 min: “Kun Ano an Sasabihon Manongod sa mga Magasin.” Mga demonstrasyon kun paano iaatubang an Enero 15 Torrengbantayan asin an Enero 22 na Awake! Enkaminaron an gabos na parahayag na suportaran an Aldaw nin Pagmamagasin.
Kanta 55 asin pantapos na pamibi.
Semana nin Enero 21
10 min: Lokal na mga paisi. Report sa kuenta. Tokaron an kahon na “Magtagama,” na nasa pahina 5.
13 min: Sinisiyasat daw Nindo an Kasuratan Aroaldaw? Pag-orolay nin sarong pamilya. Tangani na madagdagan an mga pakinabang sa saindang pag-orolay sa teksto aroaldaw, pinag-oolayan ninda an Disyembre 15, 1996 na Torrengbantayan, pahina 18, parapo 13-14. Repasohon sa halipot an duwa o tolong teksto kan aldaw na pinag-olayan kasuarin pa sana, asin ipaliwanag kun paano an impormasyon nangorognang nagin kapakipakinabang. Idoon na an probisyon na ini maninigong magin sarong kabtang kan programa nin regular na pampamilyang pag-adal sa Biblia na dinisenyo tangani na papagdanayon sindang aktibo sa espirituwal.
22 min: “Padagos na Enoton an Kahadean.”a Iiba an pirang hapot sa pangenot na mga punto hale sa Setyembre 1, 1998 Torrengbantayan, pahina 19-21.—Fil. 1:10.
Kanta 168 asin pantapos na pamibi.
Semana nin Enero 28
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Enero. Ginagamit an mga suhestion sa pahina 8, idemonstrar an duwang halipot na pag-atubang kan mga magasin, an saro ginagamit an Pebrero 1 Torrengbantayan asin an saro pa ginagamit an Pebrero 8 Awake! Sambiton an alok sa Pebrero, na itinatampok an mga libro na nasa istak kan kongregasyon.
15 min: “Mga Magurang—Patoodon an mga Aki Nindo Poon sa Pagkaomboy.”b Iiba an mga komento sa Abril 15, 1998 Torrengbantayan, pahina 32. Imbitaran an mga magurang na isaysay an marahay na mga resulta na nakamtan ninda paagi sa pagpoon sa pagkaomboy kan espirituwal na pagpatood sa saindang mga aki.
20 min: “Pataluboon an Saindong mga Kakayahan nin Pagmansay.” An sarong magurang sa kongregasyon pinamamayohan an buhay na pagrepaso kan programa sa espesyal na aldaw nin asamblea na ginibo durante kan nakaaging taon na 2001.
Kanta 202 asin pantapos na pamibi.
Semana nin Pebrero 4
10 min: Lokal na mga paisi.
20 min: “Paano Sinda Makadadangog?”c Pakomentohon an mga nagdadangog kun paano iaaplikar an mga teksto. Iiba an mga hapot para sa parapo 17-18 na nasa pahina 20 sa Agosto 15, 1998 Torrengbantayan.
15 min: “Bagong Programa sa Pansirkitong Asamblea.” Sarong pahayag. Ianunsiar an petsa kan masunod na pansirkitong asamblea. Maninigo na an gabos gumibo nin espesyal na paghihingoa na imbitaran an mga inaadalan sa Biblia. Enkaminaron an dai pa bautisadong mga parahayag na seryosong isip-isipon an manongod sa pagsimbolisar kan saindang pagdusay ki Jehova sa masunod na asamblea. Sadolon an gabos na umatender sa duwang sesyon kan kada aldaw.
Kanta 224 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.
c Limitaran an introduksion sa dai pang sarong minuto, asin sundan nin hapot-simbagan.