Iskedyul sa Pagtiripon sa Paglilingkod

Semana nin Abril 12

Kanta 93

10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 4, idemonstrar kun paano iaatubang an Torrengbantayan na Abril 15 asin an Awake! na Abril 22. Sa kada kamugtakan, an duwang magasin maninigong ialok na magkapadis, minsan ngani saro sana an itinatampok. Sa kada demonstrasyon, ipaheling an magkalaen na paagi nin pagsimbag sa habong makipag-olay na nagsasabing “Sibot ako.”—Helingon an librong Reasoning, pahina 19-​20.

15 min: “Pagtao ki Jehova kan Pinakamakakaya Niato.”a Kun pinag-oolayan an parapo 4, imbitaran an mga nagdadangog na magkomento manongod sa espesipikong mga paagi na ikakapaheling niato an pagkamoot sa mga tawo kun ginigibo an satong ministeryo.

20 min: An mga Payunir Nagtatabang sa Iba. Pahayag asin mga interbio na pamamayohan kan paraataman sa paglilingkod. Repasohon an programang An mga Payunir Nagtatabang sa Iba na itinao sa An Satong Ministeryo sa Kahadean na Setyembre 1998, pahina 4. Isaysay an positibong mga bagay na nagibo na sa lokal. Interbiohon an sarong payunir na nakatabang sa saro asin sarong parahayag na natabangan. Ipaheling kun paano an duwa nakinabang sa pag-ibanan sa ministeryo. Imbitaran an iba na aprobetsaran an probisyon na ini sa maabot na mga bulan.

Kanta 91 asin pantapos na pamibi.

Semana nin Abril 19

Kanta 55

8 min: Lokal na mga paisi.

17 min: “Arogon an Nasa Isip na Aktitud ni Jesus.”b Gamiton an itinaong mga hapot. Kun pinag-oolayan an parapo 4, imbitaran an mga nag-o-auxiliary payunir na magkomento manongod sa mga bendisyon na naeksperyensiahan ninda bilang resulta kan paggibo kaiyan.

20 min: “Kamo daw Pirmeng Nangangaipo nin Pagboot sa Biblia?” Pahayag nin sarong magurang sa kongregasyon basado sa artikulo sa Torrengbantayan na Disyembre 1, 2003, pahina 20-3.

Kanta 80 asin pantapos na pamibi.

Semana nin Abril 26

Kanta 46

12 min: Lokal na mga paisi. Report sa kuenta. Pagirumdomon an mga parahayag na itao an saindang report nin paglilingkod sa langtad para sa Abril. Sambiton an alok sa Mayo. Ginagamit an mga suhestion sa pahina 8, idemonstrar kun paano iaatubang an Torrengbantayan na Mayo 1 asin an Awake! na Mayo 8. Sa kada kamugtakan, an duwang magasin maninigong ialok na magkapadis, minsan ngani saro sana an itinatampok. Sa saro sa mga pag-atubang, idemonstrar an paghuhulit sa sarong katrabaho o kaeskuela.

15 min: Lokal na mga pangangaipo.

18 min: Mga Hoben​—Magin Mapagmansay sa Pagplano kan Edukasyon Nindo. Kinakaolay nin sarong magurang sa kongregasyon an nagkapirang magurang asin an saindang tinedyer na mga aki manongod sa suplementaryong edukasyon. Ipinakikipag-olay sa sainda kan magurang sa kongregasyon an Torrengbantayan na Setyembre 1, 1999, pahina 16-17, parapo 11-13, na idinodoon an mga dahelan kun taano an pambilog na panahon na ministeryo ta maninigong magin pangenot sa saindang lista nin mga prioridad. (Torrengbantayan, Disyembre 1, 1996, pahina 18-19, parapo 13-15) Dangan rerepasohon kan grupo an hatol na nasa Awake! na Marso 8, 1998, pahina 20-1, na idinodoon an pangangaipo na turotimbangon an mga pakinabang asin an mga disbentaha nin suplementaryong edukasyon patin linilimitaran iyan sa kun ano an kaipuhan tangani na masuportaran an sadiri mantang maigot na ipinagpapadagos an ministeryo. An gabos maoyon na maninigo sindang magiyahan kan konseho ni Jesus na enoton an intereses kan Kahadean.​—Mat. 6:33.

Kanta 38 asin pantapos na pamibi.

Semana nin Mayo 3

Kanta 48

10 min: Lokal na mga paisi. Kun an kongregasyon igwa nin teritoryo na bihirang mahulitan, ianunsiar kun anong mga areglo an ginigibo para sa lubos na pagkobre mantang marahay pa an kamugtakan nin panahon. Kun kita nasa bakasyon o nagbibiahe, kaipuhan an maigot na pagplano tanganing dai mapabayaan an pampamilyang pag-adal, mga pagtiripon kan kongregasyon, asin paglilingkod sa langtad. (Tal. 21:5) Pagirumdomon an gabos na itao an saindang report nin paglilingkod sa langtad, baga man sinda nasa harong o mayo sa harong.

15 min: “Mga Hoben—Basahon an Tataramon nin Dios!”c Iareglo nin patienot na an saro o duwang hoben magkomento manongod sa saindang programa nin pagbasa sa Biblia asin kun paano sinda nakikinabang gikan dian. Enkaminaron an mga hoben na gibohon nindang pasohan an pagbasa kan bilog na Biblia. Iiba an mga komento sa librong Paadalan sa Pagmiministro, pahina 10, parapo 5.

20 min: “Makipaglaban Ka kan Marahay na Pakilaban kan Pagtubod.” Pahayag nin sarong magurang sa kongregasyon basado sa artikulo sa Torrengbantayan na Pebrero 15, 2004, pahina 26-30.

Kanta 164 asin pantapos na pamibi.

[Mga Nota sa Ibaba]