Iskedyul sa Pagtiripon sa Paglilingkod

Semana nin Oktubre 11

Kanta 219

10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion sa pahina 8 tangani na idemonstrar kun paano iaatubang an Torrengbantayan na Oktubre 15 asin an Awake! na Oktubre 22.

20 min: “Sarong Gibohon na Sinusuportaran nin Dios.”a Iiba an mga komento na nasa librong Proclaimers, pahina 547-8.

15 min: Makanompong nin Dakulang Kaogmahan sa Pagtabang sa Iba. (Juan 4:34) Mga interbio. Magayagayang maheling na magliwanag sa kaogmahan an lalauogon nin saro huli sa pakanood kan mga katotoohan hale sa Tataramon nin Dios. (w94 3/1 p. 29 par. 5-6) Interbiohon an duwa o tolong parahayag o payunir na epektibo sa paggamit kan Biblia sa ministeryo asin sa pagpoon patin pagkondukta nin mga pag-adal sa Biblia. Paano ninda kinukultibar an interes kan nanonompongan ninda? Anong kagayagayahan an nanonompongan ninda sa paggibo kaiyan? Ipasaysay o ipaakto sa sainda an mga eksperyensia sa saindang ministeryo.

Kanta 69 asin pantapos na pamibi.

Semana nin Oktubre 18

Kanta 127

5 min: Lokal na mga paisi.

25 min: “Pakikikabtang sa Ministeryo Bilang Pamilya.”b Sagkod na may oras, interbiohon an mga magurang na naoogmang ibanan an saindang mga aki sa ministeryo, na hapoton sinda kun paano ninda iiniiskedyul an saindang panahon asin an mga pakinabang na inaako ninda. Kun may nagkapira sa kongregasyon na nakinabang kan hoben pa sa halimbawa nin mga magurang asin ngonyan igwa na nin mga pribilehio sa kongregasyon, puede man sindang interbiohon.

15 min: “Gamiton an Espirituwal na mga Pasohan Tanganing Pamurawayon an Saindong Kaglalang.” Pahayag basado sa artikulo sa Torrengbantayan na Hulyo 15, 2004, pahina 21-3. Darahon an espesyal na atension sa pitong espirituwal na pasohan na isinuherir sa kahon na nasa pahina 22 asin kun paano an pagsurat kan satong mga pasohan makakatabang sa sato na maabot iyan.

Kanta 165 asin pantapos na pamibi.

Semana nin Oktubre 25

Kanta 56

12 min: Lokal na mga paisi. Report sa kuenta. Ginagamit an mga suhestion sa pahina 8, idemonstrar kun paano iaatubang an Torrengbantayan na Nobyembre 1 asin an Awake! na Nobyembre 8. Sa kada pag-atubang, ipaheling an laen na paagi na ekspertong sisimbagon an habong makipag-olay na nagsasabing “Dai ako interesado sa Mga Saksi ni Jehova.”​​—Helingon an librong Reasoning, pahina 17 sa Tagalog.

18 min: Magtao nin Ebidensia na Masuportar sa Tataramon nin Dios. Pakikipag-olay sa mga nagdadangog basado sa librong Paadalan sa Pagmiministro, pahina 256-7. Paano niato magagamit an ebidensia hale sa mga reperensia apuera sa Biblia tangani na tabangan an mga tawo na pahalagahan an pagkarasonable kan Kasuratan? Imbitaran an mga nagdadangog na magkomento sa minasunod na mga hapot: Anong mga halimbawa sa pisikal na uniberso an puede niatong sabihon bilang prueba na may sarong Kaglalang? (rs p. 291-3 sa Tagalog) Paano niato magagamit an mga komento nin mga iskolar o eksperto tangani na tabangan an iba na masabotan na an Biblia talagang Tataramon nin Dios? (rs p. 64-6 sa Tagalog) Anong ilustrasyon o pagbabaing an magagamit niato tangani na tabangan an iba na masabotan kun taano ta tinotogotan nin Dios an karatan? (rs p. 85 sa Tagalog) Anong mga eksperyensia o halimbawa an ginamit nindo tangani na tabangan an iba na pahalagahan an kadonongan kan pagsunod sa hatol kan Biblia?

15 min: Pagdadanay sa Marahay na mga Gibo. (Gal. 6:10) Interbiohon an duwa o tolo na magsalang regular payunir o nag-o-auxiliary payunir sa panapanahon. Anong mga olang an inatubang ninda sa saindang paglilingkod ki Jehova, asin paano ninda iyan napangganahan? Ano an nakatabang sa sainda na magdanay sa paggibo nin karahayan sa iba? Paano sinda mismo asin an iba nakinabang sa mga paghihingoa ninda sa Kristianong ministeryo? Komendaran an gabos sa ‘maimbod nindang gibo asin sa saindang mamomoton na pagpapagal patin sa saindang pagtagal.’​—1 Tes. 1:​2, 3.

Kanta 62 asin pantapos na pamibi.

Semana nin Nobyembre 1

Kanta 15

10 min: Lokal na mga paisi. Pagirumdomon an gabos na itao an report nin paglilingkod sa langtad. Durante kan Nobyembre iaalok niato an Makanood sa Dakulang Paratokdo. Repasohon sa halipot an mga suhestion sa pag-alok kan libro sa An Satong Ministeryo sa Kahadean na Mayo 2004, pahina 3, asin idemonstrar an saro sa mga pag-atubang. Kun magigin mas epektibo sa lokal na teritoryo an laen na paagi, puede ining tokaron asin idemonstrar. Sagkod na may oras, imbitaran an mga nagdadangog na magkomento kun paano ninda ginamit an publikasyon na ini sa ministeryo.

15 min: Lokal na mga pangangaipo.

20 min: “Pag-atender nin Regular sa mga Pagtiripon​—Sarong Prioridad.”c Iareglo nin patienot an saro o duwa na magkomento sa mga ginibo ninda tangani na magin presente sa kada pagtiripon kan kongregasyon.

Kanta 175 asin pantapos na pamibi.

[Mga Nota sa Ibaba]