Iskedyul sa Pagtiripon sa Paglilingkod

Semana nin Enero 13

Kanta 69

13 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 4, magkaigwa nin duwang magkasuhay na demonstrasyon kun paano itatampok an Enero 15 Torrengbantayan asin an Enero 22 na Awake!

22 min: Madara Minsan Daing Tataramon. Pahayag asin pakikipag-olay sa mga nagdadangog. An marahay na Kristianong gawe-gawe mapuersang patotoo. Napahiro kaiyan an nagkapirang agom na daing pagtubod na magin mga parasamba ki Jehova. (1 Ped. 3:​1, 2) Magsaysay nin mga eksperyensia na yaon sa Enero 1, 1999 Torrengbantayan, pahina 4; sa Oktubre 1, 1995 Torrengbantayan, pahina 10-11; asin sa 1995 Yearbook, pahina 46. Iareglo nin patienot na pakomentohon an duwa o tolo manongod sa positibong mga resulta na naobserbaran ninda sa pagsunod sa hatol kan Biblia sa kabtang na ini.

10 min: “Bagong Programa sa Espesyal na Aldaw nin Asamblea.” Pahayag na nakikipag-olay sa mga nagdadangog. Ianunsiar an petsa kan masunod na espesyal na aldaw nin asamblea asin enkaminaron an gabos na umatender saka imbitaran an bagong mga interesado patin inaadalan sa Biblia.

Kanta 22 asin pantapos na pamibi.

Semana nin Enero 20

Kanta 44

8 min: Lokal na mga paisi. Report sa kuenta.

15 min: Sinisiyasat daw Nindo an Kasuratan sa Aroaldaw? Pahayag asin pakikipag-olay sa mga nagdadangog. Enkaminaron an gabos na gamiton nin tama an Pagsiyasat sa Kasuratan Aroaldaw​​—2003. Tokaron an mga komento hale sa introduksion, pahina 3-4. Magtao nin mga suhestion kun paano an mga pamilya iribang makakapag-orolay sa teksto. Tangani na ipaheling an mga pakinabang sa pagkonsiderar kan teksto sa kada aldaw, tokaron an duwa o tolong halimbawa kan teksto asin mga komento na nakaiskedyul sa masunod na bulan. Iiba an sarong halipot na demonstrasyon nin sarong mag-agom na magkaibanan na pinag-oolayan an teksto asin mga komento kan aldaw.

22 min: “Itokdo sa Iba an Dalisay na Tataramon.”a Pakatapos na pag-olayan an parapo 6, ipademonstrar sa sarong may kakayahan na parahayag kun paano mapoon nin pag-adal sa Biblia sa pinto kun nagdadalaw liwat, na ginagamit an saro sa mga presentasyon na nasa suplemento kan Mayo 2002 na An Satong Ministeryo sa Kahadean, pahina 4. Iiba an pag-orolay sa sarong parapo na nasa brosyur na Kahagadan. Pataposon an parahayag paagi sa pagpalataw nin sarong hapot sa masunod na parapo asin pag-areglo na simbagon iyan sa masunod na pagdalaw.

Kanta 68 asin pantapos na pamibi.

Semana nin Enero 27

Kanta 92

10 min: Lokal na mga paisi. Ginagamit an mga suhestion na nasa pahina 4, magkaigwa nin duwang magkasuhay na demonstrasyon kun paano itatampok an Pebrero 1 Torrengbantayan asin an Pebrero 8 Awake! Sa kada kamugtakan, hagadon sa parahayag na taposon paagi sa pagtao sa kagharong kan pulyeto na Ano Gusto Nindong Makaaram Pa nin Orog Manongod sa Biblia? Ipaliwanag sa halipot kun paano niato dadalawon liwat an mga napasakamotan nin mga magasin pagwalat niato kan pulyeto.​​—Helingon an Disyembre 2001 na An Satong Ministeryo sa Kahadean, p. 4, par. 10.

20 min: Lokal na mga pangangaipo.

15 min: “Paghagad nin Dispensasyon​—Importanteng Marhay sa Pakipagkatoninongan.” Pahayag basado sa artikulo sa Torrengbantayan na Nobyembre 1, 2002, pahina 4-7.

Kanta 124 asin pantapos na pamibi.

Semana nin Pebrero 3

Kanta 9

15 min: Lokal na mga paisi. Repasohon an mga punto sa “Hapot” na nasa pahina 3. Enkaminaron an mga parahayag na gamiton an pormang Please Follow Up (S-43) kun may manompongan sindang mga tawo na nagtataram nin ibang lenguahe. Sa pankagabsan, maninigo na gamiton an porma para sa katuyohan na ini dawa kun an indibiduwal dai nagpapaheling nin interes sa mensahe kan Kahadean.

15 min: “Pamumuhay Oyon sa Satong Pagdusay.”b Pakatapos na pag-olayan an parapo 3, interbiohon sa halipot an sarong hoben na nasa edad na o sarong tinedyer na bautisado. Anong mga angat an inatubang nia poon kan sia mabautismohan? Ano an nakatabang sa saiya tangani na mapangganahan an mga angat na iyan? Paano sia nakinabang sa pagdusay kan saiyang buhay ki Jehova?

15 min: Arogon an Pagtubod Ninda. Interbiohon an sarong magurang sa kongregasyon na mapakumbaba asin fiel na naglilingkod ki Jehova sa laog nin dakol nang taon. (Heb. 13:7) Paano nia nanodan an katotoohan? Anong mga kaolangan an kinaipuhan niang pangganahan sa paninindogan niang iyan? Anong espirituwal na mga probisyon o pagparigon sa boot an nakatabang sa saiya na umoswag? Ano an ginibo nia sa paghihingoang maabot an katongdan sa kongregasyon? (1 Tim. 3:1) Ano an nakatabang saiya na mapagtimbang an mga paninimbagan sa kongregasyon asin an sekular asin pampamilyang mga obligasyon? (1 Tim. 5:8) Ano an saboot nia manongod sa pribilehio nin pagtabang sa iba sa kongregasyon?

Kanta 133 asin pantapos na pamibi.

[Mga Nota sa Ibaba]