Kanta 38

Pagpaheling nin Kaimbodan

(Salmo l8:25)

1. Si Jehova may banwaan,

Ogmang ngaran nia dara,

Maimbod na kongregasyon,

Dedikado saiya.

Sa abunda niang lamesa

Sinda pinakakakan nia,

’Nganing sa isip o gibo

Sia mapaogma man ninda.

2. Sa saiyang kongregasyon

Magmaimbod man kita,

Marigon an pagsuportar

Minsan masakitan pa.

Maimbod na bantayan ta,

Nungka sindang pabayaan;

Kun iyan nasa peligro,

Tolos-tolos patanidan.

3. Mga tugang tatabangan,

An maluya, bagohan,

Sa pag-adal o paglingkod,

Tabang may kabootan.

Siring sa sarong pamilya,

Nungka na mag-ururihan

Kundi sa pag-ibaiba

Dapat igwang kaimbodan.

4. Sa mapandayang kinaban,

Magpakaimbod kita,

Paglakaw magin dayaday

Sa Kristianong dalan ta.

Satanas pahimutikan,

Jehova patotoohan.

Maimbod inooyonan,

Para sa Dios kaogmahan.