Iskedyul sa Pagtiripon sa Paglilingkod

Semana nin Pebrero 10

Kanta 4

10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na dalanon an video na Faithful Under Trials​​—Jehovah’s Witnesses in the Soviet Union bilang pag-andam para sa pag-orolay sa Pagtiripon sa Paglilingkod sa semana nin Pebrero 24. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Pebrero 15 Torrengbantayan asin an Pebrero 22 na Awake! Sa kada kamugtakan, an duwang magasin maninigong ialok na magkapadis, dawa ngani saro sana an itinampok.

35 min: “Maghulit Asin Magtao nin Lubos na Pagpatotoo.”a Pangengenotan kan paraataman sa paglilingkod. Enkaminaron an gabos na may kakayahan na mag-auxiliary payunir sa Marso, Abril, asin Mayo. Imbitaran na magkomento an mga nagpayunir kan nakaaging panahon nin Memorial. Paano sinda nag-iskedyul tangani na makapagpayunir? Anong paghihingoa asin mga pagliliwat an kinaipuhan kaini? Anong mga kagayagayahan asin bendisyon an naeksperyensiahan ninda? Repasohon an sampol na mga iskedyul sa kahon na nasa pahina 4. Ianunsiar na makukua an mga aplikasyon para sa pag-auxiliary payunir pakatapos kan miting.

Kanta 30 asin pantapos na pamibi.

Semana nin Pebrero 17

Kanta 48

10 min: Lokal na mga paisi. Report sa kuenta. Repasohon an alok sa Marso. Sambiton an saro o duwang suhestion sa pag-atubang kan librong Kaaraman, na ginagamit an mga punto hale sa suplemento kan An Satong Ministeryo sa Kahadean na Mayo 2002. Idoon an pasohan na makapoon nin mga pag-adal sa Biblia.

35 min: “Pagkinabang nin Lubos sa ‘Maigot na mga Parabalangibog kan Kahadean’ na Pandistritong Kombension.” Pangengenotan kan namamayo sa Pag-adal sa Torrengbantayan. Pakatapos nin sarong minutong introduksion, pamayohan an pakikipag-olay sa mga nagdadangog manongod sa programa kan pandistritong kombension, na ginagamit an mga hapot na itinao sa artikulo. Maingat na bangabangaon an saindong oras. Puedeng iiba an halipot na mga komento tangani na magirumdoman an pangenot na mga punto. Kun angay, hapoton an mga nagdadangog kun paano na ninda iinaaplikar an saindang nanodan asin kun anong mga pakinabang an inaako ninda sa paggibo kaiyan.

Kanta 57 asin pantapos na pamibi.

Semana nin Pebrero 24

Kanta 74

10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Pebrero. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Marso 1 Torrengbantayan asin an Marso 8 Awake! Sa kada kamugtakan, an duwang magasin maninigong ialok na magkapadis, dawa ngani saro sana an itinampok.

10 min: “Tabang sa Tamang Panahon.” Pahayag nin sarong magurang sa kongregasyon. Itampok na an espesyal na paghihingoa na ginigibo tangani na matabangan an mga inaktibo nagpapabanaag kan mamomoton na pagmakolog ni Jehova sa saiyang banwaan.

25 min: “Sarong Video na Matao nin Kaliwanagan Asin Mamotibar sa Saindo!” Dumiretso tolos sa pakikipag-olay sa mga nagdadangog manongod sa video na Faithful Under Trials, na ginagamit an mga hapot na itinao. Maingat na bangabangaon an oras tangani na matawan pa nin panahon an nagkapirang komento sa huring hapot. Taposon paagi sa pagbasa kan kahon na nasa pahina 192 kan 2002 Yearbook. (Pasabot: Sa mga kongregasyon na mayo kan video na ini, puedeng itao imbes an pahayag na “Kun Paano Makakaya an Negatibong mga Saboot,” basado sa Abril 15, 2001 Torrengbantayan, pahina 22-4.)

Kanta 56 asin pantapos na pamibi.

Semana nin Marso 3

Kanta 14

10 min: Lokal na mga paisi. Tokaron sa halipot an “Bagong Areglo Para sa mga Libreriya kan Kingdom Hall.” Sambiton kun siisay an maglilingkod bilang laybraryan sa libreriya kan Kingdom Hall.

15 min: Lokal na mga pangangaipo.

20 min: “Ano an Prioridad Nindo?”b Iareglo nin patienot na magkomento an saro o duwang parahayag kun paano ninda liniwat an saindang mga kamugtakan tangani na mas dakol an magibo sa ministeryo.

Kanta 127 asin pantapos na pamibi.

[Mga Nota sa Ibaba]