Iskedyul sa Pagtiripon sa Paglilingkod
Semana nin Enero 12
10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 4, idemonstrar kun paano iaatubang an Torrengbantayan na Enero 15 asin an Awake! na Enero 22. Sa kada kamugtakan, an duwang magasin maninigong ialok na magkapadis, minsan ngani saro sana an itinatampok.
15 min: “An Nakalalabi sa Halaga na Kadonongan nin Dios.”a Sagkod na may oras, imbitaran an mga nagdadangog na komentohan an sitadong mga teksto.
20 min: Paano Nindo Pinipili an mga Kaibaiba Nindo? Pakikipag-olay sa mga nagdadangog basado sa librong Worship God, pahina 47-9. Ginagamit an mga hapot asin sitadong mga teksto sa parapo 13, imbitaran an mga nagdadangog na komentohan an mga prinsipyo sa Biblia na maninigong gumiya sa sato sa pagpili kan mga kaibaiba niato.
Kanta 186 asin pantapos na pamibi.
Semana nin Enero 19
5 min: Lokal na mga paisi.
10 min: Pahayag nin sarong magurang sa kongregasyon na kinokobrehan an materyales sa “Hapot.”
15 min: Lokal na mga pangangaipo.
15 min: “Paano Niato Matatabangan an mga Agom na Bakong Saksi?”b Interbiohon an saro o duwa na nagin mga lingkod ni Jehova huli sa marahay na halimbawa kan saindang agom na nag-ako kan katotoohan.
Kanta 73 asin pantapos na pamibi.
Semana nin Enero 26
12 min: Lokal na mga paisi. Report sa kuenta. Ipagirumdom sa mga parahayag na itao an mga report nin paglilingkod sa langtad para sa Enero. Ginagamit an mga suhestion sa pahina 4, idemonstrar kun paano iaatubang an Torrengbantayan na Pebrero 1 asin an Awake! na Pebrero 8. Sa kada kamugtakan, an duwang magasin maninigong ialok na magkapadis, minsan ngani saro sana an itinatampok. Sa saro sa mga pag-atubang, idemonstrar kun paano nindo iaalok an mga magasin sa sarong kataed.
15 min: Iaplikar an Tataramon nin Dios sa Saindong Buhay Aroaldaw. Pahayag asin pakikipag-olay sa mga nagdadangog. Enkaminaron an gabos na gamiton na marhay an Pagsiyasat sa Kasuratan Aroaldaw—2004. Tokaron an mga komento hale sa introduksion, pahina 3-4. Hapoton an mga nagdadangog kun ano personalmente an nanompongan ninda na pinakamarahay na oras na estudyaran an pan-aroaldaw na teksto. Tokaron an teksto asin mga komento para sa aldaw na iyan kaiba kan kongregasyon. Imbitaran an mga nagdadangog na komentohan kun paano niato praktikal na ikaaaplikar an impormasyon. Enkaminaron an gabos na estudyaran sa halipot kun paano ninda ikaaaplikar an materyales kun pinag-oolayan ninda an teksto aroaldaw.
18 min: Pagkultibar nin Pakikikatood sa mga Kapagtubod. (Tal. 18:24; 27:9) Pahayag asin pakikipag-olay sa mga nagdadangog basado sa Torrengbantayan na Disyembre 1, 2000, pahina 22-3. An saro sa mga bendisyon nin tunay na pagsamba iyo an oportunidad na magkaigwa nin tunay na mga katood. An satong mga pakiibaiba sa mga pagtiripon, sa paglilingkod sa langtad, asin sa iba pang mga okasyon nagtatao nin dakol na pamparigon sa boot. Paano niato kukultibaron an pakikikatood sa iba sa kongregasyon? Repasohon an kahon na “Anom na Lakdang sa Nagdadanay na Pagkakatood,” asin imbitaran an mga nagdadangog na komentohan kun paano ikaaaplikar an kada punto sa satong relasyon sa satong mga tugang.
Kanta 177 asin pantapos na pamibi.
Semana nin Pebrero 2
10 min: Lokal na mga paisi. Sambiton an alok sa Pebrero. Repasohon an mga pag-atubang para sa pag-alok kan Rumani ki Jehova sa An Satong Ministeryo sa Kahadean na Mayo 2003, pahina 7.
20 min: “Maanan na Marhay an Paggamit Nindo nin Panahon.”c Imbitaran an mga nagdadangog na komentohan kun ano an ginigibo ninda tangani na pagdanayon na dai makaolang an bakong mahalagang mga aktibidad sa espirituwal na mga aktibidad.
15 min: Arogon si Pablo Kun Paanong Inarog Nia si Cristo. (1 Cor. 11:1) Pakikipag-olay sa mga nagdadangog. Siring ki Jesus, inaprobetsaran ni Pablo an mga oportunidad na magpatotoo sa “mga nasusumpongan nia.” (Gibo 17:17) Ano an mga oportunidad na magigibo niato ini sa satong teritoryo? Siisay an mga “nasusumpongan” kun kita namamakal, nagtatrabaho o nag-eeskuela, o nasa pampublikong transportasyon? Siisay an puede niatong kaolayon kun kita nasa harong? Imbitaran an mga nagdadangog na magsaysay nin mga eksperyensia ninda sa paghuhulit sa mga tawo na nanonompongan ninda durante kan aroaldaw na mga aktibidad.
Kanta 151 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.