Iskedyul sa Pagtiripon sa Paglilingkod

Semana nin Agosto 11

Kanta 101

10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Agosto 15 Torrengbantayan asin an Agosto 22 na Awake! Sa saro sa mga pag-atubang, idemonstrar kun paano aatubangon an habong makipag-olay na nagsasabing “I’m busy” (sa Bicol, “Sibot ako”).​​—Helingon an librong Reasoning (TG), pahina 19.

15 min: “Arogon an Karahayan ni Jehova.”a Imbitaran an mga nagdadangog na magsaysay nin halipot na mga eksperyensia na nagpapaheling kun paano an mga gibo nin kabootan nakabukas kan dalan tangani na makapagpatotoo.

20 min: “An mga Bendisyon kan Ministeryo Bilang Payunir.”b Gamiton an itinaong mga hapot. Imbitaran an saro o duwang payunir na magkomento manongod sa mga bendisyon na inako ninda sa pagpapayunir. Sambiton na an siisay man na interesado sa pagpapayunir puedeng kumua nin aplikasyon sa sekretaryo.

Kanta 11 asin pantapos na pamibi.

Semana nin Agosto 18

Kanta 82

10 min: Lokal na mga paisi. Report sa kuenta.

17 min: “Gibohon na Nakagiginhawa.”c Iareglo nin patienot an duwa o tolo na magkomento sa kun paano nakagiginhawa sa sainda an Kristianong ministeryo.

18 min: “Papagdanayon Niato na Nasa Marahay na Kamugtakan an Satong Lugar nin Pagsamba.”d (Parapo 1-5) Gamiton an itinaong mga hapot. Kun pinag-oolayan an parapo 3 asin 4, repasohon an lokal na mga areglo para sa paglinig kan Kingdom Hall. Darahon an atension sa ano man na bagay na kaipuhan na asikasohon. Komendaran an kongregasyon sa saindang mga paghihingoa na manteneron an angay na lugar para sa tunay na pagsamba.

Kanta 114 asin pantapos na pamibi.

Semana nin Agosto 25

Kanta 175

10 min: Lokal na mga paisi. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Setyembre 1 Torrengbantayan asin an Setyembre 8 Awake! Ipaheling an sarong magurang asin sarong tinedyer na aking lalaki o babae na nag-eensayo bilang pag-andam para sa gibohon na pagmamagasin. Rinerepaso ninda sa halipot an kada isinuherir na pag-atubang bago idemonstrar iyan.

15 min: “Puede daw Nindong Ipagamit an Saindong Harong?” Pahayag nin sarong paraataman sa pag-adal sa libro. Iiba an komento na nasa “Mga Hapot” sa Abril 2001 asin Abril 1990 mga isyu kan An Satong Ministeryo sa Kahadean. Sambiton an kabilangan kan mga grupo nin pag-adal sa libro sa kongregasyon asin an promedyong nag-aatender. Ipasaysay sa saro o duwang parahayag kun paano sinda asin an saindang pamilya nakinabang sa pagkaigwa kan pag-adal sa libro sa saindang harong. An siisay man na gustong ipagamit an saindang harong maninigong ipaaram ini sa nangengenot na paraataman.

20 min: Magkaigwa nin Pagkapusoan na Maghulit. (1 Tes. 2:2) Sarong pahayag na nakikipag-olay sa mga nagdadangog. Ipaliwanag kun taano ta dakol an nahahandal sa pagdolok sa iba na dara an mensahe kan Kahadean. Totoo ini dawa sa dakol nang taon na mga aktibo. Isaysay an nagkapira sa mga eksperyensia na yaon sa Disyembre 1, 1999 Torrengbantayan, pahina 25; Disyembre 15, 1999 Torrengbantayan, pahina 25; asin Abril 1, 1996 na Torrengbantayan, pahina 31. Imbitaran an mga nagdadangog na magkomento sa kun paano ninda nahimong magkaigwa nin pagkapusoan sa paghiras kan maogmang bareta sa mga panahon na sinda natatakot. Taposon paagi sa pag-enkaminar na kumua nin kosog hale ki Jehova, basado sa Disyembre 15, 1999 Torrengbantayan, pahina 23-4.

Kanta 125 asin pantapos na pamibi.

Semana nin Setyembre 1

Kanta 84

10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Agosto. Sambiton an alok sa Setyembre.

15 min: Inootob daw Nindo an Saindong Panuga na Madalaw Liwat? Sarong pahayag asin pakikipag-olay sa mga nagdadangog basado sa Setyembre 15, 1999 Torrengbantayan, pahina 10-11, sa temang “Ibang mga Paagi sa Pag-otob kan Satong mga Panuga.” Kun nakanonompong kita nin mga tawo sa satong ministeryo na nagpapaheling nin interes, sa parate iinaareglo niato na ipadagos an pakikipag-olay sa ibang panahon. Kita daw fiel na minabalik siring sa ipinanuga? Repasohon an mga prinsipyo sa Biblia na maninigong magmotibar sa sato na otobon an satong panuga. Imbitaran an mga nagdadangog na magsaysay nin mga eksperyensia na nagpapaheling kun paano sinda binendisyonan paagi sa pagbalik tolos-tolos.

20 min: “Papagdanayon Niato na Nasa Marahay na Kamugtakan an Satong Lugar nin Pagsamba.”e (Parapo 6-12) Gamiton an itinaong mga hapot. Idoon an importansia nin tamang pagmantener kan Kingdom Hall, na itinatampok an kahon na nasa pahina 5. Iiba an halipot na report manongod sa kamugtakan kan saindong Kingdom Hall, asin sambiton an ano man na plano na gumibo nin mga paghirahay o pagpakarhay.

Kanta 41 asin pantapos na pamibi.

[Mga Nota sa Ibaba]