Kun Ano an Sasabihon Manongod sa mga Magasin

An Torrengbantayan Mar. 15

“Inoomaw nin mga tawo sa bilog na kinaban an mga katokdoan ni Jesus. [Basahon an kotasyon na nasa pahina 3, parapo 1.] Alagad sa paghona daw nindo praktikal ngonyan an mga katokdoan na iyan, arog kan halimbawa na yaon sa tekstong ini? [Basahon an Mateo 5:​21, 22a. Dangan pasimbagon.] Tinotokar kan magasin na ini kun ano an itinokdo ni Jesus asin kun paano kita makikinabang dian.”

Awake! Mar. 22

“Dakol na tawo an gustong-gusto an mga bukid huli sa gayon kaiyan, alagad aram daw nindo na iyan mahalagang marhay para sa buhay digdi sa daga? [Pasimbagon.] Tinotokar kan magasin na ini kun taano ta kaipuhan niato an mga bukid asin kun ano an nangyayari sa mga iyan ngonyan. Sinasambit man kaiyan kun paano iingatan kan Kaglalang an importanteng rekurso na ini.” Basahon an Salmo 95:4.

An Torrengbantayan Abr. 1

“Nadangog na daw nindong sinasabi na magkasarongatan an siensia asin an Biblia? [Pasimbagon.] Sinisiyasat kan magasin na ini an kasaysayan nin pagkontrahan kan siensia asin relihion. Alagad iinaatubang man kaiyan an ebidensia na nagpapaheling na an tunay na siensia kaoyon kan Biblia.” Ipaheling an pahina 6-7. Dangan basahon an Eclesiastes 1:7.

Awake! Abr. 8

“Sa paghona nindo paano daw matatabangan nin mga magurang an saindang mga aki na malikayan an mga problema durante kan depisil na mga taon nin pagtinedyer? [Pasimbagon. Dangan basahon an Isaias 48:​17, 18.] Ipinapaheling kan magasin na ini kun paano makakatabang sa mga magurang an pag-aplikar kan hatol kan Biblia sa pagpaoswag nin marahay na komunikasyon sa saindang mga aki asin sa pagbugtak nin rasonableng mga limitasyon para sa sainda.”