Iskedyul sa Pagtiripon sa Paglilingkod

PASABOT: An Satong Ministeryo sa Kahadean maiskedyul nin Pagtiripon sa Paglilingkod para sa kada semana durante kan mga bulan nin kombension. Puedeng gumibo nin pagliliwat an mga kongregasyon kun kaipuhan tangani na matawan nin lugar an pag-atender sa “Pamurawayon an Dios” na Pandistritong Kombension. Durante kan bulan nin Pebrero 2004, sarong bilog na Pagtiripon sa Paglilingkod an iaareglo tangani na repasohon an tampok na mga kabtang kan programa kan kombension. Bilang preparasyon sa pagtokar na iyan, kita gabos puedeng kumua nin makahulogan na mga nota sa kombension, kabale an espesipikong mga punto na boot niatong iaplikar personalmente sa sato mismong buhay asin sa ministeryo sa langtad. Dangan puede niatong enkaminaron an iba paagi sa pagpaliwanag kun paano niato iinaplikar an mga suhestion na iyan poon kan mag-atender kita sa kombension.

Semana nin Nobyembre 10

Kanta 212

10 min: Lokal na mga paisi asin piniling Mga Paisi sa An Satong Ministeryo sa Kahadean. Magkaigwa nin duwang demonstrasyon kun paano gagamiton sa saindong teritoryo an mga suhestion sa pahina 8 sa pag-atubang kan Torrengbantayan na Nobyembre 15 asin kan Awake! na Nobyembre 22. Sa kada pag-atubang, an duwang magasin maninigong ialok na magkapadis, dawa ngani saro sana an itinatampok. Iiba sa saro sa mga demonstrasyon an paliwanag kun paano ginagastosan an satong pambilog na kinaban na gibohon.​​—Helingon An Torrengbantayan, p. 2, o Awake!, p. 5.

15 min: ‘Magin Andam Kamo.’a Imbitaran an mga nagdadangog na magkomento sa kun ano an nakakatabang sa sainda tanganing dai maubos kan mga kahaditan asin disturbo sa presenteng sistema nin mga bagay an panahon na mas marahay na magagamit sa espirituwal na mga aktibidad.

20 min: “Pagtorotiripon Tangani na Omawon si Jehova.”b Gamiton an itinaong mga hapot. Sadolon an gabos na magin presente sa gabos na sesyon kan kombension, poon Biernes na aga sagkod Domingong hapon. Idoon an pangangaipo na iaplikar an nanodan niato kisa maghinanyog sana. Pag-olayan an pasabot na nasa enotan mapadapit sa plano para sa Pagtiripon sa Paglilingkod sa Pebrero 2004, na sa panahon na iyan magkakaigwa nin repaso manongod sa tampok na mga kabtang kan pandistritong kombension. Enkaminaron an gabos na kumua nin nota.

Kanta 127 asin pantapos na pamibi.

Semana nin Nobyembre 17

Kanta 96

12 min: Lokal na mga paisi. Interbiohon an duwa o tolong parahayag na nagkaigwa nin interesanteng mga eksperyensia sa paglilingkod sa langtad na ginagamit an presenteng alok. An nagkapira tibaad nakapoon nin mga pag-adal sa Biblia.

18 min: “Nakarerepresko an Komendasyon.”c Iiba an mga komento sa librong Kaogmahan nin Pamilya, pahina 49-​50, parapo 21. Imbitaran na magkomento nin halipot an mga indibiduwal na naenkaminar nin mga tataramon nin komendasyon hale sa iba.

15 min: “Magin Arogan sa Marahay na mga Gibo.”d Gamiton an itinaong mga hapot. Ipaliwanag kun taano ta mahalagang marhay an marahay na gawe-gawe kan gabos sa kombension.

Kanta 58 asin pantapos na pamibi.

Semana nin Nobyembre 24

Kanta 213

12 min: Lokal na mga paisi. Report sa kuenta. Magkaigwa nin duwang magkasuhay na demonstrasyon kun paano gagamiton an mga suhestion sa pahina 8 sa pag-atubang kan Torrengbantayan na Disyembre 1 asin kan Awake! na Disyembre 8. Puedeng gumamit nin sarong laen na teksto kisa sa isinuherir sa pahina 8. Sa kada pag-atubang, an duwang magasin maninigong ialok na magkapadis, dawa ngani saro sana an itinatampok. Sa saro sa mga pag-atubang, idemonstrar an pag-alok nin mga magasin sa impormal na paagi sa pampublikong transportasyon o sa nagkapira pang angay na lokal na kamugtakan.

13 min: Pahayag nin sarong magurang sa kongregasyon sa “Hapot” na nasa pahina 7.

20 min: “An Husay na Gubing Nagpapaheling nin Reberensia sa Dios.”e Pangengenotan nin sarong magurang sa kongregasyon. Gamiton an itinaong mga hapot. Ipabasa nin makosog an kada parapo sa sarong tugang na lalaki na may kakayahan na parabasa.

Kanta 202 asin pantapos na pamibi.

Semana nin Disyembre 1

Kanta 138

10 min: Lokal na mga paisi. Pagirumdomon an mga parahayag na itao an mga report nin paglilingkod sa langtad para sa Nobyembre. Sambiton an alok sa Disyembre. Repasohon sa halipot an saro o duwang isinuherir na pag-atubang.

15 min: “Kultibaron an Espiritu nin Pagtatao.” Pahayag nin sarong magurang sa kongregasyon, basado sa Torrengbantayan na Nobyembre 1, 2003, pahina 26-​30.

20 min: “Pagkultibar nin Kadayupotan ki Jehova.”f Gamiton an itinaong mga hapot. Humagad nin mga komento sa mga nagdadangog kun paano aplikado an mga teksto. Iareglo nin patienot an saro o duwa na magkomento sa kun ano an nakatabang sa sainda na paoswagon an kualidad kan saindang personal na pag-adal sa Biblia.

Kanta 70 asin pantapos na pamibi.

[Mga Nota sa Ibaba]