Kun Ano an Sasabihon Manongod sa mga Magasin

An Torrengbantayan Mar. 15

“Sa paghona daw nindo praktikal para sa satong panahon an mga katokdoan ni Jesus? [Pasimbagon.] Daing duwa-duwa na maoyon kamo sa pagboot na ini na itinao ni Jesus kan huring aldaw kan saiyang buhay. [Basahon an Juan 15:12.] Nagtokdo man si Jesus nin iba pang mahahalagang leksion kan aldaw na idto. Ipinaheheling kan isyung ini kan An Torrengbantayan kun paano kita makikinabang dian.”

Awake! Mar. 22

“Nariparo daw nindo na ngonyan na mga aldaw dakol an nadedepisilan na makatorog nin igo? [Pasimbagon.] An kahaditan o pagproblema puedeng makakontribwir digdi. [Basahon an Eclesiastes 5:12.] Sinisiyasat kan magasin na ini an nagkapirang dahelan nin dai pakatorog, asin nagtatao iyan nin praktikal na mga suhestion kun paano ta mapararahay an satong ugale sa pagtorog.”

An Torrengbantayan Abr. 1

“Ipinaheheling digdi an pagkakan na pinagkatodan nang apodon na Huring Pamanggihan. [Ipaheling an atubangan asin likod kan magasin.] Aram daw nindo na iyan an solamenteng pangyayari na ipinagboboot sa mga Kristiano na selebraron? [Pasimbagon. Dangan basahon an Lucas 22:19.] Ipinaliliwanag kan magasin na ini kun taano an selebrasyon na ini ta importanteng marhay asin kun paano iyan nakaaapektar sa saindo.”

Awake! Abr. 8

“Bako daw na makaturotriste na dakol na buhay nin mga hoben an naraot nin droga? [Pasimbagon.] Sa parate nagpopoon an mga problema kun nakikiiba an mga hoben sa nakadadanyar na grupo. [Basahon an 1 Corinto 15:33.] Sinisiyasat kan isyung ini kan Awake! kun ano an nakaiimpluwensia sa mga hoben na pumoon na gumamit nin droga asin kun ano an magigibo nin mga magurang tangani na protehiran sinda.”