Iskedyul sa Pagtiripon sa Paglilingkod
Semana nin Mayo 13
10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin magkasuhay na mga demonstrasyon kun paano iaatubang an Mayo 15 Torrengbantayan asin an Mayo 22 na Awake!
20 min: “Suhestion na mga Pag-atubang sa Paglilingkod sa Langtad.” Pakikipag-olay sa mga nagdadangog sa suplemento na pangengenotan kan paraataman sa paglilingkod. An suplementong ini igwa nin suhestion na mga pag-atubang na nagluwas sa nakaaging mga isyu kan An Satong Ministeryo sa Kahadean kaiba an nagkapirang bago. An blangkong mga linya puedeng gamiton tanganing suratan nin iba pang suhestion na maluwas sa ngapit asin nagin epektibo sa lokal na teritoryo. Imbitaran an mga nagdadangog na sabihon kun arin na mga pag-atubang an nangorognang gusto ninda asin taano. Idemonstrar an saro o duwa na puedeng gamiton sa katapusan kan semanang ini. Enkaminaron an gabos na parahayag asin payunir na sarayon an suplementong ini asin konsultahon iyan nin parate kun nag-aandam para sa ministeryo.
15 min: “Puede Nindong Malikayan an Espirituwal na Atake sa Puso.” Pahayag basado sa artikulo sa Disyembre 1, 2001 Torrengbantayan, pahina 9-13. Ipaheling na mahalagang marhay na ingatan an satong piguratibong puso kun paanong mahalaga man na marhay na bantayan an satong pisikal na puso. Enkaminaron an gabos na dai pag-ignorohon an nagpapatanid na mga sintoma nin espirituwal na kaluyahan.
Kanta 115 asin pantapos na pamibi.
Semana nin Mayo 20
10 min: Lokal na mga paisi. Report sa kuenta. Repasohon an “Hapot.”
15 min: “Dakula daw an Teritoryo kan Kongregasyon Nindo?” Pahayag asin pakikipag-olay sa mga nagdadangog na pangengenotan kan paraataman sa paglilingkod. (An mga kongregasyon na limitado an teritoryo puedeng repasohon an artikulong “Gamiton an Saindong Panahon sa Kapakipakinabang na Paagi,” sa Hunyo 1999 An Satong Ministeryo sa Kahadean, pahina 4.) Sambiton kun gurano kadakula an teritoryo kan kongregasyon asin kun gurano na kadakol an natapos kan nakaaging taon. Ipaliwanag kun paano puedeng iaplikar sa lokal an mga suhestion na itinao. Repasohon an ginigibong mga plano na magibo an bihirang mahulitan na teritoryo sa dai na mahahaloy na panahon.
20 min: “Ginagamit daw Nindo an Brosyur na Kahagadan sa Pagpoon nin mga Pag-adal?” Pumoon paagi sa iinandam na marhay na demonstrasyon nin sarong parahayag kun paano poponan an pag-adal, na ginagamit an halimbawa sa parapo 3. Pagkatapos, sambiton an mga tampok na kabtang kan brosyur, asin ipaliwanag kun gurano karahay na dinisenyo iyan para sa pagpoon nin mga pag-adal. Ipaheling an halaga nin pagkonsulta nin regular sa mga suhestion na nasa pahina 4 asin 6 kan suplemento sa bulan na ini kun paano mapoon nin mga pag-adal sa brosyur na ini. Hapoton an mga nagdadangog kun arin na mga suhestion an nanompongan ninda na mapangganang marhay. Taposon paagi sa pag-otro kan demonstrasyon sa parapo 3.
Kanta 169 asin pantapos na pamibi.
Semana nin Mayo 27
12 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Mayo. Ginagamit an mga suhestion sa pahina 8, ipademonstrar sa sarong may edad nang parahayag kun paano iaatubang an Hunyo 1 Torrengbantayan asin ipademonstrar sa hoben na parahayag kun paano iaatubang an Hunyo 8 Awake! Pakatapos kan kada demonstrasyon, komentohan kun gurano kapasil na iiniba an sarong teksto sa pag-atubang.
20 min: “Ano an May Tunay na Halaga?” Pahayag nin sarong magurang sa kongregasyon basado sa artikulo sa Setyembre 15, 2001 Torrengbantayan, pahina 21-3. Ipaheling kun paano na an pagkaigwa nin pag-oyon ni Jehova igwa nin mas dakulang halaga kisa ano man na kabantogan o materyal na mga rogaring. Iaplikar an mga punto sa lokal na kongregasyon tanganing iyan magin praktikal.
13 min: Pag-atubang kan Librong Kaaraman sa Hunyo. Pakatapos nin halipot na pagtokar kan pitong “Mga Suhestion sa Pag-alok kan Librong Kaaraman” sa pahina 5 kan suplemento, ipademonstrar sa nag-andam na marhay na mga parahayag o payunir an duwa sa mga pag-atubang na ini. Enkaminaron an gabos na repasohon an mga suhestion na ini bago makikabtang sa ministeryo sa Hunyo.
Kanta 93 asin pantapos na pamibi.
Semana nin Hunyo 3
15 min: Lokal na mga paisi. Iareglo na isaysay kan mga parahayag an mga bendisyon na naeksperyensiahan ninda bilang resulta nin pakikikabtang sa pag-auxiliary o regular payunir durante kan Marso, Abril, o Mayo.
15 min: Kun Paano Naggagamit nin Ibang Traduksion kan Biblia an Librong Reasoning. Halipot na pahayag na susundan nin pakikipag-olay sa mga nagdadangog. Basahon an parapo 2 sa pahina 8 kan librong Reasoning, asin ipaliwanag kun taano asin paano maninigong itampok an Biblia sa satong ministeryo. Itokdo an lista kan mga abrebiasyon kan Biblia sa pahina 6, asin ipaliwanag kun taano ta ginagamit niato an mga kotasyon hale sa ibang mga traduksion. Ipakipag-olay an mga pag-iingat na nasambitan sa Oktubre 1, 1997 Torrengbantayan, pahina 16, parapo 2, asin pahina 20, parapo 15. Ginagamit an temang “Apostolic Succession,” “Images,” asin “Trinity” sa librong Reasoning, imbitaran an mga nagdadangog na ipaheling kun paano makakatabang sa pagtokdo kan katotoohan an pagkomparar kan mga traduksion.
15 min: “An Pagtubod Niato Nagpapahiro sa Sato sa Marahay na mga Gibo.”a Kun tinotokar an parapo 2, interbiohon sa halipot an sarong maigot na Saksi. Hagadon sa parahayag na ipahayag kun paano an pagpatotoo sa iba nagpapaheling sagkod nagpapakosog kan saiyang pagtubod.
Kanta 56 asin pantapos na pamibi.
[Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.