Iskedyul sa Pagtiripon sa Paglilingkod
Semana nin Hulyo 8
15 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 4, magkaigwa nin duwang magkasuhay na demonstrasyon kun paano iaatubang an Hulyo 15 Torrengbantayan asin an Hulyo 22 na Awake! Sa kada demonstrasyon, ipaheling an magkalaen na paagi nin pagsimbag sa habong makipag-olay na nagsasabing “Mga Kristiano na kami digdi.”—Helingon an librong Reasoning, pahina 19.
10 min: Pahayag nin sarong magurang sa kongregasyon sa “Hapot” na nasa pahina 3, na naggigibo nin lokal na aplikasyon kaiyan.
20 min: Pag-organisar Tanganing Magpatotoo nin Impormal. Pakikipag-olay sa mga nagdadangog sa librong Our Ministry, pahina 93-4. Ginagamit an mga suhestion sa enot na pahina kan suplemento kan Mayo 2002 na An Satong Ministeryo sa Kahadean, idemonstrar sa halipot an duwa o tolong paagi nin pagpatotoo nin impormal sa sarong dayo, sarong kataed, sarong paryente, o sarong kamidbid.
Kanta 139 asin pantapos na pamibi.
Semana nin Hulyo 15
10 min: Lokal na mga paisi. Report sa kuenta.
15 min: Lokal na mga pangangaipo.
20 min: Marahay na mga Dahelan na Gamiton an Biblia sa Satong Ministeryo. Pahayag asin pakikipag-olay sa mga nagdadangog. Aram ni Jesus an Kasuratan asin kinokonsulta iyan nin parate kun nagtotokdo. (Luc. 24:27, 44-47) An itinokdo nia bakong hale sa saiya man sana. (Juan 7:16-18) Importante na gamiton man niato an Tataramon nin Dios. Iyan mas mapuersa kisa ano pa man na tibaad personal niatong sinasabi. (Juan 12:49, 50; Heb. 4:12) An mga sinsero naeengganyar kan karangahan asin paglaom na itinatao kan Kasuratan. Gibohon nindong pasohan na magbasa nin kisuerra sarong teksto sa Biblia sa saindong mga pag-atubang. Sabihon na may iinibang mga teksto sa isinuherir na mga pag-atubang kan mga magasin ngonyan na bulan. Humagad nin nagkapirang komento sa mga nagdadangog manongod sa kun paano ninda ginagamit an Biblia sa ministeryo asin an nagin epekto kaini sa saindang sadiri asin sa mga hinuhulitan ninda.
Kanta 215 asin pantapos na pamibi.
Semana nin Hulyo 22
10 min: Lokal na mga paisi. Idinedemonstrar nin sarong magurang asin aki na magkaibanan sa paglilingkod kun paano gagamiton an mga suhestion sa pahina 4 sa pag-alok kan mga magasin na Agosto 1 asin Agosto 8. An saro itinatampok An Torrengbantayan, asin an saro pa itinatampok an Awake! Enkaminaron an mga magurang na progresibong sanayon an saindang mga aki sa ministeryo.
17 min: Ano an Sasabihon Nindo sa Saro na Naghahapot Manongod sa Islam? Pahayag asin demonstrasyon. Ginagamit an librong Mankind’s Search for God, kapitulo 12, ipaliwanag sa halipot an pagkakaagid kan Biblia asin kan Koran. (Helingon an kahon sa pahina 285.) Ipaheling an pagkakalaen kan katokdoan kan Islam manongod sa kalag (pahina 297-300) asin kan paliwanag kan Biblia. (Helingon an nota sa ibaba sa pahina 299.) Ginagamit an librong Reasoning, pahina 375-9 (sa Tagalog, p. 100-4), idemonstrar kun paano ipaliliwanag sa sarong bagohan na interesado kun ano an sinasabi kan Biblia manongod sa kalag.
18 min: Paano Ako Makakalikay sa mga Peligro sa Internet? Pahayag asin pakikipag-olay sa mga nagdadangog basado sa Enero 22, 2000 na Awake!, pahina 19-21. Sabihon an mga natatagong peligro sa dai pag-estrikto sa paggamit kan Internet, asin ipaliwanag kun paano makakalikay na masiod. Imbitaran an mga nagdadangog na magkomento sa kun paano sinda nakinabang sa pag-aplikar kan hatol na ini.
Kanta 61 asin pantapos na pamibi.
Semana nin Hulyo 29
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Hulyo.
15 min: “An Pinakamaogmang mga Tawo sa Daga.” Sarong pahayag. Iiba sa halipot an “Mga Lakdang Pasiring sa Kaogmahan,” sa pahina 6 sa Oktubre 15, 1997 Torrengbantayan.
20 min: “Magkasorogpon na May Pagkaoroyon.”a Kun tinotokar an parapo 3, iiba an mga komento hale sa Abril 22, 2000 na Awake!, pahina 9-10. Sa parapo 4, iiba an mga komento sa Abril 1, 1995 Torrengbantayan, pahina 16-17, parapo 4-6.
Kanta 81 asin pantapos na pamibi.
Semana nin Agosto 5
10 min: Lokal na mga pangangaipo.
20 min “Pagtipon sa mga Tawo Hale sa Gabos na Tataramon.”b Iiba an mga komento sa Abril 1, 2002 na Watchtower, pahina 24. Kun aplikable, ipaliwanag sa halipot kun ano an ginigibo tangani na matabangan an mga nasa lokal na teritoryo na nagtataram nin ibang mga tataramon, asin idemonstrar an pag-atubang sa parapo 4.
15 min: Pahayag nin sarong magurang sa kongregasyon sa “Empatiya—Nakakatabang sa Pagpaheling nin Kabootan Asin Pakikidamay,” basado sa artikulo sa Abril 15, 2002 na Torrengbantayan, pahina 24-7.
Kanta 184 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.