Iskedyul sa Pagtiripon sa Paglilingkod

Semana nin Oktubre 13

Kanta 215

10 min: Lokal na mga paisi asin piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin duwang realistikong demonstrasyon kun paano iaatubang an Torrengbantayan na Oktubre 15 asin an Awake! na Oktubre 22. Sa saro sa mga pag-atubang, idemonstrar an pagdalaw liwat sa sarong ruta sa magasin. Magbugtak nin pundasyon para sa masunod na pagdalaw paagi sa pagdara kan atension sa kahon na “Sa Masunod na Luwas.”​​—Helingon An Satong Ministeryo sa Kahadean na Oktubre 1998, p. 8, par. 7-8.

20 min: “Maglingkod Kamo ki Jehova na May Paggayagaya.”a (An gabos maninigong darahon an suplemento kan An Satong Ministeryo sa Kahadean na Mayo 2002 para sa pag-orolay na ini.) Pakatapos pag-olayan an parapo 4, sambiton na durante kan Nobyembre iaalok niato an brosyur na Kahagadan asin an librong Kaaraman. Repasohon sa halipot an saro sa isinuherir na mga pag-atubang sa suplemento kan An Satong Ministeryo sa Kahadean na Mayo 2002. Dangan ipaheling an sarong sesyon sa pag-ensayo na idedemonstrar an pag-atubang na iyan. Enkaminaron an gabos na mag-andam na marhay para sa ministeryo.

15 min: An Pamamayo nin mga Pag-adal sa Biblia Nagtatao nin mga Bendisyon. Pahayag asin pakikipag-olay sa mga nagdadangog. Magsaysay nin nagkapirang eksperyensia hale sa satong mga publikasyon may koneksion sa progresibong mga pag-adal sa Biblia.​—w00-BI 3/1 p. 6; yb98-E p. 55-​60.

Kanta 172 asin pantapos na pamibi.

Semana nin Oktubre 20

Kanta 86

10 min: Lokal na mga paisi. Report sa kuenta.

20 min: “Pagdagdag sa Satong Ikinakapasakamot na mga Magasin.”b Pangengenotan an kabtang na ini kan paraataman sa paglilingkod. Sambiton kun pirang magasin an ikinakapasakamot kan kongregasyon kada bulan asin enkaminaron an gabos na magkaigwa nin regular na personal na pedido.

15 min: Pahayag sa “Odok daw Nindong Hinahanap si Jehova?” basado sa artikulo sa Watchtower na Agosto 15, 2003, pahina 25-8.

Kanta 112 asin pantapos na pamibi.

Semana nin Oktubre 27

Kanta 64

10 min: Lokal na mga paisi. Enkaminaron an gabos na repasohon an saindang nota sa programa kan espesyal na aldaw nin asamblea para sa taon na ini bilang pag-andam para sa masunod na semanang Pagtiripon sa Paglilingkod. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Torrengbantayan na Nobyembre 1 asin an Awake! na Nobyembre 8. Sa saro sa mga pag-atubang, idemonstrar kun paano aatubangon an habo maghinanyog na nagsasabing “Dai ako interesado.”​​—Helingon an librong Reasoning, p. 16.

20 min: Gamiton an Espada kan Espiritu. (Efe. 6:17) Pakikipag-olay sa mga nagdadangog basado sa librong Paadalan sa Pagmiministro, pahina 143-4. Imbitaran na magkomento sa mga hapot na ini: (1) Taano ta ginagamit niato an Biblia kun nagsisimbag sa mga hapot? (2) Ano an ipinaririsa kan ngaran na Mga Saksi ni Jehova manongod sa sato? (3) Anong halimbawa an itinao ni Jesus, asin paano niato sia maaarog? (4) Sa lokal na teritoryo, ano an nagkapirang epektibong paagi na iintrodusir an mga ideya sa Biblia? (5) Taano ta marahay na magbasa nin direkta sa Biblia kun posible? (6) Paano maeenkaminar kan kamagurangan an iba na gamiton nin tama an Biblia? Magkaigwa nin inandam na marhay na demonstrasyon basado sa praktis na nasa pahina 144 na dian an sarong may kakayahan na parahayag naggagamit nin kisuerra sarong teksto sa pagsimbag nin sarong hapot. Enkaminaron an gabos na gibohon na pasohan ninda na gamiton an Biblia sa kada pagpatotoo ninda.

15 min: “Sarong Gibohon na Nagkakaipo nin Kapakumbabaan.”c Kun pinag-oolayan an parapo 3, imbitaran an mga nagdadangog na magtao nin mga suhestion kun paano masimbag kun may nagpoprobar sa teritoryo na tuyatuyaon kita o sia daing modo, o anggot. Kun pinag-oolayan an parapo 4, iiba an mga komento sa Insight, Tomo 1, pahina 1160, parapo 3.

Kanta 52 asin pantapos na pamibi.

Semana nin Nobyembre 3

Kanta 147

5 min: Lokal na mga paisi.

15 min: Lokal na mga pangangaipo.

25 min: Magin Mayaman sa Marahay na mga Gibo. (1 Tim. 6:18) Ginagamit an itinaong mga hapot digdi, pamamayohan nin sarong magurang sa kongregasyon an pakikipag-olay sa mga nagdadangog manongod sa programa kan espesyal na aldaw nin asamblea na ginibo ngonyan na taon. Imbitaran an kongregasyon na magsaysay kun paano ninda nahimong iaplikar an nanodan ninda. (Puedeng iasignar nin patienot an mga kabtang.) Itampok an minasunod na mga kabtang kan programa: (1) “An Marahay na mga Gibo Nagtatao nin Dakulang Pakinabang.” (Ecl. 2:11) Taano ta pinagmamaigotan na magibo kan mga lingkod nin Dios an marahay na mga gibo na sinabi sa Tataramon nin Dios imbes na an daing kamanungdanan na mga gibo kan kinaban na ini? (2) “Magin Mayaman sa Punto de Vista nin Dios.” (Mat. 6:20) Paano an nagkapira ‘nagtipon nin mga kayamanan sa langit,’ asin may anong mga pakinabang? (3) “Dugangan an Ministeryo Nindo Paagi sa Inaadalan sa Biblia.” (om-E p. 91) Ano an makakatabang sa sato na makapoon asin makapamayo nin pag-adal sa Biblia? (4) “Marahay na mga Gibo sa Panahon na Ini nin Pag-ani.” (Mat. 13:37-​39) Anong halimbawa nin marahay na mga gibo an itinao kan enot na mga Kristiano, asin paano naghiwas an gibohon na pan-Kahadean sa satong aldaw? (5) “Pamurawayon Logod si Jehova kan Saindong Marahay na mga Gibo.” (Mat. 5:​14-​16) Paano an nagkapira ‘nagpapasirang kan saindang liwanag’? (6) “Pagtao nin Komendasyon sa mga Hoben Huli sa Saindang Marahay na mga Gibo sa Pag-omaw ki Jehova.” (Sal. 148:​12, 13) Paano nag-oomaw ki Jehova an Kristianong mga hoben sa satong sirkito? (7) “Magpadagos sa Marahay na mga Gibo Asin Mag-ani nin mga Bendisyon ni Jehova.” (Tal. 10:22) Mantang sibot kita sa marahay na mga gibo, anong mga bendisyon an puedeng anihon bilang indibiduwal, bilang pamilya, bilang kongregasyon, asin bilang pambilog na kinaban na organisasyon?

Kanta 180 asin pantapos na pamibi.

[Mga Nota sa Ibaba]