Probaran an Madaling Ibagay na Pamamaagi — Watchtower ONLINE NA LIBRARYA

Probaran an Madaling Ibagay na Pamamaagi

An sinserong interes sa mga tawo papahiroon kita na risahon an mga pangangaipo ninda asin ipaheling sa sainda kun paano itatao kan Kahadean an kompletong solusyon sa mga problema na inaatubang ninda. (Fil. 2:4) An madaling ibagay na pamamaagi na nanonompongan na epektibo nin dakol na parahayag iyo an pag-imbitar sa kagharong na magkomento dapit sa mga ilustrasyon kan mga kamugtakan sa Paraiso na nasa satong mga publikasyon, arog kan mga nakalista sa toong kolumna kan pahinang ini. Puede nindong gibohon ini na ginagamit an saro sa minasunod na mga introduksion:

◼ “Sa paghona daw nindo maheheling pa niato an pamilya nin tawo na yaon sa mga kamugtakan na arog kan ilinaladawan digdi?”

◼ “Kita gabos gusto na an satong mga aki mabuhay sa kinaban na arog kan ilinaladawan digdi. Ano sa paghona nindo an kaipuhan tangani na maotob ini?”

◼ “Ini an ilustrasyon kun ano an magigin kamugtakan kan daga kun gibohon na an kabotan nin Dios digdi sa daga siring sa langit. May naririsa daw kamo digdi na laen sa buhay ngonyan?”

◼ “Gusto daw nindong mabuhay sa mga kamugtakan na ilinaladawan digdi? [Pasimbagon.] Sa paghona daw nindo mangyayari ini sa panahon na kita nabubuhay pa?”

Maghinanyog nin maingat sa simbag kan tawo, asin maboot na enganyaron siang magtaram paagi sa saro o duwa pang hapot. Kun an nagkapira sumimbag na habo nindang mabuhay sa mga kamugtakan na ilinadawan o na sinda dai naniniwala na posible iyan, dai tolos magkonklusyon na sinda dai interesado. Mataktikang hapoton kun taano ta arog kaiyan an saboot ninda. An mga komento ninda tibaad maghayag nin makosog na pagkapurisaw sa garo baga mayo nin solusyon na mga problema na inaatubang nin katawohan.—Ezeq. 9:4.

Kun naririsa nindo an mga ikinakapurisaw kan kagharong, ibagay dian an pag-atubang nindo. Itampok an aspekto kan mensahe kan Kahadean na pinakadirektamenteng nagtotokar sa saiyang mga pangangaipo. Ipaheling an saro o duwang teksto na nanonongod sa bagay na ikinakapurisaw nia. (Helingon an mga suhestion sa toong kolumna.) Ipaheling mismo sa saiya an sinasabi kan Tataramon nin Dios. Kun magpaheling sia nin interes, ialok an publikasyon asin iareglo an pagdalaw liwat. Padagos na pataluboon an interes sa enot nindong pakikipag-olay.

[Kahon sa pahina 6]

Mga Halimbawa nin mga Kamugtakan sa Paraiso

Librong Creation: pahina 237, 243, 251

Librong Paratokdo: pahina 251-4

Librong Kaaraman: pahina 4-5, 188-9

Brosyur na Kahagadan: pahina 11, 13

Librong Tunay na Katoninongan: pahina 98

Librong Worship God: pahina 92-3

[Kahon sa pahina 6]

Mga Bagay na Ikinakapurisaw nin mga Tawo

Bakong epektibong gobyerno

Salmo 146:3, 4;